រាជធានីភ្នំពេញ ៖ នាឱកាសជួបពិភាក្សាការងារជាមួយលោកឧបនាយករដ្ឋមន្ត្រីបណ្ឌិតសភាចារ្យ សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី កាលពីថ្ងៃទី២១ សីហា ២០១៤ នៅទីស្តីការគណៈរដ្ឋមន្ត្រី លោក LINZUOMING ប្រធានគណៈប្រតិភូក្រុមហ៊ុនឃេមបូឌាបាយ័នអ៊ែរ ឡាញហូលឌីង ( Cambodia BayonHir Lines Holdings ) របស់ប្រទេសចិនបានបង្ហាញនូវការចាប់អារម្មណ៍ការសិក្សា ស្ថាបនាអាកាសយានដ្ឋាន និងវិទ្យាស្ថានអាកាសចរណ៍ស៊ីវិលនៅកម្ពុជា រួមទាំងការសង់សណ្ឋាគារ និងរីសតនៅក្រុងព្រះសីហនុផងដែរ ។
លោក លីន ស៊ូម៉ីញ បញ្ជាក់ថា ក្រុមហ៊ុនកម្ពុជាបាយ័នអ៊ែរឡាញហ៊ូឌីញ គឺជាសាខារបស់ក្រុមហ៊ុនអេរិចគ្រុបដ៏ធំរបស់ចិនប្រចាំកម្ពុជា ហើយក្រុមហ៊ុននេះមានបំណងបើកក្រុមហ៊ុនអ៊ែរឡាញមួយដែលមានការហោះហើរជាអន្តរជាតិមកកាន់កម្ពុជា ។ លើសពីនេះទៀត ក្រុមហ៊ុនបានចាប់អារម្មណ៍លើការវិនិយោគផ្នែកវិស័យទេសចរណ៍ ដូចជាការធ្វើសណ្ឋាគារ ភោជនីយដ្ឋាននៅខេត្តព្រះសីហនុ សៀមរាប ពិសេសអភិវឌ្ឍន៍នៅភូមិលំហែនៅខេត្តសៀមរាប បង្កើតទីក្រុងថ្មី និងការអភិវឌ្ឍន៍ធនធានមនុស្សនៅកម្ពុជា ។
លោក លីន ស៊ូម៉ីញ បានបន្តថា ក្រុមហ៊ុនលោកចង់បង្កើតវិទ្យាស្ថានអាកាសចរណ៍ស៊ីវិលនៅកម្ពុជា ខណៈដែលក្រុមហ៊ុនក៏មានការចាប់អារម្មណ៍នឹងធ្វើការសិក្សាវិនិយោគនៅព្រលានយន្តហោះខេត្តកំពង់ឆ្នាំង សៀមរាប បាត់ដំបង ព្រះសីហនុ និងខេត្តមួយចំនួនទៀតនៅភូមិភាគឦសាន្តនៃប្រទេសកម្ពុជាផងដែរ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ