រាជធានីភ្នំពេញ ៖ ជនសង្ស័យ២នាក់ខណៈកំពុងធ្វើសកម្មភាពឈរចែកចាយថ្នាំញៀននៅចំណុចក្តាន់ពីរផ្លូវរ៉ារថភ្លើង ត្រូវបានសមត្ថកិច្ចប៉ុស្តិ៍ស្រះចកធ្វើការឃាត់ខ្លួនបាន២នាក់ ព្រមទាំងដកហូតបានថ្នាំញៀនចំនួន៣កញ្ចប់តូចយកទៅសួរនាំកាលពីវេលាម៉ោង៨និង៣០នាទីយប់ថ្ងៃទី១២ ខែកុម្ភៈ ឆ្នាំ២០២០ នៅចំណុចក្តាន់ពីរ តាមបណ្តោយផ្លូវR6 រ៉ារថភ្លើង…
រាជធានីភ្នំពេញ ៖ ជនសង្ស័យ២នាក់ខណៈកំពុងធ្វើសកម្មភាពឈរចែកចាយថ្នាំញៀននៅចំណុចក្តាន់ពីរផ្លូវរ៉ារថភ្លើង ត្រូវបានសមត្ថកិច្ចប៉ុស្តិ៍ស្រះចកធ្វើការឃាត់ខ្លួនបាន២នាក់ ព្រមទាំងដកហូតបានថ្នាំញៀនចំនួន៣កញ្ចប់តូចយកទៅសួរនាំកាលពីវេលាម៉ោង៨និង៣០នាទីយប់ថ្ងៃទី១២ ខែកុម្ភៈ ឆ្នាំ២០២០ នៅចំណុចក្តាន់ពីរ តាមបណ្តោយផ្លូវR6 រ៉ារថភ្លើង ស្ថិតក្នុងភូមិ៣ សង្កាត់ស្រះចក ខណ្ឌដូនពេញ ។
ជនសង្ស័យទាំង២នាក់ខាងលើ ក្នុងនោះម្នាក់ឈ្មោះយ៉ាវ ពៅ ភេទប្រុស អាយុ៣៣ឆ្នាំ មុខរបរនិងស្នាក់នៅមិនពិតប្រាកដ ជាអ្នកជួញដូរថ្នាំ និងម្នាក់ទៀតឈ្មោះលាង រដ្ឋា ភេទប្រុស អាយុ២៦ឆ្នាំ មុខរបរនិងស្នាក់នៅមិនពិតប្រាកដ ។
តាមប្រភពព័ត៌មានពីសមត្ថកិច្ចបានអោយដឹងថា មុនពេលកើតហេតុ គឺកម្លាំងប៉ុស្តិ៍រដ្ឋបាលស្រះចកបានធ្វើការស្រាវជ្រាវរហូតឈានទៅដល់ធ្វើការឃាត់ខ្លួនជនសង្ស័យ២នាក់ខាងលើកំពុងតែឈរចែកចាយថ្នាំញៀនយ៉ាងសកម្មនៅចំណុចកើតហេតុខាងលើ ថែមទាំងដកហូតបានថ្នាំញៀនប្រភេទម៉ាទឹកកកចំនួន៣កញ្ចប់ រួចយកទៅសួរនាំនៅប៉ុស្តិ៍រដ្ឋបាលនគរបាលស្រះចក ។
បន្ទាប់ពីឃាត់ខ្លួន ជនសង្ស័យបានឆ្លើយសារភាពថា ថ្នាំញៀនខាងលើនេះពិតជារបស់ពួកខ្លួនប្រាកដមែន ហើយលក់ចេញក្នុងមួយកញ្ចប់តម្លៃ២ម៉ឺនរៀល។
ក្រោយពេលកើតហេតុ ជនសង្ស័យទាំង២នាក់រួមនឹងវត្ថុតាងថ្នាំញៀន ត្រូវបានសមត្ថកិច្ចកសាងសំណុំរឿងបញ្ជូនទៅកាន់អធិការដ្ឋាននគរបាលខណ្ឌដូនពេញដើម្បីបញ្ជូនបន្តទៅតុលាការចាត់ការតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ