ក្រសួងសុខាភិបាលថៃបានប្រកាសថា វេជ្ជបណ្ឌិតរបស់ខ្លួនបានព្យាបាលអ្នកជំងឺកូរ៉ូណាវីរុស បានប្រកបដោយជោគជ័យ ដោយប្រើថ្នាំប្រឆាំងមេរោគអេដស៍ ។
ក្រសួងសុខាភិបាលថៃ ប្រកាសបែបនេះ នៅក្នុងការផ្តល់ព័ត៌មានដល់អ្នកសារព័ត៌មាន កាលពីថ្ងៃទី០២
កុម្ភៈ ឆ្នាំ២០២០ ។ នេះបើយោងតាមសេចក្តីរាយការណ៍ព័ត៌មានCNN របស់អាមេរិក ។
CNN បានរាយការណ៍ថា វេជ្ជបណ្ឌិតឈ្មោះ គ្រៀងសាក់ អាធីផនវ៉ានិច ( Kriangsak Atpornwanich) នៅមន្ទីរពេទ្យ្ រ៉ាចាវីត ( Rajavithi Hospital) បាននិយាយថា គាត់បានព្យាបាលស្ត្រីអ្នកជំងឺ អាយុ៧១ឆ្នាំ មកពីប្រទេសចិន ដោយប្រើបញ្ជូលគ្នាថ្នាំប្រឆាំងមេរោគអេដស៍និងផ្តាសាយធំ។
គាត់និយាយបន្ថែមទៀតថា ស្ថានភាពអ្នកជំងឺបានល្អប្រសើរយ៉ាងរហ័ស នៅក្នុងរយៈពេល៤៨ម៉ោង ហើយមេរោគក៏ត្រូវបានគេលែងឃើញមាននៅក្នុងអ្នកជំងឺ នៅក្នុងរយៈពេល៤៨ម៉ោង។
ប៉ុន្តែកាលពីសប្តាហ៍មុនអាមេរិកនិយាយថា គេមិនទាន់រកឃើញថ្នាំដែលមានប្រសិទ្ធភាពនៅក្នុងការព្យាបាលកូរ៉ូណាវីរុស ។
ចែករំលែកព័តមាននេះ