អ្នកធ្លាប់លឺហើយថា ខ្ទឹមសមានប្រយោជន៍ច្រើនសម្រាប់សុខភាព និងជួយព្យាបាលជំងឺដូចជា ជំងឺលើសឈាមជាដើម ។ ប៉ុន្តែថ្មីៗនេះមានការផ្សាយតាមហ្វេសប៊ុកថា ខ្ទឹមសអាចជួយកម្ចាត់កូរ៉ូណាវីរុសថ្មីដែលផ្ទុះឡើងនៅចិន ។ តើការបរិភោគខ្ទឹមសអាចជួយមនុស្សអោយរួចផុតពីការឆ្លងកូរ៉ូណាវីរុសថ្មីនេះបានដែរឬទេ ?
អង្គការសុខភាពពិភពលោកបានអោយដឹងថា ខ្ទឹមសជាអាហារដែលនាំមកនូវសុខភាព ។ វាអាចជួយ ប្រឆាំងនឹងមេរោគ ។ ប៉ុន្តែទោះបីជាយ៉ាងណាក៏ដោយចុះ មិនមានភស្តុតាងណាមួយដែលថា ការបរិភោគខ្ទឹមសអាចជួយការពារមនុស្សពីកូរ៉ូណាវីរុសថ្មី ។ ដូច្នេះវាមិនពិតទេ ដែលថា ខ្ទឹមសជួយយើងអោយរួចផុតពីការឆ្លងកូរ៉ូណាវីរុស ។
ការលាងសម្អាតដៃ អោយស្អាត ការនៅឆ្ងាយពីអ្នកជំងឺ និងការពាក់ម៉ាស ស្ថិតក្នុងវិធានការដែលអាចជួយអាចកាត់បន្ថយការឆ្លងមេរោគនេះ ។ ដូច្នេះព័ត៌មានដែលថា ខ្ទឹមសជួយការពារយើងពីមេរោគនេះ គឺជាព័ត៌មានមិនពិតទេ ។ ប្រជាជនកម្ពុជាត្រូវតែបង្កើនការប្រយ័ត្នចំពោះព័ត៌មានមិនពិតតាមបណ្តាញសង្គម ៕
ចែករំលែកព័តមាននេះ