មិនមានមនុស្សច្រើនទេដែលចំណាយជីវិតរបស់ខ្លួនធ្វើការងារដែលខ្លួនស្រលាញ់ ។ តែទោះជាអ្នកស្រលាញ់ការងារអ្នកប៉ុនណាក៏ដោយ អ្នកនៅតែអាចជួបនឹងថ្ងៃដែលអ្នកធុញទ្រាន់ ឬចង់សាកល្បងអ្វីថ្មីៗ ខណៈមនុស្សមួយចំនួនទៀតដែលមិនពេញចិត្តនឹងការងាររបស់ខ្លួន ក៏តែងតែជួបប្រទះនឹងថ្ងៃដែលពួកគេចង់ចាកចេញ និងរកឱកាសថ្មីៗដែរ ។ មិនថាអ្នកស្ថិតក្នុងក្រុមមួយណាខាងលើទេ…
មិនមានមនុស្សច្រើនទេដែលចំណាយជីវិតរបស់ខ្លួនធ្វើការងារដែលខ្លួនស្រលាញ់ ។ តែទោះជាអ្នកស្រលាញ់ការងារអ្នកប៉ុនណាក៏ដោយ អ្នកនៅតែអាចជួបនឹងថ្ងៃដែលអ្នកធុញទ្រាន់ ឬចង់សាកល្បងអ្វីថ្មីៗ ខណៈមនុស្សមួយចំនួនទៀតដែលមិនពេញចិត្តនឹងការងាររបស់ខ្លួន ក៏តែងតែជួបប្រទះនឹងថ្ងៃដែលពួកគេចង់ចាកចេញ និងរកឱកាសថ្មីៗដែរ ។ មិនថាអ្នកស្ថិតក្នុងក្រុមមួយណាខាងលើទេ អ្នកអាចធ្វើការសម្រេចចិត្តបានដោយល្អប្រសិនបើអ្នកពិចារណាលើមុខសញ្ញាខាងក្រោមនេះដែលបង្ហាញថាមុខរបររបស់អ្នកមិនអាចធ្វើឲ្យអ្នកជោគជ័យ៖
១. អ្នកភ្លេចពីពេលដែលការងារអ្នកធ្វើឲ្យអ្នករំភើបចង់ធ្វើ៖
អារម្មណ៍ធុញទ្រាន់នឹងការងារម្តងម្កាល គឺជារឿងទូទៅដែលមនុស្សពេញវ័យតែងតែជួបប្រទះ ។ ប៉ុន្តែយោងទៅតាមទស្សនាវដ្តី Forbes បានឲ្យដឹងថា អ្នកបានមកដល់ផ្លូវទាល់ច្រកនៅពេលដែលអ្នកនឹកមិនឃើញពេលដែលអ្នកមានអារម្មណ៍រំភើបសប្បាយនឹងការបំពេញការងាររបស់ខ្លួនយ៉ាងតិចណាស់ម្តងក្នុងមួយសប្តាហ៍ ។
២. អ្នកឧស្សាហ៍នឹកស្រមៃឃើញអ្វីផ្សេងជាប្រចាំ៖
ការពិតជាក់ស្តែង នៅកំឡុងពេលដែលមនុស្សមិនមានការងារធ្វើច្រើន ពួកគេតែងតែស្រមើលស្រមៃ ឬគិតពីអ្វីដែលមិនទាក់ទងនឹងការងារ ប៉ុន្តែប្រសិនបើអ្នកចំណាយពេលភាគច្រើនលើវានោះ វាអាចជាមុខសញ្ញាបង្ហាញថាការងារអ្នកមិនជំរុញទឹកចិត្តអ្នកឲ្យខិតខំដូចមុនឡើយ ។
៣. អ្នកមិនគិតពីការងារនៅក្រៅម៉ោងធ្វើការ៖
ប្រាកដណាស់ ការមិនចេះបែងចែកពេលវេលាសម្រាប់ជីវិតផ្ទាល់ខ្លួន និងការងារអាចជាកត្តាមិនល្អសម្រាប់អ្នកនិងមនុស្សជុំវិញអ្នក ។ ប៉ុន្តែ Forbes បានឲ្យដឹងទៀតថា ប្រសិនបើអ្នកមិនដែលគិតពីការងាររបស់អ្នកទាល់តែសោះនៅក្រៅម៉ោងការងារនោះ វាអាចបង្ហាញថាមុខរបររបស់អ្នកនឹងមិនជួយឲ្យអ្នកឲ្យជោគជ័យទេ ។
៤. អ្នកមិនបានរៀនអ្វីដែលថ្មី៖
ការរៀន ឬពង្រឹងជំនាញថ្មីៗ គឺជាកត្តាសំខាន់ចាំបាច់សម្រាប់គ្រប់មុខរបរដែលអ្នកជ្រើសរើស ។ មុខរបរប្រៀបបានជាបទពិសោធន៍ ជំនាញ និងចំណេះដឹងដែលអ្នកទទួលបានពីការងាររបស់អ្នកដែលជួយដល់សមត្ថភាពរបស់អ្នក និងធ្វើឲ្យអ្នកត្រូវបានអ្នកដទៃទទួលស្គាល់ ។ ប្រសិនបើអ្នកមិនមានរៀនអ្វីថ្មីទេនោះ អ្នកមិនមានឱកាសលូតលាស់ច្រើនក្នុងមុខរបរដែលអ្នកជ្រើសរើសទេ ៕ កែសម្រួលដោយ ៖សុឃាក់
ចែករំលែកព័តមាននេះ