ការប្រកួត F1 នៅវៀតណាមត្រូវធ្វើតាមការគ្រោងទុកទោះមានការព្រួយបារម្ភអំពីវីរុសឆ្លង COVID-19
លោក Ross Brawn នាយកគ្រប់គ្រងរបស់ Formula 1 បាននិយាយថា កម្មវិធី Formula One…
លោក Ross Brawn នាយកគ្រប់គ្រងរបស់ Formula 1 បាននិយាយថា កម្មវិធី Formula One…
លោក Ross Brawn នាយកគ្រប់គ្រងរបស់ Formula 1 បាននិយាយថា កម្មវិធី Formula One World Championship 2020 ដែលត្រូវធ្វើការប្រណាំងនៅប្រទេសវៀតណាម ត្រូវបានរំពឹងថានឹងប្រព្រឹតិ្តទៅតាមការគ្រោងទុកនៅថ្ងៃទី៥ មេសា ទោះបីមានការព្រួយបារម្ភអំពីវីរុសឆ្លង COVID-19 យ៉ាងណាក៏ដោយ ។
ការប្រកួតសរុបមានចំនួន ២២ជុំ (22 Grand Prix) ខណៈការប្រកួតជុំទី៣ នឹងធ្វើនៅវៀតណាម ក្នុងទីក្រុងហាណូយ ដោយឡែកការប្រកួតក្នុងប្រទេសចិន កន្លែងផ្ទុះវីរុសនេះដ៏ធំនៅពិភពលោក ដែលគ្រោងធ្វើនៅថ្ងៃទី១៩ មេសា ត្រូវបានសម្រេចពន្យារពេលកាលពីថ្ងៃពុធ។
លោក Brawn មានថ្លែងប្រាប់ Reuters ថា «សម្រាប់វៀតណាម រាល់មតិប្រតិកម្មដែលយើងកំពុងទទួលបាន គឺដូចជាចក្រភពអង់គ្លេសដែរ។ មានករណីខ្លះ ប៉ុន្តែមិនមានកម្រិតណាមួយដែលគួរឱ្យព្រួយបារម្ភចំពោះយើងទេ»។
រលឹកថា កាលពីថ្ងៃព្រហស្បតិ៍ប្រទេសវៀតណាម បានប្រកាស បិទការចេញចូលក្នុងឃុំសឺនឡូយ ក្បែរទីក្រុងក្រុងហាណូយ រយៈពេល២០ថ្ងៃដែលមានប្រជាជនចំនួន ១ម៉ឺននាក់ ដោយសារតែការភ័យខ្លាចចំពោះការរីករាលដាលនៃវីរុសនេះ ៕
ប្រភព៖ BBC , កែសម្រួលដោយ ៖ សំណាង
ចែករំលែកព័តមាននេះ