រាជធានីភ្នំពេញ ៖ មន្ត្រីរដ្ឋបាលរាជធានីភ្នំពេញបានឲ្យដឹងថា ផ្លូវអាកាសថ្មើរជើងផ្សារដើមគរលទ្ឋផលសម្រេចបាន៨៥% និងអាចរួចរាល់នៅថ្ងៃទី៥ ខែមីនា ឆ្នាំ២០២០ ខាងមុខ។ លោក សាំ…
រាជធានីភ្នំពេញ ៖ មន្ត្រីរដ្ឋបាលរាជធានីភ្នំពេញបានឲ្យដឹងថា ផ្លូវអាកាសថ្មើរជើងផ្សារដើមគរលទ្ឋផលសម្រេចបាន៨៥% និងអាចរួចរាល់នៅថ្ងៃទី៥ ខែមីនា ឆ្នាំ២០២០ ខាងមុខ។
លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ លោកឯក ឃុនឌឿន អភិបាលខណ្ឌទួលគោក និងលោកប្រធានក្រុមហ៊ុន បានចុះពិនិត្យការដ្ឋានដែលកំពុងស្ទូចដំឡើងគ្រោងដែកតួផ្លូវ កាលពីយប់ថ្ងៃទី១៩ កុម្ភៈ ឆ្នាំ២០២០ កន្លងទៅនេះ ។
លោក សាំ ពិសិដ្ឋ បានឱ្យដឹងថា ការសាងសង់ផ្លូវអាកាសថ្មើរជើងក្បែរផ្សារដើមគរ ដែលមានបណ្ដោយប្រវែង២៧ម៉ែត្រ និងទទឹងប្រវែង៣ម៉ែត្រ គិតមកដល់ពេលនេះលទ្ធផលសម្រេចបាន៨៥% ។ លោកបន្តថា ដើម្បីសុវត្ថិភាព និងបង្ការក្រែងមានគ្រោះថ្នាក់ដល់អ្នកដំណើរជាយថា ហេតុការដ្ឋានបានបិទចរាចរណ៍ ឆ្លងកាត់មួយរយៈកាលពីយប់មិញ នៅស្តុបផ្សារដើមគ ប្រសព្វរវាងមហាវិថីម៉ៅសេទុង និងផ្លូវលេខ៣៣៦ ក្នុងខណ្ឌទួលគោក ។
លោក ម៉េត មាសភក្ដី អ្នកនាំពាក្យរដ្ឋបាលរាជធានីភ្នំពេញ បានថ្លែងថា មន្ទីរសាធារណការ និងដឹកជញ្ជូន
រាជធានីភ្នំពេញ ដែលជាសេនាធិការរបស់រដ្ឋបាលរាជធានីភ្នំពេញ បាននិងកំពុងលើកដែកធ្វើផ្លូវអាកាសថ្មើរជើងឆ្លងកាត់ក្បែរផ្សារដើមគ ដើម្បីរៀបចំជាសមិទ្ធផលការងាររបស់យើង ដែលយើងខិតខំធ្វើនាពេលកន្លងមក និងធ្វើយ៉ាងណាឲ្យបានលឿន និងបញ្ចប់ការស្ថាបនាផ្លូវអាកាសថ្មើរជើងនេះឲ្យមុនថ្ងៃទី៨ ខែមីនា ៕ (កែសម្រួលដោយ ៖ ធីតា)
ចែករំលែកព័តមាននេះ