ប្រទេសអ៊ីស្រាអែល ៖ អាជ្ញាធរអ៊ីស្រាអែលគូសបញ្ជាក់ថា ការវាយប្រហារដោយបើករថយន្តបំបុកមួយ កើតមានមុនព្រឹកព្រលឹមថ្ងៃទី៦កុម្ភៈ បណ្ដាលឲ្យមនុស្ស១៤នាក់រងរបួសក្នុងនោះភាគច្រើនជាទាហានអ៊ីស្រាអែល។ ការវាយប្រហារនេះកើតមាននៅជិតបារនិងភោជនីយដ្ឋាននានា នៅភាគកណ្ដាលក្រុងហ្សេរុយសាឡឹម។
កងទ័ពអ៊ីស្រាអែលដែលនិយាយថា នោះជាការវាយប្រហារភេរវកម្មមួយគូសបញ្ជាក់ថា ការវាយប្រហារប្រើរថយន្តបំបុក នៅក្រុងហ្សេរុយសាឡឹម បណ្ដាលឲ្យទាហានម្នាក់រងរបួសធ្ងន់បញ្ជូនទៅមន្ទីរពេទ្យ ហើយទាហាន១១នាក់ទៀតរងរបួសស្រាល។
យោងតាមប៉ូលិសអីុស្រាអែលថា រថយន្តនោះត្រូវបានបើកបំបុកមុស្សម្នានាវេលាម៉ោង១និង៤៥នាទីរំលងអាធ្រាត្រ ក្នុងតំបន់ដែលសម្បូរបារនិងភោជនីយដ្ឋាននោះ។
អ្នកនាំពាក្យប៉ូលិសអ៊ីស្រាអែលលោក MICKEY ROSENFELDនិយាយថា បណ្ដាកងឯកភាពប៉ូលិសនិងពួកអ្នកជួយសង្គ្រោះ បានលើកទៅកាន់កន្លែងមានការវាយប្រវហារ ហើយប៉ុនប៉ងតាមរករថយន្ត។ ការស៊ើបអង្កេតមួយពីបទភេរវកម្មមួយត្រូវបានបើកធ្វើ្វ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ