ខេត្តក្រចេះ ៖ បុរសម្នាក់ដែលអ្នកភូមិស្គាល់ថា មានរបរអាជីពជាអ្នកឡើងត្នោតជាយូរណាស់មកហើយនោះ បានភ្លាត់ស្នៀតធ្លាក់ពីលើចុងត្នោតកំពស់ជាង២០មែត្រ បណ្តាលឲ្យបាក់.ក ហើយបាត់បង់ជីវិតនៅនិងកន្លែងកើតឡើងនៅវេលាម៉ោង៨ព្រឹកថ្ងៃទី៣១ មករា នេះ ស្ថិតភូមិសណ្តាន់ ឃុំសណ្តាន់ ស្រុកសំបូរ ។
ទាក់ទិនករណីនេះ ត្រូវសន្និដ្ឋានថា អាចបណ្តាលមកពីបុរសរងគ្រោះកើតជំងឺខ្យល់ ទើបធ្វើឱ្យវិលមុខធ្លាក់ពីលើចុងត្នោត នៅពេលកំពុងតែដោះបំបង់ទឹកត្នោតបែបនេះ ។ បុរសរងគ្រោះមានឈ្មោះ ទេព ចាន់មុន្នី អាយុ២១ឆ្នាំ ទើបតែរៀបការទៀតផង ។
នគរបាលមូលដ្ឋានឱ្យដឹងទៀតថា ជនរងគ្រោះមានរបរជាអ្នកឡើងត្នោត ដើម្បីយកទឹកត្នោត មកផលិតជាស្ករត្នោតលក់នៅក្នុងភូមិគេស្គាល់គាត់គ្រប់គ្នា ហើយគាត់មានអាជីពជាអ្នកឡើងត្នោត ដោយមិនខ្លាច
ខ្ពស់ទេ ។ នេះជារឿងគួរឱ្យសោកស្តាយបំផុតសម្រាប់គ្រួសារ ។
ចែករំលែកព័តមាននេះ