រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាវេលាម៉ោង៩និង១៣នាទីព្រឹកថ្ងៃទី១៤ កុម្ភៈ ឆ្នាំ២០២០ មានករណីអគ្គិភ័យកំពុងឆាបឆេះយ៉ាងសន្ធោសន្ធៅស្ថិតនៅខាងជើងវត្តញាណរង្សី ក្នុងសង្កាត់ទួលសង្កែ១ ខណ្ឌឫស្សី បង្កការភ្ញាក់ផ្អើលដល់រថយន្តពន្លត់អគ្គិភ័យចុះមកជួយអន្តរាគមន៍។…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាវេលាម៉ោង៩និង១៣នាទីព្រឹកថ្ងៃទី១៤ កុម្ភៈ ឆ្នាំ២០២០ មានករណីអគ្គិភ័យកំពុងឆាបឆេះយ៉ាងសន្ធោសន្ធៅស្ថិតនៅខាងជើងវត្តញាណរង្សី ក្នុងសង្កាត់ទួលសង្កែ១ ខណ្ឌឫស្សី បង្កការភ្ញាក់ផ្អើលដល់រថយន្តពន្លត់អគ្គិភ័យចុះមកជួយអន្តរាគមន៍។
តាមសេចក្តីរាយការណ៍បានបន្តថា ចំពោះមូលហេតុ និងទំហំនៃការខូចខាតក្នុងគ្រោះអគ្គិភ័យខាងលើ គេនៅមិនទាន់ដឹងនៅឡើយទេ ។
តាមសេចក្តីរាយការណ៍បានបន្តទៀតថា គិតមកត្រឹមវេលាម៉ោង៩និង៣០នាទីព្រឹកថ្ងៃដដែល ផ្ទះជាច្រើនខ្នងត្រូវអគ្គិភ័យកំពុងឆាបឆេះយ៉ាងសន្ធោសន្ធៅ ហើយរថយន្តពន្លត់អគ្គិភ័យកំពុងធ្វើការបាញ់ពន្លត់ផងដែរ ប៉ុន្តែមិនទាន់រលត់នៅឡើយទេ ខណៈអគ្គិភ័យបន្តឆាបឆេះរាលដាលយ៉ាងឆាប់រហ័សផងដែរ ។
បើតាមការអះអាងពីប្រជាពលរដ្ឋនៅកន្លែងកើតហេតុបានឱ្យដឹងថា ពាក់ព័ន្ធនឹងករណីខាងលើនេះ ជាជំហានដំបូងត្រូវបានគេសង្ស័យថា មូលហេតុមកពីដោតសាកថ្មទូរស័ព្ទ បណ្តាលឱ្យទុស្សេខ្សែភ្លើង ទើបបង្កជាអគ្គិភ័យឆាបឆេះតែម្តង ។ ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ