តាមប្រភពព័ត៌មានបានឱ្យដឹងថា នាងស្ពៀរមានការខឹងសម្បាយ៉ាងខ្លាំងនៅពេលនាងទទួលព័ត៌មានមួយពី មនុស្សម្នាក់ដែល បាននិយាយថា លោក Jason Trawick បណ្ដើរនារីស្រស់ស្អាត២នាក់ ដោយយកដៃឱបចង្កេះនារី២នាក់នោះប្រកបដោយភាពស្និទ្ធស្នាលបំផុត ។
នាងប្រ៊ីត នីស្ពៀរ តារាចំរៀងប៉ុបល្បីឈ្មោះ និងសិចស៊ីដែលសំបូរទៅដោយរឿងអាស្រូវបំផុត ត្រូវបានប្រភពព័ត៌ មានមួយឱ្យដឹងថា នាងបានបែកបាក់គ្នាជាមួយមិត្ដប្រុសថ្មីរបស់នាងម្នាក់ទៀតហើយ ។ នាងស្ពៀរ បានបង្កឱ្យមាន ការចម្រូងចម្រាសជាមួយមិត្ដប្រុសថ្មីរបស់នាង គឺលោក Jason Trawick ក្រោយពីមានលេចឮពាក្យចចាមអារ៉ាមថា លោក Jason Trawick បណ្ដើរស្រីថ្មី២នាក់ ដោយនាំនារីទាំង២នាក់នោះចូលរង្គសាលមួយនៅក្នុងទីក្រុងឡូសអេនចឺឡេស ។
តាមប្រភពព័ត៌មានបានឱ្យដឹងថា នាងស្ពៀរមានការខឹងសម្បាយ៉ាងខ្លាំងនៅពេលនាងទទួលព័ត៌មានមួយពីមនុស្សម្នាក់ដែល បាននិយាយថា លោក Jason Trawick បណ្ដើរនារីស្រស់ស្អាត២នាក់ ដោយយកដៃឱបចង្កេះនារី២នាក់នោះប្រកបដោយភាពស្និទ្ធស្នាលបំផុត ។
តាមប្រភពមួយបានបង្ហើបឱ្យដឹងថា លោកJason Trawick ជាមនុស្សស្មោះត្រង់ម្នាក់មិនដែលមានចិត្ដវៀចវេរចំពោះនារី ដែលលោកស្រឡាញ់នោះទេ ហើយនាងស្ពៀរបានខឹងលោកប្រហែលមកពីនាងស្រឡាញ់លោកពេកក៏មិនដឹង ។ ទង្វើរបស់នាងស្ពៀរចំពោះ Jason Trawick បានធ្វើឱ្យលោក Jason ខឹងយ៉ាងខ្លាំង ដោយលោកបាន សំរេចកាត់ផ្ដាច់ចំណងស្នេហ៍ជាមួយនាងស្ពៀរ ។ នាងប្រ៊ីត នីស្ពៀរ មានទំនាក់ទំនងស្នេហាជាមួយលោក Jason Trawick ក្រោយពីនាង និងលោកខេវិនហ្វេ ដឺលីន អតីតប្ដីរបស់នាងបានលែងលះគ្នា ។ កាលពីចុងខែវិច្ឆិកា ឆ្នាំ២០០៩ កន្លងមក នាងស្ពៀរ បានស្នើសុំលោក Jason រៀបការជាមួយនាង ប៉ុន្ដែលោក Jason បានបដិសេធសំណើរបស់នាង ហើយមកដល់ពេលនេះនាងស្ពៀរមិនត្រឹមតែមិនបានរៀបការជាមួយលោក Jason ប៉ុណ្ណោះទេ តែចំណងស្នេហ៍របស់នាង និង លោក Jason ក៏ត្រូវបានកាត់ផ្ដាច់ទៀតផង ។
នាងបេយ៉ុន ត្រូវជួលតំលៃ២លានដុល្លារ ចូលរួមក្នុងការប្រគំតន្ដ្រីសំរាប់កូនប្រុសមេដឹកនាំផ្ដាច់ការលីបេរីយ៉ា នាងបេយ៉ុន ណ័រឡេស ដែលជាតារាចំរៀងល្បីឈ្មោះត្រូវបានប្រភពព័ត៌មានមួយឱ្យដឹងថា កាលពីពេលថ្មីៗកន្លងមក នាងត្រូវបានគេជួលក្នុងតំលៃ២លានដុល្លារអាមេរិក ដើម្បីចូលរួមច្រៀងនៅក្នុងកម្មវិធីប្រគំតន្ដ្រីមួយ ដែលរៀបចំឡើងសំរាប់កូនប្រុសរបស់លោក Muammar Gaddafi ប្រធានាធិបតីនៃប្រទេសលីបេរីយ៉ា ។ តាមប្រភពព័ត៌មាន បានឱ្យដឹងថា កម្មវិធីប្រគំតន្ដ្រីនោះត្រូវបានរៀបចំឡើងនៅក្លឹបរាត្រីមួយនៅលើឆ្នេរខ្សាច់នៃកោះការ៉ាអ៊ីប។ ទោះបីជាបែបណា ពុំមានប្រភពណាមួយបង្ហើបឱ្យដឹងថា នាងបេយ៉ុន ចូលរួមក្នុងការប្រគំតន្ដ្រីនោះរយៈពេល ប៉ុន្មានម៉ោងទេ ប៉ុន្ដែជាទូទៅនាងបេយ៉ុនចូលរួមក្នុងពិធីប្រគំតន្ដ្រីបានយ៉ាងយូរ២០ នាទី ។
ការចូលរួមក្នុងកម្មវិធីប្រគំតន្ដ្រីនោះ នាង បេយ៉ុន បានរងនូវការរិះគន់យ៉ាងធ្ងន់ធ្ងរដោយអ្នកខ្លះនិយាយថា នាងជាមនុស្សល្បីឈ្មោះម្នាក់មិនគួរចូលរួមក្នុងពិធីដែលរៀបចំឡើង ដោយមេដឹកនាំផ្ដាច់ការនោះទេ។ ទោះបីជា យ៉ាង ណា ក្នុងនាមជាតារាចំរៀងនាងបេយ៉ុន ធ្វើបែបនេះ គឺដើម្បីប្រាក់ប៉ុណ្ណោះ គឺមានន័យថា នាងប្រើអាជីពរបស់នាងដើម្បីរកប្រាក់ ។
នាងបេយ៉ុន ណ័រឡេស ជាតារាចំរៀងសញ្ជាតិកូឡុំប៊ី ដែលមកដល់ពេលនេះនាងមានអាយុ២៨ឆ្នាំ និងកំពុងទទួលបាននូវការពេញនិយមគាំទ្រយ៉ាងច្រើន ។ នាងជាជនជាតិកូឡុំប៊ី ប៉ុន្ដែនាងចាប់អាជីពជាតារាចំរៀងនៅសហរដ្ឋ អាមេរិក ៕
ចែករំលែកព័តមាននេះ