រាជធានីភ្នំពេញ ៖ បុគ្គលិកការាស់សាំងតេលានៅរង្វង់មូលចោមចៅម្នាក់ បានវាយបុរសចំណាស់ជាអ្នករត់កង់បី និងជាជនពិការផង បណ្តាលឲ្យរងរបួសធ្ងន់បែកភ្នែកម្ខាង បង្កភ្ញាក់ផ្អើលកាលពីវេលាម៉ោង២ និង៤០នាទីរសៀលថ្ងៃទី១១ កុម្ភៈ ក្នុងភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ ។
សេចក្តីរាយការណ៍បន្តថា ជនបង្កមានឈ្មោះភិន សំណាង ភេទប្រុស អាយុ២៥ឆ្នាំ ជាបុគ្គលិកចាក់សាំង
នៅ ភូមិថ្នល់បំបែកសង្កាត់ ចោមចៅទី៣ ខណ្ឌពោធិ៍សែនជ័យ ។ ចំណែកជនរងគ្រោះឈ្មោះ ចក់ ពឿន ភេទប្រុស អាយុ៦៤ឆ្នាំ ជាអ្នករត់រ៉ឺម៉កម៉ូតូកង់បីឥណ្ឌា រស់នៅភូមិគោកឃ្លៀង សង្កាត់ភ្នំពេញថ្មី ខណ្ឌសែនសុខ ។
បើតាមប្រភពពីបុរសរងគ្រោះបាននិយាយប្រាប់ថា នៅមុនពេលកើតហេតុវេលាម៉ោង២ និង៤០នាទីរសៀល (ថ្ងៃកើតហេតុ) គាត់បានដឹកប្រពន្ធនិងកូនស្រីតូចៗ២នាក់ទៅបង់ថ្លៃ ទឹក ភ្លើង នៅអគ្គិសនីកម្ពុជានៅឯអូឌឹម ។ ហើយបានត្រឡប់មកវិញដល់ចំណុចកើតហេតុ តរង្វង់មូលចោមចៅក៏ចូលចាក់ហ្គាស នៅការាស់សាំងខាងលើ ភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ ដោយប្រាប់ឱ្យចាក់ហ្គាសចំនួន៥លីត្រ អស់ចំនួន១ម៉ឺនរៀល ហើយគាត់បានប្រាក់ទៅជននោះចំនួន១០$អាេមរិក ប៉ុន្តែប្រាក់នោះរហែកបន្តិច។
ប្រភពបន្តថា នៅពេលនោះខាងជនបង្កមិនព្រម គាត់យកក៏អោយប្រពន្ធខ្លួនចុះទៅដូរលុយ ហើយក៏បាននិយាយថា គ្រាន់តែជាកញ្ចះគេសោះ លុយរហែកបន្តិចមិនព្រមយក បណ្តាលឱ្យទាស់ពាក្យសម្តីនិងគ្នា ហើយខាងជនរងគ្រោះ ក៏បានទាញឈើច្រត់បំរុងចុះពីលើម៉ូតូកង់បី ស្រាប់តែខាងជនស្ស័យស្ទុះទៅវាយជនរងគ្រោះចំនួន៣ដៃ បណ្តាលឲ្យរងរបួសចំភ្នែក និងបែកបបូរមាត់ហូរឈាមពេញផ្ទៃមុខ ។
ភ្លាមៗនោះដែរ ប្រពន្ធគាត់បានចូលទៅឃាត់បែរជាជនបង្កបម្រុងនឹងវាយប្រពន្ធគាត់ទៀត ។ ភ្លាមៗនោះជនរងគ្រោះបានទៅដាក់ពាក្យបណ្ដឹងនៅប៉ុស្តិ៍នគរបាលចោមចៅទី៣ ។ បន្ទាប់មក សមត្ថកិច្ចនគរបាលប៉ុស្តិ៍ចោមចៅទី៣ ក៏បានទទួលពាក្យបណ្ដឹងរបស់ជនរងគ្រោះ។ ក្រោយពេញពេលកើតហេតុសមត្ថកិច្ចបានកោះហៅភាគីខាងជនបង្កមកសំរបសំរួលគ្នា ដោយខាងជនរងគ្រោះសុំទារថ្លៃព្យាបាលរបួសចំនួន៤៥០$ដោយបញ្ចប់ការប្តឹងប្តល់ ។
ចែករំលែកព័តមាននេះ