ខេត្តក្រចេះ ៖ ខណៈប្រជាពលរដ្ឋកំពុងតែមានការព្រួយបារម្ភពីការឆ្លងវីរុសកូរ៉ូណា ដែលជាជងឺរលាកសួតប្រភេទថ្មី កំពុងរាតត្បាតលើពិភពលោកនោះ នៅក្នុងខេត្តក្រចេះ ក្រុមគ្រូពេទ្យនៃមន្ទីរសុខាភិបាលខេត្តបានអះអាងថា មន្ទីរពេទ្យបានចាត់ឱ្យមានក្រុមការងារគ្រូពេទ្យប្រចាំការជានិច្ច ដើម្បីត្រៀមលក្ខណៈគ្រប់គ្រាន់ ទាំងទីតាំង…
ខេត្តក្រចេះ ៖ ខណៈប្រជាពលរដ្ឋកំពុងតែមានការព្រួយបារម្ភពីការឆ្លងវីរុសកូរ៉ូណា ដែលជាជងឺរលាកសួតប្រភេទថ្មី កំពុងរាតត្បាតលើពិភពលោកនោះ នៅក្នុងខេត្តក្រចេះ ក្រុមគ្រូពេទ្យនៃមន្ទីរសុខាភិបាលខេត្តបានអះអាងថា មន្ទីរពេទ្យបានចាត់ឱ្យមានក្រុមការងារគ្រូពេទ្យប្រចាំការជានិច្ច ដើម្បីត្រៀមលក្ខណៈគ្រប់គ្រាន់ ទាំងទីតាំង ក៏ដូចជាឧបករណ៍សម្ភារ សម្រាប់ជួយសង្គ្រោះអ្នកជំងឺ ។
ប្រធានមន្ទីរសុខាភិបាលខេត្ត លោកវេជ្ជបណ្ឌិត ឈ្នាង សុវត្ថា បានបញ្ជាក់ឲ្យដឹង នៅថ្ងៃទី៣ កុម្ភៈ នេះថា ដោយទទួលបានការណែនាំពីក្រសួងសុខាភិបាល មន្ទីរសុខាភិបាលនិងមន្ទីរពេទ្យបង្អែកខេត្ត បានត្រៀមទីតាំង និងត្រៀមលក្ខណៈគ្រប់គ្រាន់ សម្រាប់ជួយសង្គ្រោះដល់អ្នកជំងឺដែលសង្ស័យថា អាចផ្ទុកឬឆ្លងនូវ
វីរុសប្រភេទថ្មីនេះ ។ ដូចជាការរៀបចំឲ្យក្រុមគ្រូពេទ្យប្រចាំការរៀបចំបន្ទប់ស្នាក់នៅដាច់ដោយឡែក និងឧប្បករណ៍សម្ភា សម្រាប់សង្គ្រោះ ។
លោកបានបញ្ជាក់ថា មន្ទីរសុខាភិបាលបានបង្កើនការត្រួតពិនិត្យជាប់ជាប្រចាំ លើក្រុមការងារចត្តឡីសាក់(ជំងឺឆ្លងដែន) នៅតាមព្រំដែនច្រកអន្តរជាតិកម្ពុជា-វៀតណាម លើអ្នកធ្វើដំណើរគ្រប់រូបឆ្លងដែន ដើម្បីទប់ស្កាត់ប្រភេទជំងឺថ្មីនេះឱ្យបានទាន់ពេល មិនឱ្យហូរមកក្នុងទឹកដីខេត្តក្រចេះ ដែលជាខេត្តជាប់ព្រំដែន។
លោកវេជ្ជបណ្ឌិត ឈ្នាង សុវត្ថា ក៏បានអំពាវនាវដល់បងប្អូនប្រជាពលរដ្ឋនៅខេត្តក្រចេះ ត្រូវរួសរាន់មកមន្ទីរពេទ្យភ្លាមៗ ក្រោយសង្ស័យថា ក្នុងខ្លួនមានអការមិនស្រួល ដូចជាក្អកខ្លាំង ក្តៅខ្លួនខ្លាំង និងហៀរសំបោរខ្លាំង ។ និងជម្រុញឲ្យបងប្អូនប្រជាពលរដ្ឋយកចិត្តទុកដាក់ថែទាំង សុខភាពនៅពេលកើតមានជម្ងឺផ្តាស់សាយ ពិសេសនោះការរស់នៅប្រកបដោយអនាម័យស្អាត។
ចែករំលែកព័តមាននេះ