រឿងឆ្នាំឆុងនេះប្រជាជនចិន និងកូនចៅខ្មែរកាត់ចិនមានជំនឿខ្លាំងណាស់ ដោយយល់ថា ការរកស៊ីមិនឡើង ប្តីប្រពន្ធចេះតែរកាំរកូសនឹងគ្នា កូនចៅមានជំងឺដង្កាត់ក៏មកអំពីឆ្នាំឆុងនេះឯង ។ ដូច្នេះដើម្បីដោះស្រាយបញ្ហាឆ្នាំឆុងឱ្យក្លាយទៅជាឆ្នាំមហាសំណាង មានលាភមានជ័យ មានរស្មីនៃជីវិតស្ថិតក្នុងសិរីមង្គល កំពូលហោរចិនសែសូមបង្ហាញវិធានការដ៏មានប្រសិទ្ធដូចតទៅ ។
អ្នកកើតឆ្នាំចទៅរៀបការជាមួយនឹងអ្នកកើតឆ្នាំម្សាញ់ នោះបញ្ជាក់ថា ឆ្នាំរបស់អ្នកទាំងពីរឆុងនឹងគ្នាហើយ ដូច្នេះគួររៀបចំក្បាលគ្រែគេងរបស់អ្នកទាំងពីរបែរទៅទិសត្បូង ឬទិសបូព៌ នោះទេវតារក្សាទិសនឹងថែរក្សាលោកអ្នកឱ្យមានសិរីសួស្តី ។
បើអ្នកកើតឆ្នាំឆ្លូវ ហើយម្នាក់ទៀតកើតឆ្នាំខាល ដំណើរជីវិតរបស់អ្នកទាំងពីរមិនសូវល្អទេ គួររៀបចំដាក់ក្បាលគ្រែគេងបែទៅទិសកើត ឬទិសឦសាន ទេវតាជាសិរីនឹងថែរក្សាលោកអ្នក ។
អ្នកទាំងពីរកើតឆ្នាំរោង និងរកា រៀបការជាមួយគ្នា ឆ្នាំអ្នកទាំងពីរនឹងឆុងគ្នាហើយ ដំណោះស្រាយគួររៀបចំដាក់ក្បាលគ្រែគេងនៅទិសឧត្តរ ឬទិសនិរតី ទេវតាជាសិរីនឹងថែរក្សាលោកអ្នកឱ្យមានលាភសំណាង ។
បើអ្នកកើតឆ្នាំថោះ រៀបការជាមួយនឹងអ្នកកើតឆ្នាំវក ជើងលេខប្រាប់ថា ឆ្នាំអ្នកទាំងពីរមិនគាប់ប្រសើរទេ គួររៀបចំក្បាលគ្រែគេងនៅទិសជើង ឬទិសនិរតី នោះទេវតាជាសិរីនឹងនាំជោកលាភ លើកដួងរាសីដល់លោកអ្នក ។ សាន សារិន
ចែករំលែកព័តមាននេះ