រាជធានីភ្នំពេញ ៖ អតីតតារាធ្លាប់មានឈ្មោះក្នុងសិល្បៈមួយដួងទៀតហើយ ដែលបានបាត់មុខសិល្បៈ ហើយបានចូលរោងជ័យប្រកបដោយបរិយាកាសអ៊ូរអរលក្ខណៈលំដាប់ ដែលជាសញ្ញាថា កម្រិតសុភមង្គលកំពុងតែកើតមានយ៉ាងខ្លាំង។ កញ្ញា ម៉េង យៀកលី…
រាជធានីភ្នំពេញ ៖ អតីតតារាធ្លាប់មានឈ្មោះក្នុងសិល្បៈមួយដួងទៀតហើយ ដែលបានបាត់មុខសិល្បៈ ហើយបានចូលរោងជ័យប្រកបដោយបរិយាកាសអ៊ូរអរលក្ខណៈលំដាប់ ដែលជាសញ្ញាថា កម្រិតសុភមង្គលកំពុងតែកើតមានយ៉ាងខ្លាំង។
កញ្ញា ម៉េង យៀកលី ដែលក្លាយជាភរិយាពេញច្បាប់របស់បុគ្គលល្បីឈ្មោះក្នុងជំនួញម្នាក់ បង្ហាញចេតនាសោកស្តាយនូវពេលសិល្បៈលូតលាស់ក៏ផ្តាច់មកបង្កើតអាជីពថ្មី។ កាលពីយប់ថ្ងៃទី២ ខែកុម្ភៈ ឆ្នាំ២០២០ ពិធីមង្គលការដ៏អធឹកអធ័មមួយបានកើតឡើងនៅក្នុងភោជនីយដ្ឋានលំដាប់មួយកន្លែងទល់មុខផ្សារទំនើបអ៊ីអន២ ខណ្ឌសែនសុខ រាជធានីភ្នំពេញ។
សង្កេតឃើញថា មានវត្តមានភ្ញៀវភាគច្រើនជាបុគ្គលដែលជោគជ័យលើវិស័យជំនួញ ប្រមាណជាង១ពាន់នាក់ និងតារាជិតដិតតិចតួចប៉ុណ្ណោះ។ កូនក្រមុំដ៏ស្រស់សោភាញញឹមទាក់ទាញ សាច់សខ្ចី យៀកលី បានចំណាយពេលវេលាមកធ្វើបទសម្ភាសន៍ជាមួយអ្នកយកព័ត៌មានយើងថា ស្វាមីនាងមានវ័យជាង៣០ឆ្នាំ ដែលមានមុខរបរជំនួញម្នាក់ ដោយភាគច្រើនគេស្គាល់គាត់ច្រើនមានឈ្មោះ ចន ប្រុស ។
ចំណែកនាងវ័យ២៦ឆ្នាំ ចូលដល់ឆ្នាំថ្មីនេះ។ នាងជាអតីតហ្វ្រេសស៊ីហ្គើលជំនាន់ទី១៥ ចំណាត់ថ្នាក់លេខ២ ។ ក្រោយបានលទ្ធផលល្អ ក៏ងាកទៅបំពេញការងារជាពិធីការិនីប្រចាំស្ថានីយទូរទស្សន៍បាយ័ន ប្រមាណជាង១ឆ្នាំ។ ដល់តំណែងប្រសើរក្នុងសិល្បៈក៏ផ្អាកងាក មកលក់ដូរបើកកន្លែងលក់ផលិតផលសម្រស់ ជាប់ដៃមមាញឹកក៏អាក់ខានសិល្បៈ។ យ៉ាងណាក៏ដោយ នាងមិនទាន់អស់អាឡ័យទាំងស្រុងនោះទេ ទាក់ទិនសិល្បៈនាងនឹងធ្វើការងារអ្វីមួយលើកស្ទួយសិល្បៈ ព្រោះសិល្បៈក៏បានតស៊ូច្រើនដែរ។
ទាក់ទិនចំណងស្នេហ៍ យៀកលី បង្ហើបថា ស្គាល់ស្វាមីរូបនេះតាំងតែពីនៅរៀនសាកលវិទ្យាល័យ មិនដែលគិតថា បានក្លាយជាស្វាមីអ្វីទេ។ គាត់មិនមែនសិស្សនៅសាលាជាមួយគ្នាទេ ស្គាល់នាងតាមរយៈមិត្តភក្តិរួមថ្នាក់។ ម្យ៉ាងទៀត គាត់ចេះតែប្រាប់មិត្តគាត់ឱ្យនាងខំរៀនឱ្យច្រើនកុំគិតអីច្រើន ព្រោះជាសិស្សពូកែតាំងពីនៅវិទ្យាល័យ។
ចាប់តាំងពីពេលនោះមក ចេះតែរាប់អានគ្នា ឈ្វេងយល់ពីគ្នា ក្រោយពីគាត់ធ្វើការដាស់តឿនព្យាយាមរៀនឱ្យច្រើន ទើបពេលនេះដឹងថា មុខរបរអ្វីក៏ដោយ បើមិនមានចំណេះដឹងក៏មិនរលូនដែរ។
ម៉េង យៀកលី បន្តថា ក្រោយរៀបការស្វាមីចង់បានកូនឆាប់ៗ ដោយនាងបង្ហើបថា គ្រួសារចង់បង្កើតកូនឱ្យគ្រប់៤នាក់ តែមិនដឹងបែបណានោះទេ។ ការចំណាយនាពិធីការនេះ ក៏កូនក្រមុំសុំលាក់តម្លៃសិន ដោយចាយផ្នែកនេះនោះជាបន្តបន្ទាប់។ (កែសម្រួលដោយ ៖ បុប្ផា)
ចែករំលែកព័តមាននេះ