ខេត្តបន្ទាយមានជ័យ ៖ សំណង់២កន្លែងដែលសង់រំលោភចំណីផ្លូវមួយកន្លែង ត្រូវអាជ្ញាធរឱ្យធ្វើការវាយ និងរុះរើសចេញដោយខ្លួនឯង និងមួយកន្លែងទៀតដែលប៉ះពាល់មិនច្រើន តម្រូវឱ្យបិទបាំងជិត ។ ការប្រជុំរកដំណោះស្រាយសម្រេចនេះ ធ្វើឡើងនៅថ្ងៃទី១១…
ខេត្តបន្ទាយមានជ័យ ៖ សំណង់២កន្លែងដែលសង់រំលោភចំណីផ្លូវមួយកន្លែង ត្រូវអាជ្ញាធរឱ្យធ្វើការវាយ និងរុះរើសចេញដោយខ្លួនឯង និងមួយកន្លែងទៀតដែលប៉ះពាល់មិនច្រើន តម្រូវឱ្យបិទបាំងជិត ។ ការប្រជុំរកដំណោះស្រាយសម្រេចនេះ ធ្វើឡើងនៅថ្ងៃទី១១ កុម្ភៈ នៅសាលប្រជុំសាលាខេត្តបន្ទាយមានជ័យ។
លោក ឡុង វុធ អនុប្រធានមន្ទីរៀបចំដែនដីនគរូបនីយសំណង់ និងសូរិយោដីខេត្តបន្ទាយមានជ័យ បានលើកឡើងថា ការអនុវត្តច្បាប់ចំពោះបុគ្គលដែលសាងសង់រំលោភចំណីផ្លូ វនិងរំលោភបំពានទ្រព្យសម្បត្តិរដ្ឋ និងសាធារណៈត្រូវមានវិធានការដោយមិនលើកលែងឡើយ ។ ជាកស្តែង ក្រុមការងារមន្ត្រីជំនាញកំពុងអនុវត្តដូចជាកាត់សំយ៉ាបផ្ទះ និងសំណង់ដែលរំលោភចំណីផ្លូវនៅក្រុងប៉ោយប៉ែត ។
លោកបញ្ជាក់ថា ជាក់ស្តែងការប្រជុំសម្របសម្រួល និងរកដំណោះស្រាយស្តីពី ករណី១-សំណើរសុំអន្តរាគមន៍ផ្អាកនិងរុះរើផ្ទះសាងសង់លើចំណីផ្លូវមានទីតាំងដី ស្ថិតនៅផ្លូវលេខ៣ នៅភូមិសូភី សង្កាត់កំពង់ស្វាយក្រុងសិរីសោភ័ណ និងសំណើរអន្តរាគមន៍ផ្អាកនិងរុះរើអាងស្តុបលាមកសំណង់ផ្ទះល្វែងសាងសង់លើចំណីផ្លូវមានទីតាំងដី ស្ថិតនៅផ្លូវជាតិលេខ៥៦ក្នុងភូមិសូភី សង្កាត់កំពង់ស្វាយក្រុងសិរីសោភ័ណ។
លោក ហ៊ឹល រ៉ាយ៉ា អភិបាលក្រុងសិរីសោភ័ណបានបញ្ជាក់ថា រយៈពេលកន្លងមក អាជ្ញាធរនិងមន្ត្រីជំនាញបានចុះពិនិត្យសំណង់ ហើយមានសំណង់អាគារដែលខ្ពស់ជាងនៅក្រុងសិរីសោភ័ណ ត្រូវបានផ្អាកដំណើរការ ព្រោះតែអាជ្ញាធរសុំអោយម្ចាស់សំណង់រកវិស្វករ ឬក្រុមហ៊ុនឯករាជណាមួយវាយតំលៃសំណង់រឹងមាំគុណភាពល្អធានាសុវត្ថិភាព ហើយអាជ្ញាធរអោយដំណើរការអាជីវកម្មចុះ ហើយអាជ្ញាធរចង់អោយមានសំណង់អាគារខ្ពស់ៗ និងការអភិវឌ្ឍន៍ច្បាស់តែប៉ុណ្ណោះ ។
ចែករំលែកព័តមាននេះ