ប្រទេសស៊ីរី ៖ យោងតាមអង្គការសិទ្ធិមនុស្សស៊ីរី OSDH មានប្រភពព័ត៌មានច្រើនក្នុងប្រទេសថា ជនស៊ីវិលយ៉ាងតិច១៤នាក់បានត្រូវបាត់បង់ជីវិត កាលពីថ្ងៃទី២កុម្ភៈក្នុងការវាយប្រហារតាមអាកាសនានា របស់របបស៊ីរី និងសម្ព័ន្ធមិត្តរុស្ស៊ី ក្នុងតំបន់អ៊ីដលីប ដែលមានទីតាំងចុងក្រោយទាំងឡាយរបស់ពួកជីហាដនិងពួកឧទ្ទាមប្រឆាំងរដ្ឋាភិបាល។
មនុស្ស៨នាក់ក្នុងនោះ៧នាក់ស្ថិតក្នុងគ្រួសារតែ១ បានត្រូវបាត់បង់ជីវិតដោយការទម្លាក់ធុងសាំងឆេះពីសំណាក់របបស៊ីរី លើភូមិសាមីនក្នុងខេត្តអ៊ីដលីប។ ពាក់កណ្ដាលនៃខេត្តនោះត្រួតត្រាដោយពួកជីហាដក្រុមHAYAT TAHRIR AL CHAM អតីតសាខាអាល់កៃដា។ តំបន់នេះក៏មានពួកជីហាដដទៃៗទៀតជាក្រុមតូចៗ ហើយនៅមានពួកឧទ្ទាមប្រឆាំងរបបស៊ីរិដែលពួកគេកាន់តែចុះខ្សោយ។
នាថ្ងៃទី២ ខែកុម្ភៈនោះដែរ ជនស៊ីវិល២នាក់បានត្រូវបាត់បង់ក្នុងការទម្លាក់គ្រាប់បែករបស់កងទ័ពស៊ីរី នៅកន្លែងផ្សេងទៀតនៃខេត្តអ៊ីដលីប ចំណែកមនុស្ស៤នាក់ដែលបាត់បង់ជីវិត ក្នុងការវាយប្រហាររបស់រុស្ស៊ីលើភាគខាងលិចនៃខេត្តអាឡែប៕ ដកដ្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ