ខេត្តព្រះវិហារ ៖ មន្ត្រីមួយរូបដែលមានតួនាទីជាអនុប្រធានមន្ទីរអភិវឌ្ឍន៍ជនបទខេត្តបានជួបឧបទ្ទវហេតុរថយន្តបែកកង់មុខ រេចង្កូតធ្លាក់ផ្លូវ អូសប្រមាណ៣០ម៉ែត្រ រួចក្រឡាប់បះគូទឡើងលើ ទៅផ្អែកនឹងដើមឈើមួយដើម គឺបានដើមឈើជួយទប់ជាប់ កុំអីអាចក្រឡាប់ចូលក្នុងប្រឡាយអត់ទឹកមិនដឹងជាក្រឡាប់ប៉ុន្មានត្រឡប់ទៀតទេ ។…
ខេត្តព្រះវិហារ ៖ មន្ត្រីមួយរូបដែលមានតួនាទីជាអនុប្រធានមន្ទីរអភិវឌ្ឍន៍ជនបទខេត្តបានជួបឧបទ្ទវហេតុរថយន្តបែកកង់មុខ រេចង្កូតធ្លាក់ផ្លូវ អូសប្រមាណ៣០ម៉ែត្រ រួចក្រឡាប់បះគូទឡើងលើ ទៅផ្អែកនឹងដើមឈើមួយដើម គឺបានដើមឈើជួយទប់ជាប់ កុំអីអាចក្រឡាប់ចូលក្នុងប្រឡាយអត់ទឹកមិនដឹងជាក្រឡាប់ប៉ុន្មានត្រឡប់ទៀតទេ ។ ប៉ុន្តែជាសំណាងល្អ មន្ត្រីរូបនោះបានរួចផុតគ្រោះថ្នាក់ដល់ជីវិត គឺគ្រាន់តែរងរបួសប៉ុណ្ណោះ។
ហេតុការណ៍នេះបានកើតឡើងកាលពីថ្ងៃ៣ កុម្ភៈ នៅលើកំណាត់ផ្លូវជាតិលេខ៩ ពីខេត្តព្រះវិហារ ទៅខេត្តស្ទឹងត្រែង ខាងលិចក្រុមហ៊ុនចំការអំពៅចិន ប្រមាណ១០០ម៉ែត្រ ស្ថិតក្នុងភូមិពោធិ៍ទាប ឃុំម្លូរព្រៃ១ ស្រុកឆែប ។អ្នកបើកបររថយន្ត ត្រូវបានប្រជាពលរដ្ឋ នៅទីនោះស្គាល់គឺលោក ឈុន ប៊ុនថេង ជាអនុប្រធានមន្ទីរអភិវឌ្ឍន៍ជនបទខេត្តព្រះវិហារ ។
មុនពេលកើតហេតុ គេឃើញមន្ត្រីខាងលើ បើកបររថយន្តនីស្សាន់ពីរបាំង ជាមួយផ្លូវជាតិរលោងស្អាតផងក្នុងល្បឿនលឿន រួមដំណើរជាមួយមនុស្សម្នាក់ទៀត ។ លុះមកដល់កន្លែងកើតហេតុ ស្រាប់តែរថយន្តបែកកង់មុខ រេចង្កូតធ្លាក់ផ្លូវក្រឡាប់បះគូទទៅផ្អែកដើមអាកាស្យានៅអមចិញ្ចើមផ្លូវមួយដើមដែលមើលទៅគួរឱ្យតក់ស្លុត និងរន្ធត់ខ្លាំងណាស់ ប៉ុន្តែដំណឹងថាមិនមានអ្នករងគ្រោះដល់អាយុជីវិតឡើយ ដែលចាត់ទុកថាជីវិតថ្លៃណាស់បានទេវតាជួយ ៕
ចែករំលែកព័តមាននេះ