មនុស្សជាច្រើនបានលះបង់រយៈពេលជាច្រើនឆ្នាំសម្រាប់ស្ថាប័នការងារណាមួយរហូតដល់ទទួលបានមុខតំណែងសព្វថ្ងៃនេះ ប៉ុន្តែពួកគេនៅតែមានអារម្មណ៍ថាមិនពេញចិត្តនឹងការងាររបស់ខ្លួនដដែល និងមានគំនិតចង់ចាប់ផ្តើមសាជាថ្មីនៅស្ថាប័នផ្សេង ឬវិស័យផ្សេងទាំងស្រុង ។
ប៉ុន្តែមុននឹងអ្នកធ្វើការសម្រេចចិត្តនេះ អ្នកត្រូវតែសួរខ្លួនឯងជាមុនសិនថា តើមានកត្តាអ្វីដែលកំពុងធ្វើឲ្យអ្នកមិនពេញចិត្តនឹងតួនាទីរបស់អ្នកក្នុងពេលនេះ? ហើយខាងក្រោម គឺជាកត្តាសំខាន់ៗដែលអ្នកត្រូវគិត៖
១. វប្បធម៌នៅកន្លែងការងារ៖
Harvard Business Review ផ្តល់យោបល់មកថា អ្នកគួរតែគិតគូរពីកត្តាពីរសំខាន់ៗដែលទាក់ទិននឹងវប្បធម៌នោះ គឺការប្រាស្រ័យទាក់ទងគ្នារវាងមនុស្ស និងមនុស្ស និងការឆ្លើយតបរបស់ស្ថាប័នការងារទៅនឹងការផ្លាស់ប្តូរ ។ តើអ្នកពេញចិត្តនឹងការប្រាស្រ័យទាក់ទងគ្នារវាងមិត្តរួមការងាររបស់អ្នកទេ0x017d7 តើការឆ្លើយតបរបស់ស្ថាប័នការងាររបស់អ្នកទៅនឹងការផ្លាស់ប្តូរស្របទៅនឹងទស្សនៈរបស់អ្នកទេ ? ប្រសិនបើវប្បធម៌នៅកន្លែងការងាររបស់អ្នកមិនស្របទៅនឹងអ្វីដែលអ្នកពេញចិត្តទេនោះ អ្នកគួរតែពិចារណាលើជម្រើសផ្សេងៗ ។
២. ការងារ៖
ទោះជាបរិស្ថានការងារល្អប៉ុណ្ណាក៏ដោយ ប្រសិនបើអ្នកមិនពេញចិត្តនឹងការងារដែលអ្នកកំពុងតែធ្វើទេនោះ វាអាចជាមុខសញ្ញាថាអ្នកគួរតែប្តូរការងារហើយ ។ ប៉ុន្តែមុននឹងអ្នកធ្វើការសម្រេចចិត្តនេះ អ្នកត្រូវឲ្យដឹងច្បាស់ជាមុនសិនថាអ្នកគ្រាន់តែធុញទ្រាន់នឹងការងារ ឬការងារទាំងនោះមិនស្របទៅនឹងគោលដៅដែលអ្នកចង់សម្រេចនៅថ្ងៃអនាគត ។
៣. គោលដៅក្រុមហ៊ុន៖
កត្តាចុងក្រោយអ្នកដែលគួរតែពិចារណាលើ គឺប្រភេទនៃសេវាកម្មដែលស្ថាប័នការងារអ្នកផ្តល់ និងប្រភេទអតិថិជនដែលទទួលសេវាកម្មរបស់ស្ថាប័នការងាររបស់អ្នក ។ អារម្មណ៍មិនពេញចិត្តនឹងការងាររបស់អ្នកអាចមកពីអ្នកមិនពេញចិត្តនឹងលទ្ធផលដែលស្ថាប័នការងារអ្នកបានធ្វើចេញមក ឬមកពីប្រភេទការងារទាំងនោះមិនស្របទៅនឹងតម្លៃ ឬទស្សនៈរបស់អ្នកជាដើម ៕ កែសម្រួលដោយ ៖ សុឃាក់
ចែករំលែកព័តមាននេះ