ពុយ វណ្ណៈ ត្រូវគេប្រកាសឱ្យឡើងសងសឹក ក្រោយចាញ់ក្រោមដៃថៃ
- ភ្នំពេញ
រាជធានីភ្នំពេញ ៖ ការប្រកួតអន្តរជាតិនៅលើសង្វៀនទូរទស្សន៍អាស៊ីអាគ្នេយ៍ កាលពីថ្ងៃទី២៣ ខែកុម្ភៈ ឆ្នាំ២០២០ កីឡាករកម្ពុជា ពុយ វណ្ណៈ ដែលត្រូវគេស្គាល់ថា…
រាជធានីភ្នំពេញ ៖ ការប្រកួតអន្តរជាតិនៅលើសង្វៀនទូរទស្សន៍អាស៊ីអាគ្នេយ៍ កាលពីថ្ងៃទី២៣ ខែកុម្ភៈ ឆ្នាំ២០២០ កីឡាករកម្ពុជា ពុយ វណ្ណៈ ដែលត្រូវគេស្គាល់ថា ជាជើងខ្លាំងម្នាក់ទទួលបរាជ័យយ៉ាងអាម៉ាស់ក្រោមដៃកីឡាករ Chek Sayam មកពីទីក្រុងបាងកក។
បើទោះជាកីឡាករកម្ពុជា តស៊ូដល់ទឹកទី៥ ក៏លទ្ធផលស្ដែងឡើងយ៉ាងច្បាស់ថា កីឡាករថៃមានប្រៀបឈ្នះដាច់ នៅក្នុងការប្រកួតនោះ។
លោក ញាណ សុធី អ្នករៀបចំការប្រកួតបញ្ជាក់ថា ការបរាជ័យរបស់ជើងខ្លាំង ពុយ វណ្ណៈ មិនទាន់ប្រាកដថា គេធ្លាក់ដៃ ឬប្រកួតអន់ជាមុននោះទេ តែវាអាចពាក់ព័ន្ធនឹង ពុយ វណ្ណៈ ហ្វឹកហាត់មិនដឹតដល់។
យ៉ាងណាមិញ លោកថា កីឡាករកម្ពុជា ក៏បង្ហាញការប្រឹងប្រែងឡើងអស់ពីសមត្ថភាពផងដែរ តែអាចមកពីចាញ់កម្លាំង និងចាញ់ស៊ុហ្វ ទើបធ្វើអីកីឡាករថៃមិនបាន។
លោកថា ខ្លួននឹងដាក់ឱ្យ ពុយ វណ្ណៈ ប្រកួតជាថ្មី ដើម្បីចង់ដឹងថា តើការប៉ះគ្នាម្ដងទៀត នៅតែលទ្ធផលដដែល ឬស្ដារមុខមាត់បានមកវិញ? លោកថា ការប្រកួតបញ្ចប់ទៅដោយអ្នកគាំទ្រខកចិត្ត ខណៈដែលគណៈកម្មការក៏បានឯកភាពថា នឹងដាក់ឱ្យប្រកួតសងសឹកកីឡាករថៃឆាប់ៗ ដើម្បីទុកឱកាសឱ្យ ពុយ វណ្ណៈ ស្ដារមុខមាត់ បាន ឬ មិនបាន។ (កែសម្រួលដោយ ៖ បុប្ផា)
ចែករំលែកព័តមាននេះ