ក/តើពេលណាគួរផ្លាស់ប្តូរអាគុយរថយន្តថ្មី ? ចំពោះការផ្លាស់ប្តូរអាគុយរថយន្តលោកអ្នកពុំគួរអនុវត្តតាមតែអំពើចិត្តនោះទ្បើយ ចៀសវាងខាតបង់ថវិកាទទេៗ ។ ដូចនេះដើម្បីសន្សំសំចៃថវិកាក៏ដូចជាថែទាំរថយន្តឱ្យបានគង់វង្សមុននឹងធ្វើការផ្លាស់ប្តូរវាចូរសង្កេតទៅលើសញ្ញាដាស់តឿនមួយចំនួនដូចខាងក្រោម៖
ក/តើពេលណាគួរផ្លាស់ប្តូរអាគុយរថយន្តថ្មី ?
ចំពោះការផ្លាស់ប្តូរអាគុយរថយន្តលោកអ្នកពុំគួរអនុវត្តតាមតែអំពើចិត្តនោះទ្បើយ ចៀសវាងខាតបង់ថវិកាទទេៗ ។ ដូចនេះដើម្បីសន្សំសំចៃថវិកាក៏ដូចជាថែទាំរថយន្តឱ្យបានគង់វង្សមុននឹងធ្វើការផ្លាស់ប្តូរវាចូរសង្កេតទៅលើសញ្ញាដាស់តឿនមួយចំនួនដូចខាងក្រោម៖
-ចលនារវៃម៉ាស៊ីនមានល្បឿនយឺតៈ នៅពេលដែលលោកអ្នកប្រឹងដេរបញ្ឆេះរថយន្តចលនារវៃរបស់ម៉ាស៊ីនមិនសូវមានសន្ទុះ ឬស្ពឹកដែលតម្រូវឱ្យចំណាយពេលវេលាយូរជាងសព្វមួយដង ។
-ពិនិត្យភ្លើងរបស់ម៉ាស៊ីនៈ ការពិនិត្យទៅលើចរន្តភ្លើងរបស់ម៉ាស៊ីនពេលខ្លះវាលេចទ្បើងនៅពេលថាមពលអាគុយមានសភាពខ្សោយ ។
-កម្រិតទឹកអាស៊ីតក្នុងអាគុយតិចៈ អាគុយរថយន្តជាទូទៅមានផ្នែកមួយចំនួនដែលតម្រូវឱ្យធ្វើការពិនិត្យវាឱ្យបានគ្រប់ជ្រុងជ្រោយតួយ៉ាងដូចជា កម្រិតវត្ថុធាតុរាវរបស់វាជាដើម គឺមិនត្រូវធ្វេសប្រហែសបានទ្បើយ ។ ក្នុងពេលអនុវត្តប្រសិនបើកម្រិតទឹកអាស៊ីតស្ថិតនៅក្រោមសំណស្លាកអាគុយនោះវាដល់ពេលត្រូវធ្វើតេស្តប្រព័ន្ធសាកបញ្ចូលភ្លើងហើយ ។
-ករណីអាគុយទ្បើងប៉ោងៈ ប្រសិនបើអាគុយរថយន្តរបស់លោកអ្នកជួបបញ្ហាដូចនេះ វានឹងកាត់បន្ថយអាយុកាលប្រើប្រាស់ជាក់ជាមិនខាន ។
-ភាពលិចជ្រាបរបស់អាគុយៈ ករណីនេះក៏អាចបណ្តាលឱ្យវាដុះស្នឹម ឬកាត់ស៊ីនៅបរិវេណនោះផងដែរ គឺនៅត្រង់ប៉ូលវិជ្ជមាន និងខ្សែដែលតភ្ជាប់ពីម៉ាស៊ីននៅទីនោះ ។
-អាយុកាលយូរឆ្នាំៈ អាគុយរថយន្តអាចធន់នឹងការប្រើប្រាស់បានល្អលើសពីអំទ្បុងពេល៣ឆ្នាំ ប៉ុន្តែគឺវាស្ថិតក្នុងកម្រិតតិចតួចបំផុត ក្នុងនោះគឺត្រូវមានការពិនិត្យពិច័យជារៀងរាល់ឆ្នាំស្របតាមលក្ខខណ្ឌខាងលើ។
ខ/តើកត្តាអ្វីខ្លះដែលប៉ះពាល់ដល់អាយុកាលប្រើប្រាស់របស់អាគុយរថយន្ត ?
ករណីនេះ គឺអាស្រ័យទៅលើទម្លាប់នៃការបើកបរគួបផ្សំលក្ខខណ្ឌអាកាសធាតុនៅក្នុងតំបន់ ។ ពោលគឺការចេញដំណើរទៅណាមកណាជិតៗផ្តល់អាយុកាលនៃការប្រើប្រាស់របស់អាគុយកាន់តែតិចជាងមុន ។ ប្រសិនបើលោកអ្នកធ្វើដំណើររយៈពេលខ្លីតិចជាង២០នាទី អាគុយរថយន្តនឹងមិនមានពេលវេលាគ្រប់គ្រាន់នៅក្នុងការសាកបញ្ចូលភ្លើងបានពេញទ្បើយ ។ រីឯលក្ខខណ្ឌសីតុណ្ហភាពខ្លាំង គឺជាកត្តាផ្តាច់អាយុកាលរបស់អាគុយតែម្តង ។
ដូច្នេះនៅរដូវក្តៅ គឺជាពេលវេលាដែលលោកអ្នកគួរតាមដាន និងថែទាំអាគុយរថយន្តឱ្យបានច្រើនតាមតែអាចធ្វើទៅបាន ។ ចំណែករដូវវស្សាឬត្រជាក់វិញ អាចជាពេលវេលាដ៏ល្អនៃសមត្ថភាពធន់នឹងកម្តៅរបស់អាគុយ ប៉ុន្តែទោះជាយ៉ាងណា លោកអ្នកគួរសង្កេតមើលលើកត្តាទាំងអម្បាលមាណខាងលើនេះ ឱ្យបានទៀងទាត់ ទើបជាការល្អ ៕
ចែករំលែកព័តមាននេះ