ប្រទេសោចិន ៖ ការឆ្លងរាលដាលនៃវីរុសCOVID-19 ពេលនេះរីកកាន់តែខ្លាំងនៅក្រៅប្រទេសចិន ដែលនៅទីនោះការឆ្លងហាក់ធ្លាក់ចុះ ចំណែកបណ្ដាវិធានការមឺុងម៉ាត់នានា ត្រូវបានបង្កើនលើពិភពលោក ដោយអារ៉ាប៊ីសាអូឌីតបានសម្រេចផ្អាកការធ្វើធម្មយាត្រារបស់បណ្ដាសាសនិកអ៊ិស្លាមមកកាន់ក្រុងឡាមិុក ហើយជប៉ុនបានបិទសាលារៀននានា ។…
ប្រទេសោចិន ៖ ការឆ្លងរាលដាលនៃវីរុសCOVID-19 ពេលនេះរីកកាន់តែខ្លាំងនៅក្រៅប្រទេសចិន ដែលនៅទីនោះការឆ្លងហាក់ធ្លាក់ចុះ ចំណែកបណ្ដាវិធានការមឺុងម៉ាត់នានា ត្រូវបានបង្កើនលើពិភពលោក ដោយអារ៉ាប៊ីសាអូឌីតបានសម្រេចផ្អាកការធ្វើធម្មយាត្រារបស់បណ្ដាសាសនិកអ៊ិស្លាមមកកាន់ក្រុងឡាមិុក ហើយជប៉ុនបានបិទសាលារៀននានា ។
ទោះបីចិនរហូតមកទល់ពេលនេះនៅតែជាប្រភពសំខាន់នៃការចម្លងវីរុស COVID-19 តែគ្រោះថ្នាក់មានការកើនឡើងជាមួយការលេចប្រទេសថ្មីៗក្លាយជាប្រភពចម្លងដែរ ដូចជាកូរ៉េខាងត្បូង អីុរ៉ង់និងអីុតាលី ។ នាថ្ងៃទី២៨កុម្ភៈកូរ៉េខាងត្បូងរៀបរាប់ពីអ្នកឆ្លងវីរុស ២៥៦នាក់ថែមទៀតធ្វើឲ្យចំនួនអ្នកឆ្លងសរុបឡើងដល់២.០២២នាក់ ហើយមនុស្ស១៣នាក់ស្លាប់ ។
ចំណែកអីុរ៉ង់ប្រកាសពីអ្នកឆ្លងថាមាន១០៦នាក់ថែមទៀត ធ្វើឲ្យចំនួនអ្នកឆ្លងសរុបឡើងដល់២៤៥នាក់ ក្នុងនោះស្លាប់២៦នាក់ ។ នៅអឺរ៉ុបប្រទេសអីុតាលីនាថ្ងៃទី២៧កុម្ភៈចំនួនអ្នកឆ្លងឡើងដល់ជាង៦៥០នាក់ ទល់នឹង៤០០នាក់នាថ្ងៃទី២៦កុម្ភៈ ក្នុងនោះ១៧នាក់ស្លាប់ ។
ថ្ងៃទី២៨កុម្ភៈក្រុងប៉េកាំងចេញផ្សាយពីតួលេខអ្នកឆ្លងថ្មីថាមាន៣២៧នាក់ ជាចំនួនដ៏តិចមួយក្នុងប្រទេស ចាប់តាំងពីថ្ងៃទី២៤មករាមកនិងពីអ្នកស្លាប់ថ្មី៤៤នាក់។ សរុបមនុស្ស៧៨.៨២៤នាក់បានឆ្លងវីរុសនេះនៅចិនដីគោក តាំងពីចាប់ផ្ដើមការឆ្លងមក ។
ម្យ៉ាងវិញទៀត លើពិភពលោកក្នុងមួយថ្ងៃៗមានការប្រកាសពីអ្នកឆ្លង ហើយប្រទេសចុងក្រោយគេមានអ្នកឆ្លង មកទល់ពេលនេះគឺប្រទេសហូឡង់ដែលប្រកាសពីអ្នកឆ្លងម្នាក់ ដែលបានទៅកាន់អីុតាលី។ នៅបារាំងមកដល់ថ្ងៃទី២៧ កុម្ភៈមានអ្នកឆ្លងឡើងដល់៣៨នាក់ក្នុងនោះ២នាក់ស្លាប់ ។
ប្រមុខអង្គការសុខភាពពិភពលោក WHO
លោកTEDROS ADHANOM GHEBREYESUS អះអាងថា យើងកំពុងស្ថិតក្នុងដំណាក់កាលសំខាន់មួយ ហើយលោកគូសបញ្ជាក់ថា រយៈពេល២ថ្ងៃចុងក្រោយនេះ ចំនួននៃអ្នកឆ្លងថ្មីលើពិភពលោកឡើងខ្ពស់ជាងការកត់សម្គាល់ឃើញនៅចិន ជាកន្លែងដែលវីរុសនេះលេចពីខែធ្នូមក ។ វីរុស COVID-19 ពេលនេះឆ្លងដល់ប្រទេសប្រមាណ៥០ទៀតក្រៅពីចិនដីគោក ជាមួយតុល្យការអ្នកឆ្លងនៅក្រៅចិនដីគោកឡើងដល់ជាង៤.០០០នាក ់និងអ្នកស្លាប់ជាង៦០នាក់ ។ ដើម្បីទប់ការឆ្លងនៃវីរុសនេះ នាយករដ្ឋមន្ត្រីជប៉ុនលោក
សីុនហ្សូអាបេ បានស្នើឲ្យបិទបណ្ដោះអាសន្នបណ្ដាសាលារៀនសាធារណៈរបស់ប្រទេសចាប់ពីថ្ងៃទី១មីនាទៅ ។
នៅចិនអ្នកជំងឺសរុប៣៦.១១៧នាក់ជាចេញពីមន្ទីរពេទ្យ
អាជ្ញាធរសុខាភិបាលចិនថ្លែងកាលពីថ្ងៃទី២៨កុម្ភៈថា បានទទួលព័ត៌មានទាក់ទិននឹងអ្នកឆ្លងវីរុសCOVID-19ថ្មី៣២៧នាក់និងអ្នកស្លាប់ថ្មី៤៤នាក់នាថ្ងៃទី២៧កុម្ភៈ ក្នុងតំបន់៣១កម្រិតខេត្តនៃផ្នែកចិនដីគោក ។ក្នុងចំណោមអ្នកស្លាប់ថ្មី៤១នាក់ក្នុងខេត្តហ៊ូបីុ ២នាក់នៅក្រុងប៉េកាំង និងម្នាក់ក្នុងអង្គភាពផលិតកម្មនិងសំណង់ខេត្តសីុនជាំង។ក្នុងថ្ងៃទី២៧កុម្ភៈសរុបមានអ្នកសង្ស័យថ្មីថាឆ្លងវីរុស៤៥២នាក់ត្រូវបានរាយការណ៍ ហើយមនុស្ស៣.៦២២នាក់បានជាសះស្បើយចាកចេញពីមន្ទីរពេទ្យ។ ចំនួនករណីអ្នកជំំងឺធ្ងន់បានចុះថយ៣៩៤នាក់ទៀត មកនៅត្រឹម៧.៩៥២នាក់។
នាចុងថ្ងៃទី២៧កុម្ភៈសរុបចំនួនអ្នកឆ្លងមាន៧៨.៨២៤នាក់នៅចិនដីគោក រួចចំនួនសរុបនៃអ្នកស្លាប់ដោយសារជំងឺនេះ ឡើងដល់២.៧៨៨នាក់។ សរុបអ្នកជំងឺឆ្លងវីរុសCOVID-19ដែលចេញពីមន្ទីរពេទ្យក្រោយជាសះស្បើយមានដល់៣៦.១១៧នាក់។ នាចុងថ្ងៃទី២៧កុម្ភៈក្នុងតំបន់រដ្ឋបាលពិសេសហុងកុងមានអ្នកឆ្លងវីរុសនេះឡើងដល់៩៣នាក់ក្នុងនោះ២នាក់ស្លាប់ ១០នាក់នៅម៉ាកាវនិង៣២នាក់នៅតៃវ៉ាន់ក្នុងនោះស្លាប់ម្នាក់។ អ្នកជំងឺ២៦នាក់នៅហុងកុង ៨នាក់នៅម៉ាកាវនិង៦នាក់នៅតៃវ៉ាន់បានចាកចេញពីមន្ទីរពេទ្យក្រោយជាសះស្បើយ ៕
ចែករំលែកព័តមាននេះ