រាជធានីភ្នំពេញ ៖ កាលពីថ្ងៃទី៨ ខែកុម្ភៈ ឆ្នាំ២០២០ ការប្រកួតជ្រើសរើសជើងឯកខ្សែក្រវាត់ ក្នុងប្រភេទទម្ងន់៦៣.៥ គីឡូក្រាម នៅប៉ុស្តិ៍លេខ៥ បានឈានដល់ការជម្រុះរវាងអ្នកឈ្នះ១៦នាក់ យក៨នាក់ហើយ។ អ្វីដែលគេកត់សម្គាល់នោះ គឺកីឡាករវ័យក្មេង២នាក់ ប្រកួតគ្នាល្អទាក់ភ្នែកនៅក្នុងថ្ងៃនោះ។
ការប្រកួតនេះ បានរៀបចំឡើងកាលពីព្រលប់ថ្ងៃទី៨ ខែកុម្ភៈ ឆ្នាំ២០២០ ដែលជាព្រឹត្តិការណ៍ប្រកួតប្រដាល់ជើងឯក TV5 KNOCK SERIS By K-Cement រដូលកាលទី៧ វគ្គទី២។ ហើយគូដណ្តើមពាន គឺកីឡាករ អៀប លីឆា មកពីក្លិបតាឯកដំបងរិទ្ឋខេត្តព្រៃវែង ប៉ះជាមួយកីឡាករ ខាំ សាបាន មកពីក្លិបរ៉ាហាប់ស្វាយប៉ាក។ បើមើលទៅលើមាឌមាំរបស់កីឡាករទាំង២នេះ គឺប្រហែលគ្នា ដោយមិនដឹងថា អ្នកណាខ្លាំងជាងអ្នកណានោះទេ។
នេះជាការប៉ះគ្នាលើកដំបូង សុទ្ធតែឆ្លងជុំទី១ ផុតរៀងៗខ្លួន ហើយមួយតង់ៗរកចំណុចវាយគ្នា ដោយសារអត់ដឹងគុនវាយបែបណា។ បើកឆាកប្រកួតទឹកទី១ អៀប លីឆា ដែលថ្នឹកការឡើងរេញ ស្រាប់តែវាយចូលគោលដៅសន្ធាប់ជាង សាបាន ។ ពួកគេតតាំងយ៉ាងខ្លាំង តែគេឃើញបង្គោលក្រហម រៀងវាយផ្តួលច្រើនជាង ឱ្យស្លន់ស្លោនឹកអត់ដល់ថា ដៃគូ ពូកែលាក់ស្នៀតបែបនេះ។
លុះដល់ទឹកទី២ បង្គោលក្រហម វាយចូលវិញបន្តអុកចំពោះ លីឆា ក្លាយជាបាត់ជំហរខ្លះៗ។ ក្រោមការខិតខំប្រមូលកម្លាំងមកវិញ កីឡាករបង្គោលខៀវ បន្តអុកឡុករហូតដល់ទឹកទី៣ ចុងទឹកវាយ ឱ្យបង្គោលក្រហមដេកដួលសន្លប់មួយសន្ទុះកាន់តែបានពិន្ទុថែម។ កម្លាំងថយអស់ច្រើន ទើបបណ្ដាលឱ្យបង្គោលក្រហម ខាំ សាបាន ចាញ់ដោយពិន្ទុ។
ការចាញ់នេះ សាបាន ពិតជាសែនស្តាយ ហើយមហាជនវិញ អត់បន្ទោសឡើយ ដោយគិតថា កីឡាប្រដាល់របស់កីឡាករនេះល្អ តែមកពីគេប៉ះអ្នកខ្លាំង ទើបមានលទ្ធផលបែបនេះ។ បើប៉ះចំជើងស្ទើរ ប្រហែលបង្គោលខៀវ អាចនឹងមិនផុតទឹកវិញផងក៏មិនដឹង។ (កែសម្រួលដោយ ៖ បុប្ផា)
ចែករំលែកព័តមាននេះ