រាជធានីភ្នំពេញ ៖ ទីបំផុត ពេទ្យកម្ពុជាបានព្យាបាលជនជាតិចិនដែលឆ្លងជំងឺកូរ៉ណា និងបានអនុញ្ញាតឲ្យចេញពីមន្ទីរពេទ្យហើយ នៅថ្ងៃទី១០ កុម្ភៈ ។ នេះបើតាមក្រសួងសុខាភិបាល។ យោងតាមសេចក្តីជូនព័ត៌មានរបស់ក្រសួងសុខាភិបាលនៅថ្ងៃទី១០ កុម្ភៈបានឲ្យដឹងថា អ្នកជំងឺជាជនជាតិចិន នៅខេត្តព្រះសីហនុត្រូវបានអនុញ្ញាតឲ្យចាកចេញពីមន្ទីរពេទ្យ បន្ទាប់ពីលទ្ធផលតេស្តអវិជ្ជមានវីរុសកូរ៉ូណាថ្មី(2019-nCov) លើកទី៣ ។
ក្រសួងបានឲ្យដឹងថាអ្ន្កជំងឺរលាកសួត ដោយសារវីរុសកូរ៉ូណាថ្មី ដែលជាជនជាតិចិនោះត្រូវបានអនុញ្ញាតឲ្យចេញពីមន្ទីរពេទ្យដោយសារក្រោយពីការធ្វើតេស្តលើកទី៣ បង្ហាញនូវលទ្ធផលអវិជ្ជមានវីរុសកូរ៉ូណាថ្មីដោយវិទ្យាស្ថានប៉ាស្ទ័រកម្ពុជាថា មានសុខភាពល្អប្រើស ។ រីឯក្រុមគ្រួសារជនជាតិចិនរូបនេះ ៣នាក់ទៀត ក៏ត្រូវបានរួចផុតពីការសង្កេតសុខភាពហើយ អាចជួបជុំគ្នាបានជាធម្មតាហើយ។
ក្រសួងបានបន្តថា បុរសជនជាតិខាងលើនេះ ត្រូវបានរកឃើញតាមរយៈការ ធ្វើតេស្តវត្ថុវិភាគមានវិជ្ជមានវីរុសកូរ៉ូណាប្រភេទថ្មី(2019 nCov) នៅខេត្តព្រះសីហនុ នាថ្ងៃទី២៧ខែមករា ឆ្នាំ២០២០ ។ បន្ទាប់មកត្រូវបានដាក់ឲ្យនៅដាច់ដោយឡែក នៅក្នុងមន្ទីពេទ្យខេត្តព្រះសីហុន ដើម្បីផ្តល់ការការព្យាបាល និងពិនិត្យតាមដានស្ថានភាពជំងឺរបស់បុរសនេះ។
ប្រភពបានបន្តថា ក្រោយពីលទ្ធផលតេស្តអវិជ្ជមានវីរុសកូរ៉ូណាថ្មីលើកទី២ នៅថ្ងៃទី៦ កុម្ភៈ ឆ្នាំ២០២០ ក្រសួងសុខាភិបាលមានការពិភាក្សាជាមួយអង្គការសុខភាពពិភពលោក បានសម្រេចមិនទាន់អនុញ្ញាតឲ្យបុរសនេះ ចេញពីមន្ទីរពេទ្យ ដោយត្រូវបន្តតាមដានសុខភាពគាត់ និងរង់ចាំលទ្ធផលតេស្តលើកទី៣។
នៅថ្ងៃទី៩ កុម្ភៈ ឆ្នាំ២០២០ ក្រោយពីទទួលបានការបញ្ជាក់ពីវិទ្យាស្ថានប៉ាស្ទ័រកម្ពុជានូវលទ្ធផលតេស្តអវិជ្ជមានវីរុសកូរ៉ូណាថ្មីលើកទី៣ ក្រុមគ្រូពេទ្យនៃមន្ទីពេទ្យព្រះសីហនុ បានត្រួតពិនិត្យសារឡើងវិញនូវស្ថានភាពបុរសជនជាតិចិនខាងលើឃើញថា គាត់មានសុខភាពល្អប្រសើរ ទើបនៅថ្ងៃទី១០កុម្ភៈ នេះក្រសួងសុខាភិបាល សម្រេចថាអ្នកជំងឺបានជាសះស្បើយ និងត្រូវបានអនុញ្ញាតឲ្យបុរសចិនរូបនេះ ចាកចេញពីមន្ទីពេទ្យនៅថ្ងៃដដែលនេះ ដោយមានវត្តមាន លោកម៉ម ប៊ុនហេងរដ្ឋមន្ត្រីក្រសួងសុខាភិបាល លោក សាយសំអាល់រដ្ឋមន្ត្រក្រសួងបរិស្ថាន លោកអភិបាលខេត្តព្រះសីហនុ តំណាងអង្កការសុខភាពពិភពលោក និងមន្ត្រីពាក់ព័ន្ធ ជាច្រើនទៀត។
លោកម៉ម ប៊ុនហេង រដ្ឋមន្ត្រីក្រសួងសុខាភិបាលបានសំដែងនូវក្តីរីករាយ និងសាទចំពោះ បុរសជនជាតិចិនដែលបានចេញពីមន្ទីពេទ្យ និងក្រុមគ្រួសារទាំងអស់ដែលបានរួចផុតពីកា សង្កេត សុខភាព ហើយបានជូនពរឲ្យពួកគាត់មានសុខភាពល្អ វិលត្រឡប់ទៅជូបជុំបង ប្អូនក្រុម គ្រួសារនៅលំនៅដ្ឋានរបស់ខ្លួនប្រកបដោយសុខសុវត្ថិភាព។
លើសពីនេះ លោករដ្ឋមន្ត្រីបានកោតសរសើយ៉ាងស្មោះស្ម័គ្រចំពោះថ្នាក់ដឹកនាំ និងមន្ត្រី ក្រសួងសុខាភិបាល អាជ្ញាធរខេត្តព្រះសីហនុ ជាពិសេសថ្នាក់ដឹកនាំ និងក្រុមគ្រូពេទ្យ នៃមន្ទី សុខភិបាលខេត្ត និងមន្ទីពេទ្យខេត្តព្រះសីហនុ ដែលបានយកចិត្តទុកដាក់អនុវត្តវិធាន ឆ្លើយតប បន្ទាន់ បានទាន់ពេលវេលា និងបានខិតខំពិនិត្យ ព្រមទាំងបានព្យាបាល បុរសជនជាតិចិន ខាងលើរហូតដល់ជាសះស្បើយចេញពីមន្ទីពេទ្យ។
ជាមួយគ្នានោះដែរ ដើម្បីចូលរួមការពារទប់ស្កាត់ការចម្ល្ងជំងឺកូរ៉ូណាថ្មីនេះ លោករដ្ឋមន្ត្រី បានក្រើនរំលឹកហើយរំលឹកទៀតនិងបន្តអំពាវនាវដល់បងប្អូនជនរួមជាតិទាំងអស់រួមទាំងធ្វើដំណើរដែលគម្រោងទៅកាន់ ឬត្រឡប់ពីប្រទេសក្រៅប្រទេស ជាពិសេសនោះខេត្តដែលកំពុងផ្ទុះ នូវជំងឺនេះនៅប្រទេសចិន ត្រូវមានការប្រុងប្រយ័ត្នខ្ពស់បំផុត ។ ប្រសិន លោកអ្នក មាន រោគសញ្ញា ដូចជា គ្រុនក្តៅ ក្អក និងពិបាកដង្ហើម ទាំងមុន ឬក្នុងអំឡុងពេលធ្វើដំណើរ ឬបន្ទាប់ពីការវិល ត្រឡប់មកពីកន្លែងដែលបាន និងកំពុងរាតត្បាតនៅប្រទេសចិន សូមទៅពិគ្រោះយោបល់ ជាមួយ វេជ្ជបណ្ឌិត នៅតាមគ្រឹះស្ថានសុខាភិបាលសាធារណៈដែលនៅជិតបំផុត និងប្រាប់ ព័ត៌មានដល់គ្រូពេទ្យ ពីប្រវត្តិនៃការធ្វើដំណើ និងរោគសញ្ញានេះ។
អ្នកជំងឺផ្ទុកមេរោគ«កូរ៉ូណា»ជនជាតិចិនម្នាក់ នៅខេត្តព្រះសីហនុ បានចេញលិខិតថ្លែង អំណរគុណដល់រាជរដ្ឋាភិបាលកម្ពុជា ជាពិសេសបុគ្គលិកពេទ្យទាំង អស់ដែលខិតខំព្យា បាលរបស់ខ្លួនយ៉ាងយកចិត្តទុកដាក់។នេះបើតាមការចេញផ្សាយរបស់គេហទំព័រក្នុងស្រុកមួយ។
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ