ប្រកាសនិងតែងតាំងស្នងការខេត្តកណ្តាលថ្មីព្រឹកនេះ
- កណ្តាល
ខេត្តកណ្តាល ៖ លោកឧត្តមសេនីយ៍ត្រី ឈឿន សុចិត្ត ស្នងការរងនៃស្នងការដ្ឋាននគរបាលខេត្តកណ្តាល ព្រឹកថ្ងៃទី៣០ មករា នេះ ត្រូវបានឡើងកាន់ជាស្នងការ…
ខេត្តកណ្តាល ៖ លោកឧត្តមសេនីយ៍ត្រី ឈឿន សុចិត្ត ស្នងការរងនៃស្នងការដ្ឋាននគរបាលខេត្តកណ្តាល ព្រឹកថ្ងៃទី៣០ មករា នេះ ត្រូវបានឡើងកាន់ជាស្នងការ…
ខេត្តកណ្តាល ៖ លោកឧត្តមសេនីយ៍ត្រី ឈឿន សុចិត្ត ស្នងការរងនៃស្នងការដ្ឋាននគរបាលខេត្តកណ្តាល ព្រឹកថ្ងៃទី៣០ មករា នេះ ត្រូវបានឡើងកាន់ជាស្នងការ ជំនួសលោកឧត្តមសេនីយ៍ទោ អ៊ាវ ចំរើន អតីតស្នងការនៃស្នងការដ្ឋាននគរបាលខេត្តកណ្តាល ទៅបម្រើការជានាយករងមន្ទីរប្រឆាំងគ្រឿងញៀន ។
ពិធីប្រកាសផ្ទេរភារកិច្ច និងតែងតាំងមុខតំណែង ស្នងការនៃស្នងការដ្ឋាន នគរបាលខេត្តកណ្តាល បាន
ប្រារព្ធវធ្វើឡើងនៅសាលាខេត្ត ក្រោមអធិបតីនាយឧត្តមសេនីយ៍ នេត សាវឿន អគ្គស្នងការនគរបាលជាតិ លោក ម៉ៅ ភិរុណ អភិបាល នៃគណៈអភិបាលខេត្ត និងចូលរួមថ្នាក់ដឹកនាំកម្លាំងប្រដាប់អាវុធ ប្រធានអនុប្រធានមន្ទីរ តាមមន្ទីរជុំវិញខេត្ត ប្រធាន-អនុប្រធានសាខាគយ និងរដ្ឋាករ សាខាពន្ធដារ អភិបាលស្រុកអធិការស្រុកជាច្រើននាក់ផងដែរ ។
លោកឧត្តមសេនីយ៍ត្រី ឈឿន សុចិត្ត ដែលទើបឡើងកាន់តំណែងបានឡើងប្តេជ្ញាចិត្ត ចំពោះគណៈអធិបតីយ៉ាងដូច្នេះថា «ថ្ងៃនេះគឺជាថ្ងៃមួយដ៏ឧត្តុង្គឧត្តមថ្លៃថ្លាបំផុត សំរាប់រូបខ្ញុំ ក៏ដូចជាមន្ត្រីនគរបាលនៃស្នងការដ្ឋាននគរបាលខេត្តកណ្តាល មានកិត្តិយសបានទទួលនូវការប្រកាសផ្ទេរភារកិច្ច និងតែងតាំងមុខតំណែងនាឱកាសនេះ។
ដើម្បីសំដែងនូវទឹកចិត្តដ៏ស្មោះស្ម័គ្រភក្តី ចំពោះថ្នាក់ដឹកនាំគ្រប់ជាន់ថ្នាក់ ខ្ញុំបាទសូមធ្វើការសន្យាដោយការទទួលខុសត្រូវ និងប្តេជ្ញាចិត្តដូចតទៅ ៖ សន្យាស្មោះត្រង់ចំពោះជាតិ សាសនា ព្រះមហាក្សត្រ ។ គោរព និងអនុវត្តដោយស្មោះត្រង់តាមកម្មវិធីនយោបាយរបស់រាជរដ្ឋាភិបាលនៃព្រះរាជាណាចក្រកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខដឹកនាំ ។ យកអស់កំលាំងកាយចិត្ត គំនិតប្រាជ្ញាដើម្បីបំរើផលប្រយោជន៍ប្រជារាស្ត្រ និងមិនធ្វើអ្វីដែលនាំអោយប៉ះពាល់ប្រយោជន៍របស់ប្រជារាស្ត្រឡើយ ។
ចែករំលែកព័តមាននេះ