រាជធានីភ្នំពេញ ៖ ដ្បិតតែមានការយល់ឃើញថា កីឡាករ ពុយ វណ្ណៈ រាងជ្រេបន្តិចក៏ដោយ ក៏កីឡាកររូបនេះ នៅតែមិនអាចមើលស្រាលបាន ព្រោះរូបគេនៅតែអាចបំបាក់គូប្រកួតដែលជាជើងខ្លាំងវ័យក្មេង ទើបឡើងកូដឱ្យបរាជ័យដោយប្រើតែ២ទឹកនៅលើក្នុងសង្វៀនប៉ុស្តិ៍លេខ៥ ក្នុងវគ្គជម្រុះជើងឯក ដែលកំពុងតែទាក់ទាញ។
ការប្រកួតនេះ បានរៀបចំឡើងកាលពីព្រលប់ថ្ងៃទី១ ខែកុម្ភៈ ឆ្នាំ២០២០ ដែលជាព្រឹត្តិការណ៍ប្រកួតប្រដាល់ជើងឯក TV5 KNOCK SERIS By K-Cement រដូលកាលទី៧ នាថ្ងៃអាទិត្យ ដែលជាជុំចុងក្រោយវគ្គទី១ ហើយអ្នកប្រដាល់១៨រូបឡើងវគ្គ២ ដើម្បីប្រកួតចាញ់ឈ្នះទៀត។
គូដណ្តើមពាន កីឡាករ លីន សុខឈុន មកពីក្លិបបុរីរាជសីហ៍មានរិទ្ធ ប៉ះសិស្សច្បង ពុយ វណ្ណៈ មកពីក្លិប ឃ្លាំងមឿងកីឡា មកពីខេត្តពោធិ៍សាត់។ មើលទៅលើមាឌមាំរបស់កីឡាករទាំង២នេះ គឺប្រហែលគ្នា ដោយមិនដឹងថា អ្នកណាខ្លាំងជាង។ មួយខ្លាចាស់ មួយខ្លាពេញកម្លាំងមើលមិនដឹងឡើយ លើកលែងដាល់រៀងៗខ្លួន។
បើកឆាកប្រកួតទឹកទី១ វណ្ណៈ ដែលថ្នឹកការឡើងរេញ ស្រាប់តែវាយចូលគោលដៅសន្ធាប់ជាង សុខឈុន ។ ពួកគេតតាំងយ៉ាងខ្លាំង តែគេឃើញរៀមច្បងផ្តួលច្រើនជាធ្វើឱ្យសិស្សប្អូនស្លន់ស្លោនឹកអត់ដល់ថា រៀមច្បងពូកែលាក់ស្នៀតបែបនេះ។
លុះដល់ទឹកទី២ វណ្ណៈ បន្តអុកចំពោះ សុខឈុន បង្កបាត់ជំហរ ឈរលែងនឹងធ្វើឱ្យអាជ្ញាកណ្តាលរាប់នៅទឹកទី២ ហើយស្ថានការទប់កម្លាំងមិនអាច ក៏បញ្ចប់លែងឱ្យប្រកួត។ នៅទីបំផុតសិស្សច្បងបានឈ្នះ ហើយត្រៀមក្បាច់ល្អៗទៀត ដើម្បីពុះពារវគ្គទី២ ដែលសុទ្ធជើងល្អៗមកប៉ែងគ្នា។ (កែសម្រួលដោយ ៖ បុប្ផា)
ចែករំលែកព័តមាននេះ