អ្នកនយោបាយកម្ពុជាបង្ហាញពីបទពិសោធន៍ការងារខាងនយោបាយដល់អ្នកនយោបាយវ័យក្មេងជាង១១ប្រទេស
- ភ្នំពេញ
រាជធានីភ្នំពេញ ៖ លោក ហ៊ុនម៉ានី ប្រធានគណៈកម្មការអប់រំ យុវជន កីឡា ធម្មការកិច្ចការសាសនា វប្បធម៌ និងទេសចរណ៍នៃរដ្ឋសភា…
រាជធានីភ្នំពេញ ៖ លោក ហ៊ុនម៉ានី ប្រធានគណៈកម្មការអប់រំ យុវជន កីឡា ធម្មការកិច្ចការសាសនា វប្បធម៌ និងទេសចរណ៍នៃរដ្ឋសភា…
រាជធានីភ្នំពេញ ៖ លោក ហ៊ុនម៉ានី ប្រធានគណៈកម្មការអប់រំ យុវជន កីឡា ធម្មការកិច្ចការសាសនា វប្បធម៌ និងទេសចរណ៍នៃរដ្ឋសភា (គ៧) បានធ្វើការផ្លាស់ប្តូរបទពិសោធន៍នយោបាយគ្នាទៅវិញទៅមក ជាមួយប្រតិភូអ្នកនយោបាយវ័យក្មេងមកពី១០ប្រទេស ។
លោក ហ៊ុន ម៉ានី ប្រធានគណៈកម្មការទី៧ នៃរដ្ឋសភា កាលពីរសៀលថ្ងៃទី២០ កុម្ភៈនេះ បានទទួលជួបសំណេះសំណាលសម្តែងការគួរសមពីប្រតិភូសាលាខុនរ៉ាដអាដិនណៅអ៊ែរ សម្រាប់អ្នកនយោបាយវ័យក្មេង ដឹកនាំដោយលោក CHRISTAN ECHLE នាយកកិច្ចពិភាក្សាកម្មវិធីនយោបាយប្រចាំតំបន់អាស៊ី រួមជាមួយលោក DANIEL SCHMUECKING ប្រធានមូលនិធិខុនរ៉ាដអាដិនណៅអ៊ែរ ប្រចាំព្រះរាជាណាចក្រកម្ពុជាបានវាយតម្លៃខ្លស់ចំពោះការរៀបចំជាវេទិកាឱ្យអ្នកនយោបាយវ័យក្មេងមកពីបណ្តាលប្រទេសក្នុងអាស៊ីបានជួបគ្នា និងស្វែងយល់លើកិច្ចការងារនយោបាយតាមរយៈការពិភាក្សា ចែករំលែកពីបទពិសោធន៍នៃប្រទេសរបស់ខ្លួនក៏ដូចជា ការសង្កេតលើស្ថានភាពនយោបាយតាមបណ្តាប្រទេសនានាក្នុងតំបន់ ។
លោកបានពិភាក្សាបានលើកឡើងនូវចំនុចសំខាន់ៗជាច្រើនផ្តើមចេញពីតួនាទី និងកាតព្វកិច្ចជាអ្នកបំពេញការងារបម្រើប្រយោជន៍ប្រជាជនស្ថានភាពនយោបាយ និងយុទ្ធសាស្ត្រជំរុញការអភិវឌ្ឍក្នុងប្រទេសក៏ដូចជាការសម្លឹងមើលអនាគតកម្ពុជា ក្នុងនាមជាអ្នកនយោបាយមួយរូប ។ លោកហ៊ុន ម៉ានី បានបញ្ជាក់ថា៖«អ្នកនយោបាយវ័យក្មេងថា ការដឹកនាំប្រទេសមួយ គឺមិនមែនផ្តោតលើតែចំនុចណាមួយតែមួយផ្នែកនោះទេ គឺទាមទារឲ្យយើងដឹង និងស្វែងយល់ស៊ីជម្រៅគ្រប់ជ្រុងជ្រោយលើគ្រប់ទិដ្ឋភាពក្នុងពេលតែមួយដោយការចេះវាយតម្លៃ និងកំណត់ច្បាស់លាស់នូវកត្តាអាទិភាព និងចាំបាច់ដែលឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ» ។
ទន្ទឹមនឹងនោះ លោកក៏បានបន្ថែមថា ការងារនយោបាយ គឺមិនត្រឹមជាតួនាទីនោះទេ តែគឺជាការលះបង់ ហើយអ្នកនយោបាយក៏គួរតែយល់ថា ការងារនយោបាយមិនអាចបំពេញចិត្តមនុស្សគ្រប់រូបបាននោះទេ ។
គួរបញ្ជាក់ថា សមាជិកប្រតិភូយុវជនក្នុងជំនួបនេះមានចំនួន២៥ នាក់ មកពី១១ ប្រទេស ក្នុងអាស៊ីដូចជា កម្ពុជា ឥណ្ឌូនេស៊ី ម៉ាលេស៊ី ម៉ាល់ឌីវ ម៉ុងហ្គោលី មីយ៉ាន់ម៉ា នេប៉ាល់ ប៉ាគីស្ថាន ហ្វីលីពីន ស្រីលង្កា និងថៃ ៕
ចែករំលែកព័តមាននេះ