ការសិក្សា៖ ការរក្សាអត្តចរិតពិតរបស់អ្នកនឹងជួយឲ្យអ្នកជោគជ័យ
ក្នុងបទសម្ភាសន៍មួយនាពេលថ្មីៗនេះ អ្នកស្រី មេលីនដា ហ្គេតសន៍ (Melinda Gates) ដែលជាដៃគូជីវិតរបស់លោកមហាសេដ្ឋី ប៊ីល ហ្គេតសន៍ (Bill…
ក្នុងបទសម្ភាសន៍មួយនាពេលថ្មីៗនេះ អ្នកស្រី មេលីនដា ហ្គេតសន៍ (Melinda Gates) ដែលជាដៃគូជីវិតរបស់លោកមហាសេដ្ឋី ប៊ីល ហ្គេតសន៍ (Bill…
ក្នុងបទសម្ភាសន៍មួយនាពេលថ្មីៗនេះ អ្នកស្រី មេលីនដា ហ្គេតសន៍ (Melinda Gates) ដែលជាដៃគូជីវិតរបស់លោកមហាសេដ្ឋី ប៊ីល ហ្គេតសន៍ (Bill Gates) ត្រូវបានសួរថាតើមានដំបូន្មានអ្វីដែលអ្នកស្រីចង់ឲ្យទៅស្ត្រីវ័យក្មេងដទៃទៀត ។
អ្នកស្រីបានឆ្លើយថា «ខ្ញុំបានចំណាយពេលប៉ុន្មានឆ្នាំដំបូងនៅកន្លែងការងារដំបូងរបស់ខ្ញុំបន្ទាប់ពីបញ្ចប់សាកលវិទ្យាល័យធ្វើឲ្យខ្លួនឯងដូចមនុស្សដែលនៅជុំវិញខ្លួនខ្ញុំ ។ វាមិនបានធ្វើឲ្យខ្ញុំក្លាយជាមនុស្សដែលល្អទេ» ។ ដូច្នេះដំបូន្មានរបស់អ្នកស្រីគឺ រកមនុស្ស និងបរិស្ថានដែលផ្តល់សមត្ថភាពឲ្យអ្នកធ្វើជាអ្នក ។
ជាក់ស្តែងវាមិនងាយស្រួលទេ ព្រោះការបដិសេធនឹងការងារ ឬឱកាសព្រោះវាមិនស្របទៅនឹងតម្លៃ ឬអត្តចរិតរបស់អ្នក គឺមិនងាយស្រួលឡើយ ។ ហើយមនុស្សជាច្រើនប្រហែលជាប្រាប់អ្នកម្តងហើយម្តងទៀតថាអ្នកត្រូវតែផ្លាស់ប្តូរខ្លួនឯងដើម្បីស្របទៅនឹងការរំពឹងទុកអ្នកដទៃប្រសិនបើអ្នកចង់ជោគជ័យ ។
ប៉ុន្តែយោងទៅតាមការសិក្សាមួយរបស់សាកលវិទ្យាល័យ Harvard បានឲ្យដឹងថា ការសម្របខ្លួនទៅតាមមនុស្សជុំវិញខ្លួនមិនមែនជាវិធីសាស្ត្រល្អក្នុងការសម្រេចបានលទ្ធផលល្អ និងជួយឲ្យអ្នកជោគជ័យក្នុងការងារទេ ព្រោះការព្យាយាមធ្វើខ្លួនឲ្យទៅជាមនុស្សម្នាក់ទៀតដែលមិនមែនជាខ្លួនឯង គឺពិតជានឿយហត់ណាស់ និងធ្វើឲ្យអ្នកមានអារម្មណ៍ថាអ្នកជាមនុស្សបោកប្រាស់ ។ លើសពីនេះទៅទៀត មនុស្សមិនពូកែក្នុងការដឹងពីអ្វីដែលអ្នកដទៃចង់បានពីយើងឡើយ ។
ការសិក្សាមួយទៀតក៏បានប្រទះឃើញដូចគ្នាដែរ ។ អ្នកស្រាវជ្រាវបានឲ្យសហគ្រិនចំនួន ១៦៦នាក់ធ្វើបទបង្ហាញពីគំនិតអាជីវកម្មរបស់ពួកគេទៅកាន់គណៈកម្មាធិការដែលជាវិនិយោគិនមួយក្រុមដែលជ្រើសរើស ១០ សហគ្រិនដើម្បីទៅប្រកួតបន្ត ។ បន្ទាប់មក អ្នកស្រាវជ្រាវបានសួរសហគ្រិនពីយុទ្ធសាស្ត្រដែលពួកគេបានប្រើដើម្បីទាក់ទាញគណៈកម្មាធិការ ។
អ្នកស្រាវជ្រាវបានប្រទះឃើញថា សហគ្រិនដែលមិនកុហកក្នុងបទបង្ហាញមានភាគរយច្រើនជាងអ្នកដែលកុហកដល់ទៅ ៣ ដងក្នុងការត្រូវបានគណៈកម្មាធិការជ្រើសរើសឲ្យទៅវគ្គបន្ត ។ មានន័យថា ការរក្សាភាពស្មោះត្រង់អាចធ្វើឲ្យអ្នកមានភាគរយក្នុងការជោគជ័យច្រើនជាងអ្នកដែលមិនស្មោះត្រង់ដល់ទៅ ៣ដង ៕ កែសម្រួលដោយ ៖ សុឃាក់
ចែករំលែកព័តមាននេះ