នាយករដ្ឋមន្ត្រីអ៊ីតាលីបានបញ្ជាក់ថា ការប្រកួតទាំងអស់នៅលីគកំពូលអ៊ីតាលី Serie A នៅចុងសប្តាហ៍នេះ អាចនឹងត្រូវបន្តពន្យារពេលទៀត ដោយសារវិបត្តិវីរុសឆ្លង Covid-19 ។ នេះបើតាមការចុះផ្សាយប្រភពពី…
នាយករដ្ឋមន្ត្រីអ៊ីតាលីបានបញ្ជាក់ថា ការប្រកួតទាំងអស់នៅលីគកំពូលអ៊ីតាលី Serie A នៅចុងសប្តាហ៍នេះ អាចនឹងត្រូវបន្តពន្យារពេលទៀត ដោយសារវិបត្តិវីរុសឆ្លង Covid-19 ។ នេះបើតាមការចុះផ្សាយប្រភពពី The Sun។
នាយករដ្ឋមន្ត្រីអ៊ីតាលីលោក Giuseppe Conte បានបង្ហើបឱ្យដឹងថាលោកកំពុងពិចារណាពន្យាពេលរាល់ការប្រកួតទាំងអស់នៅក្របខ័ណ្ឌ Serie A នៅចុង សប្តាហ៍នេះ។ រលឹកថា ការប្រកួតចំនួន៤នៃក្របខ័ណ្ឌ Serie A ត្រូវបានលុបចោលកាលពីថ្ងៃអាទិត្យកន្លងទៅ។
ដោយមានករណីឆ្លងវីរុសនេះនៅប្រទេសអ៊ីតាលីជាង ១៥២ករណី នាយករដ្ឋមន្ត្រីរូបនេះអាចត្រូវបង្ខំចិត្តឱ្យមានវិធានការធ្ងន់ធ្ងរបន្ថែមទៀត ។ លោកបាននិយាយថា «ខ្ញុំមិនគិតថាក្នុងមួយសប្តាហ៍ យើងនឹងអាចកាត់បន្ថយការឆ្លងបានគ្រប់គ្រាន់ ដើម្បីអនុញ្ញាតឱ្យយើងបន្តព្រឹត្តិការណ៍កីឡាឡើងវិញនោះទេ។យើងនឹងតាមដានស្ថានការណ៍ជានិច្ច។
នៅពេលនេះខ្ញុំមិនអាចនិយាយបានទេថា តើយើងនឹងបន្តវិធានការដូចគ្នានៅសប្តាហ៍ក្រោយ ឬយ៉ាងណា? យើងកំពុងពិចារណាពន្យារពេលការប្រកួតទាំងអស់»។ការពន្យារពេលនេះគឺនៅចំ ការប្រកួតដ៏ធំប្រចាំសប្តាហ៍នៃក្របខ័ណ្ឌ Serie A រវាងក្រុម Juventus ទល់នឹងក្រុម Inter Milan ផងដែរ។ ប្រភព៖ The Sun
ចែករំលែកព័តមាននេះ