រាជធានីភ្នំពេញ ៖ សមត្ថកិច្ចខណ្ឌដូនពេញ ធ្វើការចាប់ឃាត់បានម៉ូតូកែច្នៃបំពង់ស៊ីម៉ាំងប្រែនចំនួន៩គ្រឿង (ម៉ូតូធុនតូច និងធុនធំ) ដែលមានការកែច្នៃបំពង់ស៊ីម៉ាំងប្រែនបំពង់សំឡេង បង្កឱ្យមានការរំខានដល់ មនុស្សទូទៅ និងធ្វើឱ្យខូចសណ្តាប់ធ្នាប់សាធារណៈទៀត ។ ការចាប់ឃាត់ទុកជាបន្តបន្ទាប់អស់រយៈពេលជាច្រើនថ្ងៃមកហើយ ដើម្បីឱ្យម្ចាស់ដោះដូស៊ីម៉ាំងធម្មតាវិញ ធ្វើកិច្ចសន្យា និងអប់រំបញ្ឈប់នូវសកម្មភាពបែបនេះតទៅទៀត ។ ការបង្ហាញម៉ូតូ បានធ្វើឡើងកាលពីវេលាម៉ោង៤ និង៣០នាទីរសៀលថ្ងៃទី២៩ មករា នៅប៉ុស្តិ៍នគរបាលរដ្ឋបាលចតុមុខ (ក្បែររង្វង់មូលសម្តេចព្រះសង្ឃរាជ្យ ជួន ណាត) ក្នុងសង្កាត់ចតុមុខ ខណ្ឌដូនពេញ។
ប្រភពពីនគរបាលបានប្រាប់ឱ្យដឹងថា កម្លាំងនៃអធិការដ្ឋាននគរបាលខណ្ឌដូនពេញ បានបង្ហាញម៉ូតូ តូច ធំ ចំនួន៩គ្រឿង មានបំពាក់បំពង់ស៊ីម៉ាំងកែច្នៃបំពង់សំឡេង ជាការបង្កការរំខានទៅដល់មនុស្សជាទូទៅ និងធ្វើអោយប៉ះពាល់ទៅដល់សណ្តាប់ធ្នាប់សារធារៈផងដែរនោះ។ ម៉ូតូទាំងនេះ ត្រូវបានកម្លាំងរបស់លោកបានធ្វើការចាប់ឃាត់ទុក ក្នុងពេលចុះអនុវត្ច្បាប់ចរាចរណ៍ទាំងយប់ទាំងថ្ងៃជាបន្តបន្ទាប់ អស់យៈពេលមួយអាទិត្យមកហើយ។
គួរបញ្ជាក់ថា ការបង្ក្រាបម៉ូតូកែច្នៃឧបករណ៍បំពងសំឡេងទាំង៩គ្រឿងរបស់កម្លាំងមានសម្ថកិច្ចនគរបាលខណ្ឌដូនពេញនេះដែរ គឺនៅតាមបណ្តាខណ្ឌក្នុងរាជធានីភ្នំពេញ ក៏ដូចជាតាមបណ្ខេត្តផ្សេងៗ ក៏តែងតែបានធ្វើការអនុត្តន៍ច្បាប់ចរាចរណ៍ និងចាប់ឃាត់ម៉ូតូកែច្នៃបំពង់ស៊ីម៉ាំងប្រែនជារឿយៗផងដែរ ។
ចែករំលែកព័តមាននេះ