ខាងក្រោមនេះ យើងខ្ញុំនឹងបង្ហាញអ្នកពីរឿងដែលអ្នកមិនគួរធ្វើក្នុងថ្ងៃហែរអ្នកតា។ តើមានអ្វីខ្លះទៅ?
១-អ្នកមិនគួរទៅជិតផ្នូរ ឬមន្ទីរពេទ្យឡើយ ព្រោះកន្លែងទាំងនេះ ជាកន្លែងមិនល្អសម្រាប់អ្នកឡើយ។ ជាពិសេស អ្នកដែលមានសុខភាពខ្សោយ គឺមិនអាចទៅជាដាច់ខាត បើមិនចង់ជួបសំណាងអាក្រក់។
២-ក្នុងថ្ងៃហែរអ្នកតា អ្នកមិនគួរធ្វើឲ្យខោអាវរហែកឡើយ ហើយក៏មិនគួរស្លៀកពាក់ខោអាវដែលមានពណ៌ស និងខ្មៅដែរ ព្រោះពណ៌ទាំងនេះ ជាពណ៌ដែលអាចនាំភាពស៊យចូលមកក្នុងផ្ទះអ្នកបាន។
៣-អ្នកមិនគួរកក់សក់ក្នុងថ្ងៃហែរអ្នកតាឡើយ ព្រោះនៅពេលដែលអ្នកកក់រួច នឹងមិនមានសំណាងល្អចូលមកផ្ទះអ្នកនោះទេ។
៤-ក្នុងថ្ងៃហែរអ្នកតា អ្នកមិនគួរឈ្លោះប្រកែកគ្នា និយាយពាក្យមិនល្អ ឬជេរគ្នាឡើយ ព្រោះបើអ្នកមិនប្រយ័ត្នចំពោះពាក្យសម្តីរបស់អ្នក នឹងធ្វើឲ្យអ្នកជួបមិនបានសំណាងល្អនោះទេ។
៥-អ្នកមិនគួរឲ្យកូនយំរករឿងខ្លាំងនោះទេ ដោយអ្នកគួរតែលួងកូនឲ្យបាត់យំ ព្រោះពេលដែលកូនយំខ្លាំងពេក នឹងបណ្តេញសំណាងល្អចេញក្រៅអស់បាន។
៦-ក្នុងថ្ងៃហែរអ្នកតានេះ អ្នកមិនគួរឲ្យអ្នកដទៃខ្ចីលុយនោះទេ ព្រោះលុយដែលចេញនោះ អាចនឹងមិនអាចទារត្រឡប់មកវិញបាន។ ដូចនេះ អ្នកមិនគួរចិត្តទន់ឲ្យអ្នកដទៃខ្ចីលុយនោះទេ។
៧-អ្នកមិនគួរសម្លាប់សត្វឡើយ ព្រោះបើអ្នកឃើញឈាម ប្រៀបដូចជាការបណ្តេញលាភរបស់អ្នកចេញក្រៅអញ្ចឹង។ ដូចនេះ អ្នកគួរតែប្រយ័ត្នឲ្យបានខ្ពស់។
៨-ក្នុងធុងអង្កររបស់អ្នក មិនគួរឲ្យទទេរទេ ដោយគួរតែចាក់អង្ករឲ្យពេញ ព្រោះការចាក់អង្ករឲ្យពេញនេះ ជាការនាំលាភល្អចូលមករកអ្នកបានពេញមួយឆ្នាំ។
៩-ក្នុងបន្ទប់ និងក្នុងផ្ទះរបស់អ្នកគួរតែបើកពន្លឺឲ្យភ្លឺ មិនគួររក្សាងងឹតឡើយ ដើម្បីទទួលបានសំណាងល្អចូលមក។
ដូចនេះ អ្នកគួរតែប្រយ័ត្នក្នុងថ្ងៃហែរអ្នកតា ទើបអាចជួយការពារទ្រព្យអ្នកជាប់ ហើយនាំទ្រព្យធំចូលមកក្នុងផ្ទះ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ