ខេត្តបន្ទាយមានជ័យ ៖ បុរសម្នាក់បានបាត់បង់ជីវិត បន្ទាប់ពីជនរងគ្រោះចូលទៅឃាត់ក្នុងជម្លោះរវាងបងថ្លៃនិងប្អូនថ្លៃ ហើយត្រូវគេចាក់នឹងកាំបិតចំក នៅខេត្តសាមុទ្រប្រាកាន ហើយត្រូវភាគីថៃបញ្ជូនសពត្រឡប់មកវិញតាមច្រកទ្វារអន្តរជាតិប៉ោយប៉ែត និងប្រគល់ឲ្យសាច់ញាតិកាលពីល្ងាចថ្ងៃទី២២ កុម្ភៈ ឆ្នាំ២០២០។
ជនរងគ្រោះឈ្មោះបូ វល័ក្ខ ភេទប្រុស អាយុ៣៩ឆ្នាំ ជាពលករបំរើការងារផ្នែកអូសអីវ៉ាន់ឲ្យថៅកែថៃនៅផ្សារសំរោង ខេត្តសាមុទ្រប្រាកាន ប្រទេសថៃ និងមានទីលំនៅភូមិបឹងព្រីង ឃុំជ្រោយស្តៅ ស្រុកថ្មគោល ខេត្តបាត់ដំបង។ ចំណែកជនសង្ស័យឈ្មោះម៉ៅ ភេទប្រុស ត្រូវជាប្អូនជីដូនមួយខាងលើប្រពន្ធ ។
បើយោងតាមឪពុកបង្កើតជនរងគ្រោះបានប្រាប់ឲ្យដឹងថា ជនរងគ្រោះត្រូវជនសង្ស័យចាក់នឹងកូនកាំបិតចិតបន្លែចំក បណ្តាលឲ្យបាត់បង់ជីវិត ពេលចូលទៅជួយឃាត់គូជម្លោះបងថ្លៃនិងប្អូនថ្លៃឈ្លោះគ្នា ។
បច្ចុប្បន្ន ជនដៃដល់ត្រូវសមត្ថកិច្ថថៃចាប់ខ្លួនបានភ្លាមៗដើម្បីចាត់ការតាមផ្លូវច្បាប់ហើយ ចំណែកជនរងគ្រោះត្រូវបានសាច់ញាតិដឹកបន្តទៅលំនៅដ្ឋានដើម្បីធ្វើបុណ្យតាមប្រពៃណី ៕ (កែសម្រួលដោយ ៖ ធីតា)
ចែករំលែកព័តមាននេះ