អ្នកជោគជ័យតែងតែចែករំលែកគុណសម្បត្តិទាំងនេះ
តើមានគុណសម្បត្តិរួមណាមួយដែលបុគ្គលដែលជោគជ័យចែករំលែកទេ?យោងទៅតាមលោក ចច អេវើលី ជូនៀ (George Everly Jr.) ដែលជាអ្នកជំនាញផ្នែកចិត្តសាស្ត្រ និងសាស្ត្រាចារ្យនៅសាកលវិទ្យាល័យ Johns…
តើមានគុណសម្បត្តិរួមណាមួយដែលបុគ្គលដែលជោគជ័យចែករំលែកទេ?យោងទៅតាមលោក ចច អេវើលី ជូនៀ (George Everly Jr.) ដែលជាអ្នកជំនាញផ្នែកចិត្តសាស្ត្រ និងសាស្ត្រាចារ្យនៅសាកលវិទ្យាល័យ Johns Hopkins School of Medicin បានឲ្យដឹងថា មាន ។
ក្នុងកំឡុងពេល ៤៥ឆ្នាំដែលលោកបានធ្វើការក្នុងសាកលវិទ្យាល័យដ៏ល្បីឈ្មោះខាងលើនេះ លោកមានឱកាសតាមដានបុគ្គលដែលជោគជ័យជាច្រើនមុនពេលពួកគេឈានទៅរកស្ថានការនោះ ។ លោកបានចែករំលែកថា ពួកគេរួមមាននិស្សិតដែលបានបញ្ចប់ការសិក្សា សហគ្រិន អ្នកគ្រប់គ្រងអាជីវកម្ម គ្រូពេទ្យ គិលានុបដ្ឋានិយាការ មេធាវី ពេទ្យសត្វ និងនិស្សិតពេទ្យជាដើម ហើយពួកគេបានក្លាយជាអ្នកមាន និងល្បីឈ្មោះ ។ លោកបានកត់សម្គាល់ថាមនុស្សទាំងនេះចែករំលែកគុណសម្បត្តិខាងក្រោមដែលធ្វើឲ្យមនុស្សមិនអាចបំភ្លេចពួកគេបាន៖
១. សុទិដ្ឋិនិយម
មនុស្សដែលសុទិដ្ឋិនិយមពិតប្រាកដតែងតែចែករំលែកបរិស្ថានវិជ្ជមានឲ្យទៅមនុស្សដែលនៅជុំវិញខ្លួនពួកគេ ។ លោក ចច បានបកស្រាយថា មនុស្សមានអារម្មណ៍ល្អជាងមុនពេលដែលពួកគេនៅជិតមនុស្សដែលសុទិដ្ឋិនិយម ។ ប្រសិនបើអ្នកធ្វើបទបង្ហាញ អ្នកគួរតែព្យាយាមរំឭកខ្លួនឯងពីពេលដែលអ្នកសុទិដ្ឋិនិយមជាងគេ ឬមានអារម្មណ៍ល្អជាងគេ ហើយទស្សនិកជនរបស់អ្នកនឹងចាប់អារម្មណ៍លើការធ្វើបទបង្ហាញរបស់អ្នកច្រើនជាងមុន ។
២. ភាពគួរឲ្យទុកចិត្ត
លោកបានកត់សម្គាល់ទៀតថា ពេលដែលមនុស្សគោរពតាមពាក្យសម្តីរបស់ខ្លួន នោះបុគ្គលនោះនឹងឈានមុខអ្នកដទៃព្រោះមិនមានមនុស្សច្រើនទេដែលគួរឲ្យពឹងពាក់បានជាពិសេសពេលដែលអ្នកធ្វើការជាមួយមនុស្សដែលមិនស្គាល់គ្នា ។
៣. ការប្តេជ្ញា
មនុស្សភាគច្រើនស្អប់ខ្ពើមការបរាជ័យ និងឮការបដិសេធពីអ្នកដទៃណាស់ ។ ជាលទ្ធផល ពួកគេហាមឃាត់ខ្លួនឯងមិនឲ្យធ្វើកិច្ចការដែលខ្លួនមិនធ្លាប់ធ្វើ ឬឈោងចាប់គោលដៅដែលខ្លួនចង់បានពិតប្រាកដ ។ ប៉ុន្តែស្ទើរតែសហគ្រិនដែលជោគជ័យគ្រប់រូបហើយជាមនុស្សដែលតស៊ូប្តេជ្ញាទោះជាពួកគេបរាជ័យ ឬទទួលបានការបដិសេធពីអ្នកដទៃពិតមែនក្តី ។ ពួកគេតែងតែខិតខំប្រឹងប្រែងរកវិធីដើម្បីធ្វើឲ្យអាជីវកម្មអាចដើរទៅមុខបានទោះជាវាមានភាពខុសប្លែកពីអ្នកដទៃក៏ដោយ ៕ កែសម្រួលដោយ ៖ សុឃាក់
ចែករំលែកព័តមាននេះ