រាជធានីភ្នំពេញ ៖ ដ្បិតតែមិនមានជំនាញខាងផ្នែករបាំបុរាណ តែគេកត់សម្គាល់ថា តារាចម្រៀងជើងចាស់អ្នកនាង ឈួន សុវណ្ណឆៃ នៅតែទទួលបានការកោតសរសើរក្នុងឈុតទម្រង់បុរាណ ដោយសារតែអ្នកនាងព្យាយាមហ្វឹកហាត់ និងបញ្ចេញភាពល្វតល្វន់ជាអ្នករបាំក្នុងការសម្ដែងជាហូរហែ។…
រាជធានីភ្នំពេញ ៖ ដ្បិតតែមិនមានជំនាញខាងផ្នែករបាំបុរាណ តែគេកត់សម្គាល់ថា តារាចម្រៀងជើងចាស់អ្នកនាង ឈួន សុវណ្ណឆៃ នៅតែទទួលបានការកោតសរសើរក្នុងឈុតទម្រង់បុរាណ ដោយសារតែអ្នកនាងព្យាយាមហ្វឹកហាត់ និងបញ្ចេញភាពល្វតល្វន់ជាអ្នករបាំក្នុងការសម្ដែងជាហូរហែ។
ជាក់ស្ដែងក្នុងបទ «ទេពនារី» របស់លោក ជុំ ជឿន ដែលទើបចេញបង្ហោះក្ដៅៗ គ្មានអ្នកណាមិនចាប់អារម្មណ៍នោះទេ ក្នុងពេលអ្នកនាង គឺជាអ្នកចម្រៀង តែអាចសម្ដែងជាអ្នករបាំពត់ពេនជាតួអង្គអប្សរាបាន។ កាយវិការល្វតល្វន់ដែលអ្នកនាង ឈួន សុវណ្ណឆៃ បានបង្ហាញក្នុងបទ «ទេពនារី» នោះ មិនមែនជាលើកទី១ ដែលមហាជនបានឃើញនោះទេ ដោយសារតែពេលកន្លងមក អ្នកនាងធ្លាប់បានរាំពត់ពេនបែបនេះមកហើយ នៅក្នុងកម្មវិធីបន្តផ្ទាល់របស់ទូរទស្សន៍ ជាពិសេសគឺក្នុងកម្មវិធីមហាសង្ក្រាន្តខណ្ឌពោធិ៍សែនជ័យ ដែលរៀបចំទម្រង់សិល្បៈដោយគ្រួសារតារាកម្ពុជា។
យ៉ាងណាមិញ បើក្រឡេកទៅមើលខាងក្រោយឆាកទម្រាំអ្នកនាងអាចរាំពត់ពេននៅក្នុងបទចម្រៀងនេះបាន អ្នកនាងក៏ចំណាយពេលហ្វឹកហាត់មិនតិចដែរ ដោយលើហ្វេសប៊ុករបស់អ្នកនាង គឺបង្ហាញពីការព្យាយាមគួរឱ្យសរសើរតែម្ដង ដោយសារតែអ្នកនាងមិនមែនជាអ្នករបាំ។
អ្នកនាង ឈួន សុវណ្ណឆៃ ធ្លាប់បានបញ្ជាក់ថា អ្នកនាងស្រលាញ់អាជីពជាអ្នករបាំបុរាណណាស់ ប៉ុន្តែអ្នកនាងមិនមានឱកាសទើបអ្នកនាងបានត្រឹមតែផលិតបទចម្រៀងខ្លួនឯង និងបទជាដៃគូជាមួយលោក ជុំ ជឿន ហើយបង្ហាញការសម្ដែងជាអ្នករបាំ ដើម្បីទុកឱ្យកូនមើល។
ទោះជាអ្នកនាងទទួលស្គាល់ថា ខ្លួនមិនអាចរាំបានល្វតល្វន់ដូចអ្នកអាជីព តែអ្នកនាងសប្បាយចិត្តដែលបានចូលរួមបំផុសទម្រង់របាំរបស់ខ្មែរឱ្យកាន់តែមានការចាប់អារម្មណ៍ និងបានចូលរួមដោយផ្ទាល់ បើទៅជាការសម្ដែង និងហ្វឹកហាត់បែបនេះ ត្រូវចំណាយថវិកាផ្ទាល់ខ្លួន និងត្រូវចំណាយពេលច្រើន ទម្រាំអាចសម្ដែងបានប៉ុណ្ណឹង។ (កែសម្រួលដោយ ៖ បុប្ផា)
ចែករំលែកព័តមាននេះ