ប្រាក់បាតថៃថ្ងៃនេះហាក់ដូចជា បង្ហាញពីកម្លាំងរបស់ខ្លួនមានប្រៀបជាងប្រាក់ដុល្លារអាមេរិក ។ ដូច្នេះអ្នកនិយមចាយប្រាក់ប្រទេសទាំងពីរនេះ គួរតែដឹងថា តើវាមានហាងឆេងប្រែប្រួលយ៉ាងណា ។ ធនាគារ អេស៊ីលីដា ភីអិលស៊ី ឱ្យដឹងនៅថ្ងៃទី៦ កុម្ភៈ នេះ ថា ១ដុល្លារអាមេរិកទិញចូលតែ ៣០,៧៣៩៥ បាត លក់ចេញតែ ៣១,១៦០៦ បាតប៉ុណ្ណោះ ដែលកាលពីថ្ងៃម្សិលមិញ ១ដុល្លារអាមេរិកទិញចូល ៣០,៧៧៤៤ បាត និងលក់ចេញរហូតដល់ទៅ ៣១,២៤៤៣ បាតឯណោះ ។
សម្រាប់ថ្ងៃនេះដែរ យោងតាមប្រភពដដែល សូមបង្ហាញពីអត្រាប្តូរប្រាក់នៃបណ្តាប្រទេសមួយចំនួនធៀបនឹងប្រាក់រៀលខ្មែរដែលរួមមាន ៖ ដុល្លារអាមេរិកទិញចូល ៤.០៨៨,០០ រៀល លក់ចេញ ៤.១០១,០០ រៀល, ១អឺរ៉ូទិញចូល ៤.៤៤៣,៦៦ រៀល លក់ចេញ ៤.៥៥២,១១ រៀល ។ ដូចគ្នានេះដែរ ១ដុល្លារអូស្ត្រាលីទិញចូល ២.៧០៦,២៦ រៀល លក់ចេញ ២.៨០៩,១៩ រៀល, ១យ៉េនជប៉ុនទិញចូល ៣៦,៦៩៦៦ រៀល លក់ចេញ ៣៧,៦៩៣០ រៀល និង១បាតថៃទិញចូល ១៣១,៤០ រៀល លក់ចេញ ១៣៣,២០រៀល ។
ទន្ទឹមនេះ ១ដុងវៀតណាមទិញចូល ០,១៧៣២ រៀល លក់ចេញ ០,១៧៧៥ រៀល ។ កម្មវិធីនេះឧបត្ថម្ភដោយ អេស៊ីលីដា ទាន់ចិត្តដែលលោកអ្នកអាចធ្វើប្រតិបត្តិការសេវាធនាគារតាមរយៈទូរស័ព្ទចល័តដំណើរការដោយ Android និង iOS ៕ កែសម្រួលដោយ ៖ សុឃាក់
បញ្ជាក់ ៖ អេស៊ីលីដាទាន់ចិត្ត ជាសេវាហិរញ្ញវត្ថុមួយប្រភេទដែលអនុញ្ញាតឲ្យលោកអ្នក អាចធ្វើប្រតិបត្តិការសេវាធនាគារ តាមរយៈទូរស័ព្ទចល័តដែលដំណើរការដោយ Android និង iOS
ចែករំលែកព័តមាននេះ