កីឡាករKobe Bryant និងកូនស្រី ត្រូវបញ្ចុះនៅកាលីហ្វ័រនីញ៉ា
អាមេរិក៖ កីឡាករជើងខ្លាំង NBA ឈ្មោះ Kobe Bryant និងកូនស្រីអាយុ១៣ឆ្នាំ ឈ្មោះ Gianna ត្រូវបញ្ចុះនៅថ្ងៃសុក្រ…
អាមេរិក៖ កីឡាករជើងខ្លាំង NBA ឈ្មោះ Kobe Bryant និងកូនស្រីអាយុ១៣ឆ្នាំ ឈ្មោះ Gianna ត្រូវបញ្ចុះនៅថ្ងៃសុក្រ នៅឯទីបញ្ចុះសព Southern California បន្ទាប់ពីការបាត់បង់ជីវិតរបស់ពួកគេ នៅថ្ងៃទី២៦ ខែមករា ក្នុងគ្រោះថ្នាក់ធ្លាក់ឧទ្ធម្ភាគចក្រ ។
ឯកសារបញ្ជាក់ថា ផ្នូររបស់ពួកគេគឺនៅឧទ្យានប៉ាស៊ីហ្វិក រដ្ឋ California។ ទីបញ្ចុះសពនេះ មានចម្ងាយប្រហែល២ម៉ាយ ពីមហាសមុទ្រប៉ាស៊ីហ្វិក និងមានចម្ងាយតិចជាង១០នាទីពីព្រះវិហាររបស់គ្រួសារ។ មិនមានព័ត៌មានលម្អិតអំពីសេវាកម្មបញ្ចុះសពត្រូវបានចេញផ្សាយទេ។
សំបុត្រមរណភាពបានចុះបញ្ជី Bryant ជា «អ្នកនិពន្ធ ផលិតករ និងអត្តពលិក» និងកូនស្រីរបស់គាត់ជា «គ្រូបង្វឹក និងសិស្ស» ។ ពិធីអបអរសាទរជាសាធារណៈនៃជីវិតរបស់ពួកគេត្រូវបានគ្រោង ធ្វើនៅថ្ងៃទី២៤ ខែកុម្ភៈ វេលាម៉ោង១០ព្រឹក នៅឯមជ្ឈមណ្ឌល Staples នៅ Los Angeles។ មិនមានព័ត៌មានអំពីសំបុត្រត្រូវបានចែករំលែកទេ។
ការិយាល័យអ្នកពិនិត្យវេជ្ជសាស្ត្របាននិយាយថា មូលហេតុនៃការបាត់បង់ជីវិតជនរងគ្រោះទាំង៩នាក់នៅក្នុងហេតុការណ៍ខាងលើ ត្រូវបានគេកំណត់ថា ជាការប៉ះទង្គិចគ្រាំក្នុង ហើយលក្ខណៈនៃការបាត់បង់ជីវិតត្រូវបានបញ្ជាក់ថា ជាគ្រោះថ្នាក់ដោយចៃដន្យ ៕
ចែករំលែកព័តមាននេះ