ឆ្នាំ១៤១១
-សន្ធិសញាសន្ដិភាពថូន (Thorn) ត្រូវ បានចុះហត្ថលេខានៅទីក្រុងថូនដើម្បីបញ្ចប់សង្គ្រាមរវាងប្រទេសសម្ព័ន្ធមិត្ដប៉ូឡូញនិង ប្រទេសលីទុយអានី ដែលមានជំលោះជា មួយទ័ពសេះអាល្លឺម៉ង់តឺតូនិក (Teutonic)។
ឆ្នាំ១៦៦២
-មេទ័ពចិនឈ្មោះកូស៊ីងហ្គា ឬហ្សេង ឈិនកុង របស់ស្ដេចមីង បានវាយដណ្ដើម យកកោះតៃវ៉ាន់ពីការគ្រប់គ្រងរបស់ប្រទេសហុល្លង់ បន្ទាប់ពីធ្វើការឡោមព័ទ្ធអស់រយៈ ពេល៩ខែ ។
ឆ្នាំ១៧៩៣
-ប្រទេសបារាំងបានប្រកាសសង្គ្រាមជា មួយប្រទេសហុល្លង់ និងចក្រភពអង់គ្លេស ក្នុងអំឡុងពេលមានសង្គ្រាមបដិវត្ដន៍បារាំង ដែលជាសង្គ្រាមដ៏ខ្លាំងក្លាក្នុងប្រវត្ដិសាស្ដ្រ ពិភពលោករវាងប្រទេសបារាំង និងប្រទេស ផ្សេងនៅទ្វីបអឺរ៉ុប ដើម្បីពង្រីកដែនដីត្រួត ត្រាឱ្យបានច្រើនរបស់ប្រទេសបារាំងក្រោម ការដឹកនាំរបស់ណាប៉ូឡេអុង បូណាប៉ាត ។
ឆ្នាំ១៨១៤
-ភ្នំភ្លើងម៉ាយ៉ុន នៅប្រទេសហ្វ៉ីលីពីន បានផ្ទុះបណ្ដាលឱ្យស្លាប់មនុស្សប្រមាណ
១.២០០នាក់ ។
ឆ្នាំ១៨៦៥
-ប្រធានាធិបតីទី១៦របស់សហរដ្ឋ អាមេរិក លោកអាប្រាហាម លីនខុន បាន ចុះហត្ថលេខាលើមាត្រា១៣ថ្មីនៃរដ្ឋធម្មនុញសហរដ្ឋអាមេរិក ។ មាត្រា១៣ថ្មីនេះចែងពី ការលុបបំបាត់ និងហាមឃាត់របបទាសភាព ហើយការជួញដូរមនុស្សត្រូវផ្ដន្ទាទោសជាបទឧក្រិដ្ឋ ។
ឆ្នាំ១៨៨៤
-វចនានុក្រមភាសាអង់គ្លេសអុកហ្វ័ត បានធ្វើការបោះពុម្ពផ្សាយជាលើកទី១ ។
ឆ្នាំ១៨៩៧
-ធនាគារស៊ីនហាន ឬហានសេអុង ដែល ជាធនាគារទី១នៅប្រទេសកូរ៉េខាងត្បូងបាន បើកទ្វារ ។
ឆ្នាំ១៩០៨
-ស្ដេចកាឡូសទី១របស់ប្រទេសព័រទុយ ហ្គាល់ និងបុត្រាព្រះជន្ម២០ព្រះវស្សា ព្រះ នាម ល្វីស ហ្វីលីព ត្រូវបានគេធ្វើឃាតពេល ត្រឡប់ពីវិមានវីឡា វីកូសា ចូលដល់ទីក្រុង លីស្បោន តាមព្រះទីនាំង ។ ហ្វ្រេដូ កូស្ដា និងម៉ានុយអែល ប៊ូអ៊ីកា ប្រើកាំភ្លើងបាញ់ ប្រហារព្រះអង្គ ។ ចំណែកមេហេសី ព្រះ អង្គបានភៀសព្រះកាយរួចជីវិត តែរងរបួស ហើយមនុស្សដែលឈរតាមផ្លូវក៏ស្លាប់អស់ មួយចំនួនដែរ ។
ឆ្នាំ១៩៤២
-នៅក្នុងសង្គ្រាមលោកលើកទី២ ពួក ណាហ្ស៊ី អាល្លឺម៉ង់ បានតែងតាំងលោកវីដគុន គីសលីង ឱ្យធ្វើជានាយករដ្ឋមន្ដ្រីប្រទេសន័រ វ៉េស ក្នុងពេលដែលប្រទេសនេះស្ថិតនៅ ក្រោមការត្រួតត្រារបស់ខ្លួន ។
ឆ្នាំ១៩៤៣
-កងទ័ពលេខ៦របស់ប្រទេសអាល្លឺម៉ង់ បានចាញ់កងទ័ពក្រហមរុស្សី ក្នុងការវាយ ដណ្ដើមចូលកាន់កាប់ទីក្រុងស្ដាលីន ហ្គ្រាដ ។
ឆ្នាំ១៩៥៨
-កងទ័ពសហរដ្ឋអាមេរិក បានបាញ់ បង្ហោះផ្កាយរណបទី១របស់ពិភពលោក ឈ្មោះអិចព្ល័ររ័រ ទៅកាន់ទីអវកាស ។
ឆ្នាំ១៩៦៥
-ទន្លេហាមីតុន ក្នុងតំបន់ឡាប្រាឌ័រ ប្រទេសកាណាដា បានប្ដូរឈ្មោះថ្មីថា ទន្លេ ឈ័រឈីល ដើម្បីរំលឹកដល់លោកនាយករដ្ឋ មន្ដ្រីនៃចក្រភពអង់គ្លេស ក្នុងពេលមាន សង្គ្រាមលោកលើកទី២ ។
ឆ្នាំ១៩៦៨
-កងទ័ពវៀតកុង ឈ្មោះង្វៀន វ៉ាន់ឡេម ត្រូវបានអគ្គស្នងការប៉ូលិសជាតិវៀតណាម ខាងត្បូងលោកង្វៀន ង៉ុកល័រ កាត់ទោសបាញ់ សម្លាប់ឆៅៗតែម្ដង ។ ទិដ្ឋភាពនៃការបាញ់ សម្លាប់នេះត្រូវបានថតជាវីដេអូ និងថតរូប ដោយអ្នកកាសែតអាមេរិកម្នាក់ឈ្មោះអេដឌី អាដាម ធ្វើការឱ្យទីភ្នាក់ងារAssociate Press (AP)ហើយរូបថតនេះមានផលប៉ះ ពាល់យ៉ាងខ្លាំងដល់សង្គ្រាមវៀតណាម។ ក្រោយមកលោកអេដឌី អាដាម បាននិយាយ ថា លោកមានការសោកស្ដាយជាខ្លាំងចំពោះ រូបថតរបស់លោកដែលបានក្លាយជាឧបករណ៍សង្គ្រាម ។ លោកបានសរសេរថា “លោក វរសេនីយ៍បានសម្លាប់វៀតកុង ហើយខ្ញុំបាន សម្លាប់លោកវរសេនីយ៍ដោយម៉ាស៊ីនថត របស់ខ្ញុំ” ។ ការពិតទាហានវៀតកុងរូបនេះ មានបេសកកម្មមកសំរាប់អគ្គស្នងការប៉ូលិសរូបនេះបន្ទាប់ពីសម្លាប់ក្រុមគ្រួសាររបស់ លោក ។
ឆ្នាំ១៩៧២
-គូឡាឡាំពួរ បានក្លាយជាទីក្រុងក្នុង សម័យស្ដេចយ៉ាងឌី ពែរទូអាន របស់ប្រទេស ម៉ាឡេស៊ី ។
ឆ្នាំ១៩៧៩
-មេដឹកនាំសាសនា និងនយោបាយអាយ៉ា តូឡា ខូមេនី ត្រូវបានទទួលស្វាគមន៍ឱ្យ ត្រឡប់ចូលទីក្រុងតេហេរ៉ង់ ប្រទេសអ៊ីរ៉ង់ វិញ បន្ទាប់ពីត្រូវនិរទេសអស់រយៈពេល១៥ ឆ្នាំ ។
ឆ្នាំ២០០៣
-យានអវកាសអង្គការណាសាបានផ្ទុះ បែកក្នុងអំឡុងពេលចុះមកដល់ដែនអាកាស របស់ផែនដីដោយបានសម្លាប់អវកាសយានិក៧នាក់ ដែលនៅក្នុងយាន ។
ឆ្នាំ២០០៥
-សម្ដេចប៉ាបចនប៉ូលទី២ ត្រូវបានគេនាំ ទៅកាន់មន្ទីរពេទ្យដោយសារមានជំងឺផ្ដា សាយធ្ងន់ធ្ងរ ។
ឆ្នាំ២០០៧
-រដ្ឋាភិបាលប្រទេសបារាំង បានធ្វើការ ហាមប្រាមការជក់បារីនៅតាមទីសាធារណៈទាំងអស់ ៕
ចែករំលែកព័តមាននេះ