នាង Ngangom Bala Devi បានក្លាយជាកីឡាការិនីបាល់ទាត់អាជីពដំបូងគេក្នុងប្រវត្តិសាស្ត្រឥណ្ឌា លេងនៅប្រទេសស្កុតឡែន នៅពេលដែលនាងបានចុះកុងត្រារយៈពេល១៨ខែជាមួយក្លិបបាល់ទាត់នារី Rangers FC ។…
នាង Ngangom Bala Devi បានក្លាយជាកីឡាការិនីបាល់ទាត់អាជីពដំបូងគេក្នុងប្រវត្តិសាស្ត្រឥណ្ឌា លេងនៅប្រទេសស្កុតឡែន នៅពេលដែលនាងបានចុះកុងត្រារយៈពេល១៨ខែជាមួយក្លិបបាល់ទាត់នារី Rangers FC ។
កីឡាការិនី Bala Devi ជាអ្នករកគ្រាប់បាល់បានច្រើនជាងគេនៅឥណ្ឌា និងជាអតីតប្រធានក្រុមបាល់ទាត់ជម្រើសជាតិបាល់ទាត់នារីឥណ្ឌា ដែលប្រកបអាជីពក្នុងក្លិប Manipur Police SC នៅឯប្រទេសកំណើត ។ នាងបានស៊ុតបាល់បញ្ចូលទី៥២គ្រាប់ក្នុងការបង្ហាញខ្លួន ៥៨លើកសម្រាប់ក្រុមជម្រើសជាតិ ហើយរកបានច្រើនជាង ១០០គ្រាប់សម្រាប់ការប្រកួតក្នុងស្រុក។
នាងបានបង្កើតប្រវត្តិសាស្ត្រនៅថ្ងៃទី២៩ ខែមករា ឆ្នាំ២០២០ នៅពេលដែល Rangers FC បានប្រកាសថាពួកគេបានចុះហត្ថលេខាលើរូបនាង។ ខណៈដែលអ្នកចាំទី Aditi Chouhan ក៏ធ្លាប់ជាកីឡាការិនីបាល់ទាត់អាជីពឥណ្ឌាដំបូងគេ ដែលលេងនៅប្រទេសអង់គ្លេសជាមួយក្រុមបាល់ទាត់នារី West Ham United កាលពីឆ្នាំ២០១៥ និងបញ្ចប់នៅឆ្នាំ២០១៨ ៕ (កែសម្រួលដោយ ៖ ធីតា)
ចែករំលែកព័តមាននេះ