រាជធានីភ្នំពេញ ៖ ក្រុមហ៊ុនគៀងហ៊ួត ដែលនាំចូលផ្តាច់មុខផលិតផលទឹកដោះគោឆៅខ្លាឃ្មុំពីក្រុមហ៊ុន F&N បាននាំយកទឹកប្រាក់ចំនួន១០០លានរៀលទៅប្រគល់ជូនអ្នកដែលមានសំណាងក្លាយជាសេដ្ឋីថ្មីទី៣នៃកម្មវិធីផ្សងសំណាងជាមួយទឹកដោះគោឆៅខ្លាឃ្មុំ៥ខែ ៥០០លានរៀល កាលពីព្រឹកថ្ងៃទី៥ សីហា ឆ្នាំ២០១៤ ។
សេដ្ឋីថ្មីទី៣របស់ទឹកដោះគោឆៅខ្លាឃ្មុំមានឈ្មោះ មី សុជាតា ភេទស្រី អាយុ៣៤ឆ្នាំ មានទីលំនៅបច្ចុប្បន្នផ្ទះលេខ១៨Eo ផ្លូវលំ ភូមិទួលរកា សង្កាត់ចាក់អង្រែក្រោម ខណ្ឌមានជ័យ ។ អ្នកស្រី មី សុជាតា បាននិយាយថា គាត់ពិតជាមានអារម្មណ៍សប្បាយរីករាយយ៉ាងខ្លាំង បន្ទាប់ពីបានឈ្នះទឹកប្រាក់១០០លានរៀលពីការផ្សងសំណាងជាមួយទឹកដោះគោឆៅខ្លាឃ្មុំ៥ខែ ៥០០លានរៀល ។ ការចូលរួមផ្សងសំណាងនេះពិតជាមានភាពងាយស្រួលណាស់ដោយគាត់គ្រាន់តែសន្សំសម្បកកំប៉ុងទឹកដោះគោឆៅខ្លាឃ្មុំ រួចសរសេរឈ្មោះ អាសយដ្ឋាន និងលេខទូរស័ព្ទដោយដៃផ្ទាល់ជាមួយប៊ិកពណ៌ខ្មៅ ឬខៀវរួចយកទៅដាក់ហាងណាដែលមានប្រអប់ធុងឆ្នោតនៅជិតលោកអ្នកបំផុត ។
អ្នកស្រី មី សុជាតា បន្តថា នៅពេលដែលគាត់ទស្សនាជាមួយវីឌីអូផ្សព្វផ្សាយឃោសនាពីកម្មវិធីចាប់រង្វាន់ផ្សងសំណាងជាមួយទឹកដោះគោឆៅខ្លាឃ្មុំ៥ខែ ៥០០លានរៀលរួចហើយ ស្វាមីរបស់គាត់ក៏បានសម្រេចចិត្តចូលរួមផ្សងសំណាង ហើយបានយកសម្បកកំប៉ុងទៅដាក់ក្នុងធុងឆ្នោតដែលនៅជិតផ្ទះរបស់គាត់ ។ គាត់បន្ថែមទៀតថា ដោយសារតែកូនស្រីពៅរបស់គាត់កំពុងតែបៅទឹកដោះគោឆៅខ្លាឃ្មុំស្រាប់ គាត់ក៏បានប្រមូលសម្បកកំប៉ុងទាំងអស់មកសរសេរឈ្មោះដើម្បីផ្សងសំណាង ។
កូនៗរបស់គាត់ទាំងបីនាក់នៅពេលអាយុ១ឆ្នាំឡើងទៅ គាត់តែងតែជាវជាមួយនឹងទឹកដោះគោឆៅខ្លាឃ្មុំសម្រាប់ឱ្យពួកគេផឹក ព្រោះទឹកដោះគោឆៅខ្លាឃ្មុំសម្បូរទៅដោយសារជាតិជាច្រើនដែលជួយរក្សាសុខភាពរាងកាយ ក៏ដូចជាជួយឱ្យឆ្អឹងកូនៗរបស់គាត់មានការលូតលាស់បានល្អ ។ អ្នកស្រី មី សុជាតា ពិតជាមានអារម្មណ៍សប្បាយរីករាយជាខ្លាំងក្នុងនាមគាត់ជាអតិថិជនដែលមានសំណាងក្លាយជាសេដ្ឋីថ្មីទី៣របស់ទឹកដោះគោឆៅខ្លាឃ្មុំ ។ អ្វីដែលធ្វើឱ្យកាន់តែភ្ញាក់ផ្អើលជាងនេះទៅទៀតនោះគឺក្រុមការងាររបស់ទឹកដោះគោឆៅខ្លាឃ្មុំបានយកទឹកប្រាក់ចំនួន ១០០លានរៀលមកប្រគល់ជូនគាត់ដល់លំនៅឋាន ដូចសេដ្ឋីទី១ និងទី២ផងដែរ ។
អ្នកស្រី មី សុជាតា ក៏បានផ្តាំផ្ញើដល់អតិថិជនទឹកដោះគោឆៅខ្លាឃ្មុំទាំងអស់ថា នៅសល់២០០លានរៀលសម្រាប់សេដ្ឋីថ្មីចំនួន២រូបផ្សេងទៀត ដូច្នេះបន្ទាប់ពីផឹកទឹកដោះគោឆៅខ្លាឃ្មុំហើយ សូមកុំចោលសម្បកកំប៉ុងទៅណា សូមចូលរួមផ្សងសំណាងជាមួយទឹកដោះគោឆៅខ្លាឃ្មុំ៥ខែ ៥០០លានរៀល ព្រោះសេដ្ឋីថ្មីអាចជារូបលោកអ្នក ៕
ចែករំលែកព័តមាននេះ