រាជធានីភ្នំពេញ ៖ តារាចម្រៀង នឿន នាគស៊ីណាត្រា និងតារាសម្តែងកញ្ញា ស៊ីម សេរីរ័ត្នមុនី បានឆ្លងដល់ការជប់លៀងបិទបញ្ចប់មង្គលការក្រោមបរិយាកាសរីករាយ កាលពីយប់ថ្ងៃទី៣១…
រាជធានីភ្នំពេញ ៖ តារាចម្រៀង នឿន នាគស៊ីណាត្រា និងតារាសម្តែងកញ្ញា ស៊ីម សេរីរ័ត្នមុនី បានឆ្លងដល់ការជប់លៀងបិទបញ្ចប់មង្គលការក្រោមបរិយាកាសរីករាយ កាលពីយប់ថ្ងៃទី៣១ ខែមករា ឆ្នាំ២០២០ ។ លុះឆ្លងដល់ពិធីកាត់នំ តារាចម្រៀង នឿន នាគស៊ីណាត្រា បន្លឺចម្រៀងមួយបទដែលតែងទុកជាស្រេច យកមកច្រៀងប្រកបដោយអត្ថន័យរហូតបង្កឱ្យកូនក្រមុំរំជួលចិត្តរហូតដល់អួលដើម.ក។
នៅលើវេទិកាថ្លែងអំណរគុណ តារាទាំង២ដួងនេះ បានបង្ហាញការតាំងចិត្តចងក្រងចំណងស្នេហ៍ឱ្យល្អ និងរឹងមាំបន្តទៀត បន្ទាប់ពីបានមើលចិត្តថ្លើមគ្នាអស់រយៈពេល៧ឆ្នាំ ទំរាំឆ្លងដល់បំណងប្រាថ្នាមួយនេះ។
តារាចម្រៀងនឿន នាគស៊ីណាត្រា បាននិយាយថា ចាប់ពីពេលនេះទៅ លោកមានតែសន្យាបន្តការរកស៊ីបន្តទៀត ដើម្បីយោងគ្រួសារឱ្ មានសុខសុភមង្គលនិរន្តន៍។ ជាពិសេសដោយដឹងថា ជាថ្ងៃពិសេស លោកបានរៀបចំចម្រៀងមួយបទជូនជាកាដូដល់ភរិយារបស់លោក ដែលមានចំណងជើងថា «អូនប្រពន្ធ» ដែលជានិស្ស័យឱ្យបានក្លាយជាភរិយាមើលថែទាំគ្នារហូតតទៅ។
ពិធីមង្គលការតារា២ដួងនេះ ចូលរួមដោយភ្ញៀវប្រមាណជិត១ពាន់នាក់ ក្នុងនោះមានតារាមួយចំនួនផងដែរ។ ស្នេហាបើកចំហររយៈពេលប៉ុន្មានឆ្នាំចុងក្រោយនេះ បានធ្វើឲ្យតារាប្រុសស្រីទាំងពីរដួងកាន់តែយល់ចិត្តគ្នាកាន់តែខ្លាំង។ ពួកគេបានរួមសុខរួមទុក្ខជាមួយគ្នានិងបង្កើតបានអនុស្សាវរីយ៍រាប់មិនអស់រួមគ្នា មុនពេលសម្រេចចិត្តចូលរោងការក្រោមការទទួលស្គាល់ពីចាស់ទុំទាំងសងខាង។ (កែសម្រួលដោយ ៖ បុប្ផា) (ប្រភពវីដេអូពីហ្វេសប៊ុក ៖ នឿន នាគស៊ីណាត្រា)
ចែករំលែកព័តមាននេះ