បើសិនជាមិនចង់ខាតបង់លុយកាក់ ព្រោះតែប្តូរស៊េរីទូរស័ព្ទថ្មីខុសទំនង គុណភាពមិនស័ក្តិសមនឹងតម្លៃ គប្បីពិចារណាលើស្មាតហ្វូនស៊េរីថ្មី OPPO Reno2 F ដែលមានចំណុចពិសេសៗដូចខាងក្រោមនេះ ៖
តម្លៃ ៖ សម័យបច្ចេកវិទ្យា មិនពិបាកក្នុងការស្វែងរកទិញទូរស័ព្ទទេ ចង់បានម៉ាកអី ម៉ូដអីក៏មានឲ្យតែមានលុយ ប៉ុន្តែបើអ្នកមានកញ្ចប់ថវិកាខ្ទង់ $300 ជាងក្នុងដៃអាចពិចារណាស្មាតហ្វូនស៊េរីថ្មីដែលកំពុងពេញនិយមនោះ គឺ OPPO Reno2 F តម្លៃថ្មី $349 ប្រាកដជាមិនខកបំណងទេ ព្រោះជាស្មាតហ្វូនកំពុងពេញនិយម និងមានគុណភាពល្អបំផុតប្រចាំដើមឆ្នាំ 2020 ។
ការឌីហ្សាញ ៖ ស្មាតហ្វូន OPPO Reno2 F មានរូបរាងរលើបរលោងស្រស់ស្អាតកាលីបទាន់សម័យ ដោយផ្នែកខាងមុខមានអេក្រង់ច្បាស់ធំលាតពេញទំហំ 6.5”AMOLED គ្មានដំណក់ទឹក ងាយស្រួលកាន់ និងប្រើដោយដៃម្ខាង ផ្ទៃម៉ាស៊ីនរាបស្មើ ស្ទើរតែគ្មានចោះរន្ធ ឬប្រជ្រុយ និងបំពាក់នូវបច្ចេកវិទ្យាស្តេនក្រយ៉ៅដៃលើអេក្រង់ជំនាន់ 3.0 ដោះសោរហ័សបំផុតត្រឹមតែ 0.3 វិនាទី ប៉ុន្តែសុវត្ថិភាព ។ រីឯផ្នែកខាងក្រោយត្រូវបានរចនាដោយកញ្ចក់ CGG5 ចែងចាំង មាំធន់ មិនឆ្កូត មិនសឹក និងមាន O.Dot ដែលផលិតពីសេរ៉ាមិច ដើម្បីការពារមិនឲ្យខូច ឬសឹកឡេនកាមេរ៉ា ។
កាមេរ៉ាទូរស័ព្ទ ៖ OPPO Reno2 F មានកាមេរ៉ាក្រោយ ៤គ្រាប់ តម្រៀបគ្នាជាជួរយ៉ាងមានរបៀប ស្មើត្រឹមតែម្តង ដោយកាមេរ៉ាមេមានទំហំ 48MP ភ្ជាប់ជាមួយនឹងបច្ចេកវិទ្យា Ultra Night Mode 2.0 ថតរូបច្បាស់គ្រប់ពេលវេលា ។ កាមេរ៉ាទី ២ មានទំហំ 8MP ថតបានមុំធំទូលាយ (Wide-angle) ដល់ 1190 ថតរូបមនុស្សទូទៅឃើញខ្ពស់រាងស្លីមស្អាត ថតរូបជួបជុំគ្រួសារ ឬការជួបជុំនៅតុអាហារបានយ៉ាងរីករាយ ដោយពុំចាំបាច់ឈឺក្បាលដើរថយក្រោយ ។
កម្លាំងម៉ាស៊ីន និង ថាមពលថ្ម ៖ ស្មាតហ្វូន OPPO Reno2 F មាន RAM ទំហំធំ 8GB អង្គផ្ទុកទិន្នន័យកាន់តែធំ ROM 128GB អាចផ្ទុកភាពយន្តបានចំនួន 210 (600MB/រឿង) និង 42000 រូបភាព (3MB/សន្លឹក) បានយ៉ាងច្រើនមិនសំចៃ ថែមទាំងប្រតិបត្តិការដោយ ColorOS6.1Android 9.0)និងមានកម្លាំងថាមពលថ្មទំហំធំរហូតដល់ទៅ 4000mAh ភ្ជាប់មកជាមួយបច្ចេកវិទ្យាសាកថ្មលឿន VOOC 3.0 អាចមើលវីដេអូបាន ១៣ ម៉ោង ស្តាប់តន្ត្រីបាន ៣១ ម៉ោង ប្រើដាច់យប់មិនពិបាកស្ពាយ Power Bank តាមខ្លួន ឬសាកថ្មញឹកញាប់ និងលេងហ្គេមបាន ៨ ម៉ោង ដោយលឿនរលូនគ្មានការរអាក់រអួលជាមួយនឹងបច្ចេកវិទ្យា Game Boost 2.0 ។
រាល់ការជាវស្មាតហ្វូន OPPO Reno2 F នឹងទទួលកញ្ចប់កាដូដ៏ច្រើនសន្ធឹកសន្ធាប់ ជាមួយនឹងការធានា ១ ឆ្នាំពេញ ខូចដូរថ្មីក្នុងកំឡុងពេល ៧ ថ្ងៃ ពិសេសសេវាកម្មជួសជុលរហ័សទាន់ចិត្តត្រឹមតែរយៈពេល ១ ម៉ោងនៅមជ្ឈមណ្ឌលជួសជុលទូរស័ព្ទដៃ OPPO (OPPO Service Centre) ។ ពិសេសជាងនេះ បើលោកអ្នកទិញ Reno2 F ចាប់ពីថ្ងៃនេះដល់ថ្ងៃទី 29 កុម្ភៈ ឆ្នាំ 2020 នឹងមានឱកាសឈ្នះដំណើរកម្សាន្តដ៏សប្បាយរីករាយទៅលេងកោះភូកេតដែលមានអ្នកឈ្នះ ៣ រង្វាន់ក្នុងមួយសប្តាហ៍ សរុប ៣៩ រង្វាន់ ។
គិតមកទល់សប្តាហ៍ទី ៨ នេះ មានអតិថិជនឈ្នះដំណើរកម្សាន្តនេះសរុបចំនួន ២៤ រូប ដែលក្នុងនោះ ៩ រូបដំបូងគេត្រូវបានក្រុមហ៊ុន OPPO នាំទៅដើរលេងកម្សាន្តនៅកោះភូកេតចំនួន ៣យប់ ៤ ថ្ងៃ កាលពីថ្ងៃទី ១៨ ដល់ ២១ ខែមករា ២០២០ និងអ្នកឈ្នះដទៃទៀតត្រៀមចេញដំណើរជាបន្តបន្ទាប់ដូចតាមការសន្យា ។
កញ្ញា ចរិយា បានឲ្យដឹងថា ទិញ Reno2 F មិនស្រណោះដៃ ពីព្រោះរាងស្អាតម្ម៉ងកាន់កាលីប ថតរូបច្បាស់ សែលហ្វីស្អាត កាន់ថ្មបានយូរ ហើយគាត់រំភើបខ្លាំងភ្ញាក់ផ្អើលពេលក្រុមការងារ Live តាមហេ្វសប៊ុកថា គាត់មានសំណាងបានឈ្នះដំណើរកម្សាន្តទៅលេងកោះភូកេត ។
សរុបមកបើចង់បានស្មាតហ្វូនតម្លៃល្អ គុណភាពសមនឹងតម្លៃ និងមានការធានាត្រឹមត្រូវ ស្មាតហ្វូនកាមេរ៉ាក្រោយ 4 ទំហំ 48MP នោះ គឺ OPPO Reno2 F គឺជាជម្រើសល្អបំផុតសម្រាប់លោកអ្នក ទិញទៅប្រាកដជាពេញចិត្តស្តូកតែម្តង ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ