ខេត្តកំពត ៖ រោងចក្រផលិតទឹកធម្មជាតិPROនៅក្នុងជ្រលងភ្នំមួយ ស្ថិតក្នុងឃុំម៉ាក់ប្រាំង ស្រុកទឹកឈូកំពុងរងការចោទប្រកាន់ពីកម្មការិនីម្នាក់ ដែលបានឈប់សម្រាកពីការងារក្នុងរោងចក្រផលិតទឺកធម្មជាតិ។ដោយបាននិយាយប្រាប់អ្នកយកព័ត៌មាន កាលពីព្រឹកថ្ងៃទី១១ កុម្ភៈ ថា នាងបានសុំអ្នកគ្រប់គ្រងរោងចក្រផលិតទឹកធម្មជាតិនោះសម្រាកហើយ ដោយសាតែអ្នកទទួលខុសត្រូវនោះ បានរឹតអ្នកធ្វើការនៅក្នុងរោងចក្រនោះខ្លាំងពេក។
កម្មការិនីខាងលើមានឈ្មោះវ៉ាន់ មុន្នី អាយុ៣៥ឆាំ្ន បាននិយាយប្រាប់ថា កម្មករ-កម្មការិនី ដែលធ្វើការក្នុងរោងចក្រនេះ មានគ្នាមិនច្រើនទេ តែចូលធ្វើការក្នុង១ថ្ងៃ២ពេល គឺចាប់ចូលធ្វើការពីម៉ោង៦ព្រឹក រហូតដល់ម៉ោង១១ថ្ងៃត្រង់ ដោយសម្រាកហូបបាយតែ១៥នាទីប៉ុណ្ណោះ ។ ហើយត្រូវចូលធ្វើការវិញលុះដល់ម៉ោង២រសៀល ទើបឱ្យកម្មកចេញពីធ្វើការ ។ នៅវេនធ្វើការទី២វិញ គឺកម្មកចូលធ្វើការពីម៉ោង២រសៀល រហូតដល់ម៉ោង៩យប់ ទើបឱ្យកម្មកចេញពីធ្វើការ ។
នាងជាកម្មការិនីបន្តថា រោងចក្រផលិតទឹកមួយនេះ ប្រើកម្មករគ្មានដែនកំណត់ទេ ចូលចិត្តយកម៉ោងកម្មករឈប់សម្រាកទៅប្រជុំ ដោយឥតហេតុផល ។ នាងជាកម្មការិនីបាននិយាយប្រាប់ថា ខ្លួនបានសុំអ្នកគ្រប់គ្រងឈប់ ដោយសាតែរឹតបន្តឹងធ្វើការងារ ។ ហើយប្រាក់ខែថោកពេក ប្រើមនុស្សធ្វើការហើយឱ្យប្រាក់ខែក្នុងមួយខែបានត្រឹុមតែ១២០ដុល្លារ ស្មើនិងប្រាក់ខ្មែរ៤៨មឺុនរៀល ។ ដូច្នេះ អ្នកធ្វើការឯទៀតគេឈប់
ជាបណ្ដើរៗអស់ដែរ។
ទាក់ទិនករណីខាងលើ អ្នកយកព័ត៌មានព្យាយាមទាក់ទងតាមលេខទូរស័ព្ទដាក់នៅសំបកទឹកធម្មជាតិ ដើម្បី សុំការបំភ្លឺ តែគ្មានអ្នកលើកនោះទេ ។ លោកអឹុង ប៉ូហេង ប្រធានមន្ទីការងារនិងបណ្ដុះបណ្ដាលវិជ្ជាជីវៈ
ខេត្តកំពត បានប្រាប់ឱ្យដឹងដែរថា កម្មករ-កម្មការរិនីទាំងអស់ដែលធ្វើការក្នុងរោងចក្រ សហគ្រាស មានសិទ្ធធ្វើការក្នុងមួយថ្ងៃតែ៨ម៉ោងទេ តែបើកម្មកកម្មការិនីអាចស្ម័គ្រចិត្តធ្វើការថែមម៉ោងបានដោយខ្លួនឯង។
ចែករំលែកព័តមាននេះ