ខេត្តបន្ទាយមានជ័យ ៖ កាលពីថ្ងៃទី៣០ មករា ឆ្នាំ២០២០ បង់អង្គុយលេងចំនួន១០ជាអំណោយរបស់យោធា-នគរបាលការពារព្រំដែនគោក និងសប្បុរសជនមួយចំនួនទៀតនៅក្រុងប៉ោយប៉ែតបានផ្តល់ជូនសាលាអនុវិទ្យាល័យអូរឫស្សី ស្ថិតក្នុងភូមិអូរឬស្សី សង្កាត់ផ្សារកណ្តាល ក្រុងប៉ោយប៉ែត…
ខេត្តបន្ទាយមានជ័យ ៖ កាលពីថ្ងៃទី៣០ មករា ឆ្នាំ២០២០ បង់អង្គុយលេងចំនួន១០ជាអំណោយរបស់យោធា-នគរបាលការពារព្រំដែនគោក និងសប្បុរសជនមួយចំនួនទៀតនៅក្រុងប៉ោយប៉ែតបានផ្តល់ជូនសាលាអនុវិទ្យាល័យអូរឫស្សី ស្ថិតក្នុងភូមិអូរឬស្សី សង្កាត់ផ្សារកណ្តាល ក្រុងប៉ោយប៉ែត តាមរយៈភ្នាក់ងារកោះសន្តិភាពប្រចាំខេត្តបន្ទាយមានជ័យ។
ម្ចាស់អំណោយទាំងអស់ខាងលើរួមមាន ១-លោកវរសេនីយ៍ទោអ៊ុន ចាន់ មេបញ្ជាការរងយោធាការពារព្រំដែនលេខ៥០៣ ផ្តល់បង់អង្គុយលេងចំនួនមួយ ២-លោកអនុសេនីយ៍ទោអ៊ុន សាខន យោធាយោធភូមិភាគ៥ ផ្តល់បង់អង្គុយលេងចំនួនមួយ ៣-លោកអនុសេនីយ៍ត្រីមាស សារឿន ហៅធាយោធាការពារព្រំដែនលេខ៥០៣ ផ្តល់បង់អង្គុយលេងចំនួនមួយ ៤-លោកវរសេនីយ៍ត្រីរស់ ពិសិដ្ឋ នាយប៉ុស្តិ៍បឹងសាគូនៃនគរបាលការពារព្រំដែនគោកលេខ៩១១ ផ្តល់បង់អង្គុយលេងចំនួនមួយ ៥-លោកវរសេនីយ៍ត្រីឃិន ខន មេបញ្ជាការរងយោធាសឹករងក្រុងប៉ោយប៉ែត ផ្តល់បង់អង្គុយលេងចំនួនមួយ ៦-លោកហោ តូ និងភរិយា ផ្តល់បង់អង្គុយលេងចំនួនមួយ ៧-កញ្ញាង៉ូវ មុយគីម សិស្សសាលាសុវណ្ណភូមិនៅក្រុងប៉ោយប៉ែត ផ្តល់បង់អង្គុយលេងចំនួនមួយ និង៨-លោកមុត សារុន ភ្នាក់ងារកោះសន្តិភាពប្រចាំខេត្តបន្ទាយមានជ័យ ផ្តល់បង់អង្គុយលេងចំនួនមួយ ។
លោកអ៊ាង ហុង នាយកអនុវិទ្យាល័យអូរឫស្សី បានឱ្យដឹងថា អនុវិទ្យាល័យអូរឫស្សីបានកសាងឡើងនៅឆ្នាំ២០០៤ មានមួយអគារ ស្មើនឹង៦បន្ទប់ មានសិស្សសរុប១៨២នាក់ (ស្រី៩៤នាក់) រៀនពីថ្នាក់ទី៧ដល់ថ្នាក់ទី៩ ។
លោកនាយកខាងលើក៏ដូចជាលោកគ្រូ អ្នកគ្រូ និងសិស្សានុសិស្សទាំងអស់បានសម្តែងការត្រេកអរយ៉ាងខ្លាំងនៅពេលដែលទទួលបានបង់អង្គុយលេងចំនួន១០ពីសប្បុរសជនតាមរយៈភ្នាក់ងារកោះសន្តិភាពចំពេលសាលាកំពុងខ្វះខាត ។ លោកនាយកបានបន្តថា ក្នុងបរិវេណអនុវិទ្យាល័យមានដើមឈើម្លប់ត្រជាក់ច្រើនដើមដែរ ប៉ុន្តែពេលសិស្សចេញលេងម្តងៗគ្មានតុ ឬបង់អង្គុយលេងឡើយ ។ លោកនាយក និងលោកគ្រូអ្នកគ្រូក៏ដូចជាសិស្សានុសិស្សសូមជូនពរដល់ម្ចាស់អំណោយទាំងអស់មានសុខភាពល្អ និងទទួលបានជោគជ័យគ្រប់ភារកិច្ច៕ (កែសម្រួលដោយ ៖ ធីតា)
ចែករំលែកព័តមាននេះ