ហុងកុង ៖ ប្រជាជនហុងកុងអាចរំពឹងថា នឹងសាកល្បងជិះរថយន្តក្រុងធុនតូចអគ្គិសនី និងសាឡាងអគ្គិស នីបាននៅក្នុងឆ្នាំ២០២៣ ខណៈថវិកាចំនួន៤៣០លានដុល្លារហុងកុង ត្រូវបានត្រៀមបម្រុងសម្រាប់អភិវឌ្ឍការដឹកជញ្ជូនថាមពលបៃតងនៅក្នុងថវិកាដែលបានប្រកាសកាលពីថ្ងៃពុធ ។
ការិយាល័យបរិស្ថានបានបង្ហាញនូវផែនការ ដើម្បីអភិវឌ្ឍផែនទីបង្ហាញផ្លូវរបស់ទីក្រុង ដើម្បីធ្វើឱ្យរថយន្តអគ្គិសនីមានប្រជាប្រិយ ក្នុងគោលបំណងកែលម្អគុណភាពខ្យល់របស់ហុងកុង។
លេខាធិការនៃបរិស្ថាន លោក Wong Kam-sing បាននិយាយកាលពីថ្ងៃព្រហស្បតិ៍ថា រថយន្តក្រុងធុនតូចអគ្គិសនី គឺប្លែកសម្រាប់ការដឹកជញ្ជូនតាមដងផ្លូវរបស់ហុងកុង ហើយយើងសង្ឃឹមថា នឹងជួយក្នុងការផ្តល់ថវិកាសម្រាប់ការទិញរថយន្តប្រភេទនេះ និង សាងសងកន្លែងសាកថ្ម ។
ការិយាល័យបរិស្ថាននឹងត្រៀមថវិកា៨០លានដុល្លារហុងកុង សម្រាប់ការទិញរថយន្តក្រុងធុនតូចអគ្គិសនីចំនួន៤០គ្រឿង និងដើម្បីបង្កើតកន្លែងសាកថ្មនៅតាមបណ្តោយផ្លូវរបស់រថយន្តទាំងនោះ។
ទន្ទឹមនឹងនេះ ថវិកាចំនួន ៣៥០លានដុល្លារហុងកុង ត្រូវបានគេបម្រុងទុកសម្រាប់ឱ្យទៅអ្នកគ្រប់គ្រងសាឡាង Victoria Harbour ចំនួន៤ សម្រាប់ទិញសាឡាងអគ្គិសនីជាច្រើនគ្រឿង និង សាងសងកន្លែងសាកថ្ម។ ថ្វីត្បិតតែវាភាពលំបាកសម្រាប់ការសាងសង់ គេរំពឹងថានឹងអាចប្រើប្រាស់វានៅឆ្នាំ២០២៣។
ការជំរុញឱ្យមានការដឹកជញ្ជូនសាធារណៈអគ្គិសនីកើតឡើងស្របពេលជាមួយនឹងគម្រោងសាកល្បង ២ពាន់លានដុល្លារហុងកុង ដើម្បីឧបត្ថម្ភដល់ការដំឡើងកន្លែងចតរថយន្តអគ្គិសនីនៅតំបន់អចលនទ្រព្យឯកជន ដើម្បីបង្កើនការប្រើប្រាស់រថយន្តបៃតង។ ទីក្រុងហុងកុងមានរថយន្តអគ្គិសនីប្រហែល ១៣៦០០ គ្រឿងដែលស្មើនឹង ២.១% នៃយានយន្តឯកជនទាំងអស់នៅក្នុងទីក្រុង។
ជាមួយនឹងការត្រៀមរៀបចំហេដ្ឋារចនាសម្ព័ន្ធរដ្ឋាភិបាលសង្ឃឹមថា នឹងលើកទឹកចិត្តប្រជាជននិងអាជីវ
កម្មឱ្យប្តូរទៅប្រើប្រាស់យានយន្តដែលមានការបំភាយទាបនិងបង្កើនគុណភាពខ្យល់នៅក្នុងទីក្រុង។ រដ្ឋាភិ បាលក៏បានសន្យាថា នឹងបន្តផែនការអាកាសស្អាតរបស់ទីក្រុងហុងកុង ដែលត្រូវបានរៀបចំឡើងកាលពីឆ្នាំ២០១៣ ៕
ចែករំលែកព័តមាននេះ