នរណាៗក៏ដឹងដែរថាការរត់ជាកីឡាដ៏ល្អសម្រាប់សុខភាពរបស់អ្នក ហើយការសិក្សាស្រាវជ្រាវក៏បានបញ្ជាក់ឲ្យដឹងដែរថា ការរត់នេះអាចធ្វើឲ្យមនុស្សសប្បាយចិត្តជាងមុន ជួយពង្រឹងស្មារតីរបស់មនុស្ស និងជួយឲ្យមនុស្សកាត់កាឡូរីថែមទៀតផង ។ លើសពីនេះទៅទៀត មនុស្សដែលតែងតែរត់កីឡាតែងតែអាចរស់នៅបានយូរជាងអ្នកដទៃព្រោះពួកគេធ្វើលំហាត់ប្រាណបានច្រើនជាង ។ ការសិក្សាមួយបានឲ្យដឹងថា…
នរណាៗក៏ដឹងដែរថាការរត់ជាកីឡាដ៏ល្អសម្រាប់សុខភាពរបស់អ្នក ហើយការសិក្សាស្រាវជ្រាវក៏បានបញ្ជាក់ឲ្យដឹងដែរថា ការរត់នេះអាចធ្វើឲ្យមនុស្សសប្បាយចិត្តជាងមុន ជួយពង្រឹងស្មារតីរបស់មនុស្ស និងជួយឲ្យមនុស្សកាត់កាឡូរីថែមទៀតផង ។
លើសពីនេះទៅទៀត មនុស្សដែលតែងតែរត់កីឡាតែងតែអាចរស់នៅបានយូរជាងអ្នកដទៃព្រោះពួកគេធ្វើលំហាត់ប្រាណបានច្រើនជាង ។ ការសិក្សាមួយបានឲ្យដឹងថា ការរត់តិចៗប្រមាណពី ៤០ ទៅ ៥០ នាទីជារៀងរាល់សប្តាហ៍ គឺគ្រប់គ្រាន់ឲ្យសម្រាប់មនុស្ស ។
ការស្រាវជ្រាវក៏បានប្រទះឃើញដែរថា អ្នកគ្រប់គ្រងដែលតែងតែជួបជាមួយនឹងបុគ្គលិកថ្មីៗនៅថ្ងៃទីមួយដើម្បីនិយាយពីតួនាទីរបស់ពួកគេ និងរៀបចំការត្រួតពិនិត្យជាប្រចាំអាចជួយដល់បុគ្គលិកឲ្យសម្របខ្លួនជាមួយនឹងកន្លែងការងារលឿនជាងអ្នកដែលមិនបានឆ្លងកាត់ដល់ទៅមួយខែ ។ ក្នុងផ្នែកលក់វិញ អ្នកនៅក្នុងផ្នែកនេះអាចលក់បានច្រើនក្នុងកំឡុងខែចុងក្រោយនៃត្រីមាសនីមួយៗ និងមានអត្រាបរាជ័យទាបជាងខែដទៃ ។ អ្នកដែលពូកកែលក់ភាគច្រើនជាមនុស្សដែលខិតខំប្រឹងប្រែងជារៀងរាល់ថ្ងៃ ។
កិច្ចប្រជុំដែលត្រូវបានចាប់ផ្តើមដោយសួរទៅអង្គប្រជុំពីគោលដៅនៃកិច្ចប្រជុំ និងសារៈសំខាន់នៃកិច្ចប្រជុំ អាចជំរុញឲ្យបុគ្គលិកអាចសម្រេចបានកិច្ចការច្រើនជាងមុន ។ ចំណែកឯអ្នកដឹកនាំវិញ អ្នកដឹកនាំដែលតែងតែនិយាយជាមួយបុគ្គលិកដែលធ្វើការផ្ទាល់ជាមួយពួកគេភាគច្រើនមានឱកាសជោគជ័យច្រើនជាង ។
នរណាក៏រវល់ដែរ ហើយមនុស្សភាគច្រើនក៏ខិតខំធ្វើការងារដែរ ប៉ុន្តែភាពខុសគ្នារវាងមនុស្សដែលជោគជ័យ និងអ្នកដែលបរាជ័យ គឺមនុស្សជោគជ័យខិតខំប្រឹងប្រែងលើការងារដែលត្រឹមត្រូវដើម្បីសម្រេចបានកិច្ចការ ឬគោលដៅដែលមានសារៈសំខាន់ជាងគេ ។
ដូច្នេះអ្នកត្រូវតែរៀនជ្រើសរើសគោលដៅសំខាន់ៗដែលអ្នកចង់សម្រេច និងយកវាមកចែកទៅជាសកម្មភាពប្រចាំថ្ងៃ ។ ប្រសិនបើអ្នកចង់ពង្រីកអាជីវកម្មរបស់អ្នក អ្នកត្រូវតែដើររកដៃគូដែលមានសក្តានុពលយ៉ាងតិចឲ្យបាន ៥ នាក់ជារៀងរាល់ថ្ងៃ ។ ប្រសិនបើអ្នកចង់បង្កើនចំនួនមនុស្សដែលអ្នកស្គាល់ អ្នកត្រូវស្គាល់មនុស្សថ្មីៗយ៉ាងតិចឲ្យបាន ៣ នាក់ក្នុងមួយថ្ងៃ ។ ប្រសិនបើអ្នកចង់ពង្រឹងទំនាក់ទំនងជាមួយមនុស្សជុំវិញខ្លួន អ្នកត្រូវសួរសុខទុក្តមិត្តភក្តិ ឬបងប្អូនយ៉ាងហោចណាស់ឲ្យបានម្នាក់ក្នុងមួយថ្ងៃជាដើម ៕ កែមសម្រួលដោយ ៖ សុឃាក់
ចែករំលែកព័តមាននេះ