រាជធានីភ្នំពេញ ៖ បន្ទាប់ពីការចចារលើកិច្ចព្រមព្រៀងពាណិជ្ជកម្មសេរីជារវាងកម្ពុជា និងប្រទេសមហាអំណាចចិន ចាប់ផ្តើមដំបូងនៅដើមខែមករា ទើបតែកន្លងផុតទៅគេដឹងថា វានៅយូរប៉ុន្មានទៀតនោះទេការធ្វើពាណិជ្ជកម្មសេរីរវាងប្រទេសទាំងពីរនឹងបង្ហាញផ្លែផ្ការបស់ខ្លួននាចុងឆ្នាំនេះ នៅពេលដែលកិច្ចព្រមព្រៀងនេះ ប្រកាសទទួលស្គាល់ដោយថ្នាក់ដឹកនាំទាំងពីរកម្ពុជា- ចិន ។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាមានប្រសាសន៍ ថ្មីៗនេះថា «ខ្ញុំអាចបញ្ជាក់ថា យើងចង់បានណាស់កិច្ចព្រមព្រៀងពាណិជ្ជកម្មសេរីជាមួយប្រទេសដៃគូពាណិជ្ជកម្មនានា ។ យើងបានចចារជុំទី១ ជាមួយចិនរួចហើយ ។ យើងបន្តការចចារជាមួយចិនអាចនឹងការរំពឹងទុករបស់យើង នៅក្នុងខែវិច្ឆិកា ឆ្នាំ២០២០នេះ ។ កិច្ចព្រមព្រៀងពាណិជ្ជកម្មកម្ពុជា និងចិននឹងរួចរាល់ ហើយប្រកាសដាក់ឱ្យប្រើ ឬដាក់ឱ្យអនុវត្តចុះហត្ថលេខា នៅពេលដែលនាយករដ្ឋមន្ត្រីចិនមកចូលរួមប្រជុំអាស៊ីអឺរ៉ុបនៅទីក្រុងភ្នំពេញ នាខែវិច្ឆិកា ឆ្នាំ២០២០» ។
សម្តេចតេជោ ហ៊ុនសែន មានប្រសាសន៍លើកឡើងថា « យើងកំពុងរៀបចំការចចារជាមួយកូរ៉េខាងត្បូងអំពីកិច្ចព្រមព្រៀងពាណិជ្ជកម្មសេរី ។ យើងក៏រៀបចំការចចារជាមួយសហភាពអឺរ៉ាស៊ីដូចមាន រុស្សី, បេឡារុស រួមនិងប្រទេសមួយចំនួនផ្សេងទៀត ហើយប្រសិនជាប្រទេសអង់គ្លេសចង់ធ្វើកិច្ចព្រមព្រៀងពាណិជ្ជកម្មសេរីជាមួយកម្ពុជា កម្ពុជានឹងស្វាគមន៍ ហើយយើងអត់យល់ទាស់ទេ ។ អង់គ្លេសបានស្នើសុំយើង ដើម្បីឱ្យគាំំទ្រទៅលើការភាពជាដៃគូរវាងប្រទេសអង់គ្លេសនឹងអាស៊ាន ហើយកម្ពុជាច្បាស់ជាគាំទ្រដល់អង់គ្លេសឱ្យក្លាជាដៃគូគ្រប់ជ្រុងជ្រោយជាមួយនឹងអាស៊ាន ក្នុងមូលហេតុដោយអង់គ្លេសជាក៏សមាជិកមួយក្នុងចំណោមសមាជិកអចិន្ត្រៃទាំង៥ របស់អង្គការសហប្រជាជាតិ» ។
ភាគីទាំងពីរបានចាប់ផ្តើមសិក្សា និងរាយការពីអត្ថប្រយោជន៍នៃការបង្កើតកិច្ចព្រមព្រៀងពាណិជ្ជកម្មទ្វេភាគី ព្រមទាំងទទួលបានអាណត្តិពីរដ្ឋាភិបាលនៃប្រទេសទាំងពីរ ឱ្យដំណើរការចចារលើកិច្ចព្រមព្រៀងនេះ ដើម្បីពង្រីកការធ្វើពាណិជ្ជកម្ម វិនិយោគ សេវាកម្ម និងកិច្ចសហប្រតិបត្តិការឱ្យកាន់តែស៊ីជម្រៅជាងមុនសំដៅសម្រេចឱ្យបានគោលដៅពាណិជ្ជកម្មសរុបចំនួន១០ពាន់លានដុល្លារអាមេរិក នៅឆ្នាំ២០២៣តាមការកំណត់ ។
តាមមន្ត្រីអ្នកនាំពាក្យក្រសួងពាណិជ្ជកម្ម ប្រទេសណាដែលបានធ្វើពាណិជ្ជកម្មសេរីជាមួយគ្នានោះនឹងទទួលបានផលប្រយោជន៍ធំតួយ៉ាងបើកម្ពុជា និងចិនអាចឈានទៅដល់ចំណុចធ្វើពាណិជ្ជកម្មសេរីរួមគ្នា ប្រាកដណាស់ ប្រទេសចិន និងផ្តល់អាទិភាពច្រើនដល់កម្ពុជា ៕
ចែករំលែកព័តមាននេះ