គុណសម្បត្តិនិងផលវិបាកអំពីពោងខ្យល់សុវត្ថិភាពរថយន្ត
ពោងខ្យល់សុវត្ថិភាពបានប្រែក្លាយទៅជាឧបករណ៍ស្តង់ដាលើគ្រប់ម៉ូដែលរថយន្តជាក់ស្តែង គឺវាជាអ្នកបន្ថែមនូវប្រសិទ្ធភាពការពារសុវត្ថិភាពរបស់អ្នកដំណើរដែលអង្គុយក្នុងរថយន្ត ។
ពោងខ្យល់សុវត្ថិភាពបានប្រែក្លាយទៅជាឧបករណ៍ស្តង់ដាលើគ្រប់ម៉ូដែលរថយន្តជាក់ស្តែង គឺវាជាអ្នកបន្ថែមនូវប្រសិទ្ធភាពការពារសុវត្ថិភាពរបស់អ្នកដំណើរដែលអង្គុយក្នុងរថយន្ត ។
ខាងក្រោមនេះ គឺជាប្រតិបត្តិការ និងគុណសម្បត្តិនៃពោងសុវត្ថិភាព៖
ក/តើពោងសុវត្ថិភាពរថយន្តមានដំណើរការដូចម្តេច ?
អ្នកបើកបរមួយចំនួនមិនទាន់ស្គាល់ច្បាស់ពីដំណើរការនៃប្រតិបត្តិការទម្លាស់ចេញរបស់វានៅទ្បើយទេ ។ ក្នុងនោះប្រព័ន្ធពោងខ្យល់សុវត្ថិភាពត្រូវបានបញ្ចូលទៅនឹងផ្នែកសំខាន់ៗពីរ គឺឧបករណ៍ផ្តល់ព័ត៌មានពីការបុកទង្គិច និងតួគ្រោងនៃពោងខ្យល់តែម្តង ។ នៅពេលឧបករណ៍ប្រាប់ដំណឹងពីដំណើរបុកទង្គិចចាប់បានកំហុសឆ្គងនៃគ្រោះថ្នាក់ នោះវានឹងបញ្ជូនសញ្ញាទៅឱ្យតួពោងខ្យល់ ហើយក៏មានការផ្ទុះឬទម្លាស់ចេញភ្លាមៗ ដើម្បីការពារដល់អ្នកជិះក្នុងរថយន្ត ។ ម្យ៉ាងទៀត ពោងសុវត្ថិភាពនេះ វាជួយការពារដល់អ្នកបើកបរនិងអ្នករួមដំណើរពីការប៉ះពាល់ទៅនឹងការបោកទង្គិច ដោយកត្តាផ្សេងៗឬការពារនឹងការបោកទង្គិចនឹងកញ្ចក់ជាដើម ។
ខ/ប្រសិទ្ធភាពរបស់ពោងខ្យល់ការពារអ្នកជិះក្នុងរថយន្ត
នៅត្រង់ចំណុចនេះអ្នកដែលមានមាឌឬទម្ងន់ខុសប្លែកពីធម្មតាគួរតែប្រុងប្រយ័ត្នអំពីសក្តានុពលនៃគ្រោះថ្នាក់របស់ពោងសុវត្ថិភាព ព្រោះជួនកាលវាពុំអាចការពារបានគ្រប់ជ្រុងជ្រោយទ្បើយ ទៅតាមលក្ខណៈសម្បត្តិរបស់អ្នករួមដំណើរជាមួយរថយន្ត ។ ក្នុងនោះ រាប់បញ្ចូលអ្នកជិះដែលមានកម្ពស់ជាមធ្យមខ្ពស់ឬទាបជាងមនុស្សទូទៅ ។ ចាប់តាំងពីពោងសុវត្ថិភាពរបស់រថយន្តត្រូវបានរចនាទ្បើងសម្រាប់តម្រូវអ្នកដំណើរ ដែលមានមាឌជាធម្យមមនុស្សម្នាជាច្រើន ពិសេសអ្នកមានមាឌតូចនិងធំ អាចរងរបួសបាននៅពេលពោងសុវត្ថិភាពទម្លាស់ចេញ ខណៈពេលជួបឧប្បត្តិហេតុ ។
គ/កង្វល់ផ្សេងៗអំពីពោងសុវត្ថិភាពរថយន្ត
ក្រៅពីបញ្ហាខាងលើនេះ វានៅមានក្តីបារម្ភមួយចំនួនទៀត ដែលគេបានលើកទ្បើងអំពីប្រព័ន្ធពោងសុវត្ថិភាពSRS របស់រថយន្តក្នុងនោះរួមមានៈ សក្តានុពលនៃការរងរបួសពីវត្ថុដទៃ រវាងពោងសុវត្ថិភាពនិងអ្នកដំណើរ ដែលស្ថិតក្នុងរថយន្ត ការរងរបួសដើមទ្រូងពីការប៉ះទង្គិច និងគ្រោះថ្នាក់នៃជាតិគីមីពីកម្លាំងរុញច្រាន ដែលគេប្រើប្រាស់ដើម្បីរក្សានូវល្បឿនទម្លាស់ចេញរបស់ពោងខ្យល់នោះ ។ ជាទូទៅវាត្រូវបានគេយល់ឃើញថា សក្តានុពលនៃគ្រោះថ្នាក់សំខាន់ជាងគុណសម្បត្តិរបស់ពោងសុវត្ថិភាពទៅទៀត ៕
ចែករំលែកព័តមាននេះ