ប្រទេសចិន ៖ រដ្ឋាភិបាលចិនប្រកាសនាថ្ងៃទី៤ ខែកុម្ភៈ ឆ្នាំ២០២០នេះថា តុល្យការនៃការឆ្លងរាលដាលវីរុសកូរ៉ូណាថ្មីនៅចិន អ្នកបាត់បង់ជីវិតឡើងដល់៤២៥នាក់ បន្ទាប់ពីមានអ្នកបាត់បង់ជីវិតថ្មី៦៤នាក់មក។ ចិនទទួលស្គាល់ពីការខ្វះខាត ក្នុងការបញ្ចេញប្រតិកម្មរបស់ខ្លួនចំពោះវិបត្តិសុខាភិបាល។…
ប្រទេសចិន ៖ រដ្ឋាភិបាលចិនប្រកាសនាថ្ងៃទី៤ ខែកុម្ភៈ ឆ្នាំ២០២០នេះថា តុល្យការនៃការឆ្លងរាលដាលវីរុសកូរ៉ូណាថ្មីនៅចិន អ្នកបាត់បង់ជីវិតឡើងដល់៤២៥នាក់ បន្ទាប់ពីមានអ្នកបាត់បង់ជីវិតថ្មី៦៤នាក់មក។ ចិនទទួលស្គាល់ពីការខ្វះខាត ក្នុងការបញ្ចេញប្រតិកម្មរបស់ខ្លួនចំពោះវិបត្តិសុខាភិបាល។
អាជ្ញាធរចិនរៀបរាប់ពីសេចក្ដីត្រូវការបន្ទាន់ ម៉ាស់ការពារព្រមទាំងសម្ភារពេទ្យ សម្រាប់ប្រឈមមុខនឹងការឆ្លងរាលដាល ដែលចំនួនអ្នកបាត់បង់ជីវិតពេលនេះ មានលើសពីចំនួនអ្នកបាត់បង់ជីវិតដោយសារជំងឺ SRAS ដែលសម្លាប់មនុស្សនៅចិនត្រឹម៣៤៩នាក់ ក្នុងឆ្នាំ២០០២និង២០០៣។
គណៈកម្មាធិការជាតិនៃសុខាភិបាលចិនបញ្ជាក់ថា ចំនួនអ្នកឆ្លងវីរុសឡើងដល់២០.៤០០នាក់ក្នុងប្រទេស ក្រោយមានអ្នកឆ្លងថ្មី៣.២៣៥នាក់។
ចំណែករដ្ឋមន្ត្រីសុខាភិបាលនៃបណ្ដាប្រទេសជាសមាជិក G7 កាលពីថ្ងៃទី៣កុម្ភៈបានព្រមព្រៀងរួមសហការគ្នា ឲ្យបានច្រើនតាមដែលអាចធ្វើទៅបាន ក្នុងបណ្ដាក្រុមប្រឹក្សាធ្វើដំណើរនិងបណ្ដាវិធានបង្ការ ប្រឈមមុខនឹងកូរ៉ូណាវីរុស។ ចំណែកធនាគារពិភពលោកនាថ្ងៃនោះដែរ បានអំពាវនាវដល់គ្រប់ប្រទេសទាំងអស់ ឲ្យពង្រឹងការត្រួតពិនិត្យសុខាភិបាលនិងឆ្លើយតបចំពោះទិន្នន័យនៃការឆ្លង។ ធនាគារពិភពលោកក៏និយាយដែរពីការពិនិត្យធនធានហិរញ្ញវត្ថុនិងបច្ចេកទេសដែលអាចប្រមូលបានដោយឆាប់រហ័ស។
១០ថ្ងៃក្រោយចាប់ផ្ដើមវិបត្តិដែលមានប្រភពពីក្រុងវូហានមក តម្លៃភាគហ៊ុនចិននៅក្រុងសៀងហៃ និងក្រុងសេនហ្សេន បានធ្លាក់ចុះប្រមាណជា៨% បន្ទាប់ពីផ្អាក១០ថ្ងៃ។ ខណៈចិនពេលនេះត្រូវជាប់គាំងដោយសារការខ្លាចវីរុសក្រុងប៉េកាំងកាលពីថ្ងៃទី៣ កុម្ភៈ បានទទួលស្គាល់ការខ្វះខាត នៃប្រតិកម្មរបស់ខ្លួនហើយក៏យល់ព្រមឲ្យពិភពលោកជួយឆ្លើយតបវិបត្តិនេះ។
ចំណែកគណៈកម្មាធិការអចិន្ត្រៃយ៍នៃការិយាល័យនយោបាយបក្សកុំមុយនីស្តចិន បានស្នើឲ្យកែលម្អការបញ្ចេញប្រតិកម្មចំពោះសភាពការណ៍បន្ទាន់ បន្ទាប់ពីការខ្វះខាតនិងការលំបាកនានាដែលកើតមាន ក្នុងការឆ្លើយតបចំពោះការឆ្លង។
មុននេះអ្នកនាំពាក្យក្រសួងការបរទេសចិនលោកស្រី HUA CHUNYING ធ្លាប់ថ្លែងថា អ្វីដែលចិនត្រូវការបន្ទាន់នោះ គឺម៉ាស សម្លៀកបំពាក់និងវ៉ែនតាការពារ។ លោកស្រីបញ្ជាក់ថា ប្រទេសជាច្រើនក្នុងនោះមានបារាំង អង់គ្លេស ជប៉ុននិងកូរ៉េខាងត្បូង បានបញ្ជូនរួចហើយបណ្ដាសម្ភារពេទ្យទៅជួយចិន។ យោងតាមក្រសួងឧស្សាហកម្មចិនថា ចិនខិតខំនាំចូលសម្ភារទាំងនេះពីអឺរ៉ុប ជប៉ុននិងសហរដ្ឋអាមេរិក៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ