Mark Zuckerbeg ៖ ខ្ញុំមិនខ្វល់ទេថា អ្នកចូលចិត្តខ្ញុំ ឬអត់ !
លោកមហាសេដ្ឋី ម៉ាក ហ្សាក់កាបឺក (Mark Zuckerbeg) ដែលជាស្ថាបនិក និងនាយកប្រតិបត្តិរបស់ក្រុមហ៊ុន Facebook បានប្រកាសជាសាធារណៈថា «គោលដៅរបស់ខ្ញុំក្នុងទសវត្សថ្មីនេះ…
លោកមហាសេដ្ឋី ម៉ាក ហ្សាក់កាបឺក (Mark Zuckerbeg) ដែលជាស្ថាបនិក និងនាយកប្រតិបត្តិរបស់ក្រុមហ៊ុន Facebook បានប្រកាសជាសាធារណៈថា «គោលដៅរបស់ខ្ញុំក្នុងទសវត្សថ្មីនេះ…
លោកមហាសេដ្ឋី ម៉ាក ហ្សាក់កាបឺក (Mark Zuckerbeg) ដែលជាស្ថាបនិក និងនាយកប្រតិបត្តិរបស់ក្រុមហ៊ុន Facebook បានប្រកាសជាសាធារណៈថា «គោលដៅរបស់ខ្ញុំក្នុងទសវត្សថ្មីនេះ គឺមិនមែនធ្វើជាមនុស្សដែលអ្នកដទៃចូលចិត្តទេ តែធ្វើជាមនុស្សដែលអ្នកដទៃយល់ចិត្ត ។ ដើម្បីទទួលបានជំនឿចិត្តពីអ្នកដទៃ មនុស្សត្រូវតែដឹងពីអ្វីដែលអ្នកគាំទ្រ»។
លោកបាននិយាយដូច្នេះខណៈដែលរូបភាពរបស់លោកក្នុងចំណោមសាធារណជនកាន់តែអវិជ្ជមានឡើង ព្រោះតែបញ្ហាទាក់ទិននឹងឯកជនភាព និងព័ត៌មានមិនពិតដែលត្រូវបានចែករំលែកលើប្រព័ន្ធសង្គមរបស់លោក ។
កាលពីថ្ងៃពុធកន្លងមកនេះ លោកបានទម្លាក់កំហុសទាំងនេះលើខ្លួនលោកដែលព្យាយាមធ្វើជាមនុស្សដែលអ្នកដទៃចូលចិត្តខ្លាំងពេក ។ លោកបាននិយាយថា «ពួកយើងមិនបានប្រាប់ពីទស្សនៈរបស់ពួកយើងបានច្បាស់លាស់ ព្រោះពួកយើងព្រួយបារម្ភថាវានឹងធ្វើឲ្យមនុស្សខឹង» ។
ជាលទ្ធផល Facebook បានសម្រេចចិត្តថាពួកគេនឹងព្យាយាមធ្វើអ្វីតាមគោលការណ៍របស់ក្រុមហ៊ុនដាច់ខាត មិនថាអ្នកដទៃពេញចិត្តនឹងវា ឬអត់ទេ ។ ហើយដើម្បីធ្វើដូច្នេះបានក្រុមហ៊ុនលោកនឹងពឹងផ្អែកលើការតាមដានទម្លាប់ប្រើប្រាស់ប្រព័ន្ធសង្គមរបស់មនុស្ស និងឲ្យពួកគេមើលឃើញការផ្សាយពាណិជ្ជកម្មដែលស្របតាមតម្រូវការរបស់ពួកគេ ។
ជាមួយគ្នានេះដែរ Facebook នឹងបន្តគាំទ្រការលាក់បាំងព័ត៌មានរបស់អ្នកប្រើប្រាស់ពីអាជ្ញាធរ ។ ភ្នាក់ងារជាប់ពាក់ព័ន្ធក្នុងសហរដ្ឋអាមេរិកធ្លាប់បានអះអាងថាពួកគែត្រូវការការសហការជាមួយនឹង Facebook ដើម្បីតាមចាប់ជនសង្ស័យនានា ប៉ុន្តែលោក ហ្សាក់កាបឺក បាននិយាយថាក្រុមហ៊ុនរបស់លោកនឹងបន្តគាំទ្រការការពារព័ត៌មានរបស់អ្នកប្រើប្រាស់លើប្រព័ន្ធសង្គមរបស់ខ្លួន ។
ដើម្បីទទួលបានជំនឿចិត្តពីអ្នកប្រើប្រាស់វិញ លោកនាយកប្រតិបត្តិខាងលើក៏បានព្យាយាមចៀសវាងមិនឲ្យ Facebook ក្លាយទៅជាឧបករណ៍ដែលប្រើដើម្បីផ្តល់ព័ត៌មានមិនពិតដល់អ្នកបោះឆ្នោតក្នុងកំឡុងពេលបោះឆ្នោតជ្រើសរើសប្រធានាធិបតីក្នុងឆ្នាំនេះដែរ ។ កាលពី ៤ឆ្នាំមុនមានជនជាតិរុស្ស៊ីមួយចំនួនប្រើ Facebook ដើម្បីចែករំលែកព័ត៌មានមិនពិត និងផ្សាយពាណិជ្ជកម្មឲ្យអ្នកបោះឆ្នោតក្នុងសហរដ្ឋអាមេរិមមើលឃើញ ៕ កែសម្រួលដោយ ៖សុឃាក់
ចែករំលែកព័តមាននេះ