ឆ្នាំទៅមិញ…ចិនលើកគ្នារាប់ពាន់រាប់ម៉ឺននាក់…ភ្លូកទឹកភ្លូកដីមកប្រកបរបរនៅខេត្តព្រះសីហនុ…មើលទៅឃើញគគ្រឹកគគ្រេងមែន អ្វីៗក៏ឡើងថ្លៃដែរ…ពិសេសដីធ្លីផ្ទះសម្បែង…ផ្ទះសំណាក់ ផ្ទះជួល ។ល ។
ឆ្នាំទៅមិញដែរ…មិនដល់មួយឆ្នាំផង…ចិនភ្លូកទឹកភ្លូកដីនោះលើកគ្នាទាំងផ្ទាំងៗ…វិលទៅស្រុកវិញអស់…ដែលមតិខ្លះនិយាយថា ចិនល្អអត់ទៅទេ…គេនៅមានមុខរបរជំនួញត្រឹមត្រូវ…ពង្រីកមុខរបរស្របតាមច្បាប់កម្ពុជា ។
មតិខ្លះនិយាយទៀតថា…ចិនដែលលើកគ្នាទៅស្រុកវិញ…ច្រើនតែ «ចិនខូច»…ច្រើនតែ «ចិនល្បែង» ខ្លះជា «ចិនអ្នកលេង»…ស្វែង «រកលាភ» លែងបាន…ក៏រត់ចោលក្រុងព្រះសីហនុ…សូម្បីផ្ទះដែលជួលប្រកបមុខរបរ បានទុកចោល…អត់លាម្ចាស់ផ្ទះមួយម៉ាត់សោះក៏មានដែរ ។
តាមកត់សម្គាល់ជាក់ស្តែង…ម៉ាក «ចិនខូច» ដូចពោលខាងលើនេះ…ពិតជា «ចិនខូចអស់សាច់» មែន…មិនត្រឹមតែ «រត់ចោលផ្ទះជួល» ទេ…រត់ចោលទាំង «ថ្លៃជួលផ្ទះ» ថែមទៀត…រត់អត់ប្រាប់ម្ចាស់ផ្ទះមួយម៉ាត់សោះ…រត់លឿនពេក !…លឿនដូចមេរោគកូរ៉ូណាដែលកំពុងចម្លង ។
តាមកត់សម្គាល់ទៀត…«ចិនខូច» បានបន្សល់ទុកនូវទង្វើអាក្រក់គួរឱ្យ «ថ្កោល»…គួរឱ្យរាងចាល…និងចាត់ទុកជា «គំរូអាក្រក់» បំផុតមួយ…ធ្វើឱ្យ «ចិនល្អ» ពិតជា «អៀនខ្មាស់»។
បានជាគេពោលដូច្នោះ…ពីព្រោះក្រោយពី «ចិនខូច» រត់ទៅស្រុក…បាត់យូរខែពេក ប្រាក់ឈ្នួលផ្ទះក៏បាត់…ថ្លៃទឹកថ្លៃភ្លើងក៏អត់បង់…ទើបនាំគ្នាទៅបើកទ្វារផ្ទះជួលមើល…«ចោលម្រ៉ាយ» ហើយ…ឃើញមានសល់តែ «មមិះសំរាម»…ឃើញមានតែ «មមិះបារី»…ធំក្លិនស្អុយឆួលស្ទើរទ្រាំអត់បាន…ដែលតាមពិនិត្យជាក់ស្តែងទៅ…មានតែ «ចិនខូច» ទេ ដែលរស់នៅរបៀបនឹងបាន។
ម្ចាស់ផ្ទះខ្លះថ្ងូរថា…គ្រាន់តែសំអាតផ្ទះ…បានដឹកចេញ «មមិះចិនខូច» ជិត២ឡាន…លាងសម្អាត២ថ្ងៃ…នឹកហួសចិត្តថា ពួក «ចិនខូច» ដេកស្នាក់នៅលើ «គំនរមមិះ» តែម្តង…សង្ស័យធ្វើឱ្យខូចពូជអស់ !?…េហ ! េហ !
ចែករំលែកព័តមាននេះ